ស្របពេលដែលក្រុមមន្ត្រីរដ្ឋាភិបាល
បានព្យាយាមធ្វើការបកស្រាយ ពីការស្លាប់របស់លោក ឈុត វុទី្ធ
សកម្មជនការពារព្រៃឈើល្បីឈ្មោះ និងលោក អ៊ិន រតនា មន្ត្រីកងរាជអាវុធហត្ថថា ពួកគេ បានស្លាប់បន្ទាប់ពីមានការបាញ់តគ្នា កាលពីថ្ងៃទី២៦មេសានោះ ត្រូវបានក្រុមគ្រួសារសពលោក
អ៊ិន រតនា ដាក់ការសង្ស័ថា ការស្លាប់របស់លោក អ៊ិន រតនា
ជាការសម្លាប់បំបិទមាត់ចុងក្រោយ បន្ទាប់ពីមានការបាញ់សម្លាប់លោក
ឈុត វុទ្ធី ហើយ ។ អ្នកស្រី ប៉ែន សេង ម្ដាយសពរបស់
អ៊ិន រតនា ដែលត្រូវបានបូជានៅ ខណ្ឌដង្កោ ក្នុង
ក្រុងភ្នំពេញកាលពីថ្ងៃសុក្រ
រំលងមួយថ្ងៃបន្ទាប់ពីព្រឹត្តិការណ៏នោះ បាននិយាយប្រាប់ក្រុមអ្នករាយការណ៏ព័ត៌មានថា ” យើងមានការសង្ស័យថា ហេតុអ្វីពួកគេស្លាប់ដោយសារតែគ្រាប់កាំភ្លើងដូចគ្នា..” ។
ចំណែកអ្នកស្រី អ៊ិន វណ្ណា ត្រូវជាម្ដាយមីងសពលោក
អ៊ិន រតនា ក៏ បានថ្លែងឲ្យដឹងផងដែរថា ”
ក្មួយប្រុសរបស់ខ្ញុំត្រូវបានគេសម្លាប់
ហើយខ្ញុំមិនអាចនិយាយច្រើនអំពីថា
តើអ្នកណាជាអ្នកបាញ់ក្មួយខ្ញុំ ស្លាប់នោះទេ
។ខ្ញុំមិនអាចនិយាយច្រើនអំពីការបាញ់សម្លាប់
ពីព្រោះខ្ញុំពុំបានឃើញ អំពីហេតុការណ៏នេះ ផ្ទាល់
។ប៉ុន្តែក្មួយប្រុសរបស់ខ្ញុំ អ៊ិន រតនា ជាមនុស្សស្លូតបូត
ហើយខ្ញុំមិនជឿថា គេហ៊ានបាញ់សម្លាប់ខ្លួនឯងនោះទេ.. ” ។
លោក
អ៊ិន រតនា រងការចោទប្រកាន់ថា បានបាញ់លោក ឈុត វុទ្ធី
ខណៈមានការប៉ះទង្គិចពាក្យសម្ដី នៅពេលដែលលោកព្យាយាម
ដកហូតអង្គចងចាំពីម៉ាស៊ីនថតដែលលោក ឈុត វុទ្ធី
បានថតសកម្មភាពកាប់បំផ្លាញព្រៃឈើ នៅចំណុចវាលបី ក្នុងស្រុក
មណ្ឌលសីមា ខេត្ត កោះកុង ជាប់ ព្រំប្រទល់ជាមួយខេត្តពោធិ៍សាត់
មុនពេលបាញ់សម្លាប់ខ្លួនឯង ដោយកាំភ្លើងអាកា-៤៧ របស់ខ្លួន ។ លោក
ឈុត វុទ្ធី ត្រូវបានបាញ់ចំជង្គង់ ហើយធ្លាយទៅដល់ពោះ រី ឯលោក អ៊ិន
រតនា ត្រូវបានបាញ់២គ្រាប់ចំទ្រូង និងពោះ ។
សាកសពលោក ឈុត វុទ្ធី ត្រូវបានក្រុមគ្រួសារបញ្ចុះ
នៅព្រឹកថ្ងៃទី ៣០ មេសា នេះ ឯឃុំ វិហារសួគ៌ ក្នុងស្រុកខ្សាច់កណ្ដាល
ខេត្ត កណ្ដាល ជាមួយការដង្ហោយទាមទារ ឲ្យមានការវែកមុខ
អ្នកនៅពីក្រោយ និង ចាប់ជនដៃដល់ពិតប្រាកដ
យកមកធ្វើការផ្ដន្ទាទោសតាមច្បាប់ ៕
0 comments:
Post a Comment