ខ្មែរនៅក្រៅប្រទេសនិងធ្វើបុណ្យឧទ្ទិសកុសលជូនវីរជនព្រៃឈើ ឈុត វុទ្ឋី

០៥ ខែមេសា ឆ្នាំ២០១២by: kmn Radio

បណ្ឌិត ឌី ការ៉េត អនុប្រធានគណះម្មាធិការព្រំដែនខ្មែរ និងពិភពលោក ​បានឲ្យដឹងពីប្រទេស​បារាំង​មកថា នៅថ្ងៃទី០៥ ខែមេសា ឆ្នាំ២០១២នេះ រូបលោក និងថ្នាក់ដឹកនាំគណះម្មាធិការព្រំដែនខ្មែរ និងពិភពលោក ទាំងអស់និងជួប្រជុំគ្នា កំណត់យកថ្ងៃណាមួយក្នុងសប្តាហ៍នេះឬក៏សប្តាហ៍ក្រោយ ដើម្បីរៀប​ចំពិធី​បុណ្យ​ បង្សុកូលឧទ្ទិសកុសលផលបុណ្យជូន វីវជនព្រៃឈើ ឈុត វទ្ឋី ជាការតប​ស្នងសងគុណនូវគុណ​បំណាច់​ ដែលលោកបានធ្វើចំពោះជាតិនិងប្រជារាស្ត្រខ្មែរ ។​ ពិធីនិងមានការរៀបចំតាមបែបប្រពៃណី​ព្រះពុទ្ឋ​សាសនា ដែលមានព្រះសង្ឃ ពុទ្ឋបរិសទ័ និងបងប្អូនខ្មែរដែលរស់នៅក្នុងប្រទេសបារាំងចូលរួម ។
ដោយឡែកនៅក្នុងប្រទេសន័រវេស្សឯណោះវិញ បើតាមប្រសាសន៍លោក ម៉ែន ណាត ប្រធាន​សមាគម​ពុទ្ឋសាសនិកជនខ្មែរនៅប្រទេសន័រវេស្ស បានឲ្យដឹងថា នៅថ្ងៃទី០៥ ខែមេសា ឆ្នាំ២០១២នេះ គណះកម្មា​ធិការនាយករបស់សមាគមបានប្រជុំកំណត់យក ថ្ងៃទី២៦ ខែមេសា ឆ្នាំ២០១២ ខាងមុខនេះ​ ដើម្បីប្រារព្ឋ​ពិធីបុណ្យ​ពិសាខ​បូជា ជាពិធីបុណ្យដ៏ធំក្នុងព្រះពុទ្ឋសាសនា ដែលជាការរំលឹកនិងគោរព​បូជាដល់​ព្រះ​សម្មា​ សម្ពុទ្ឋបរមគ្រូនៃយើងកាលពីព្រះទ្រង់ប្រសូត្រ ត្រាស់ដឹង និងយាងចូលព្រះនិព្វាន ។ ក្នុងពិធីនោះ​គណះ​កម្មាធិការក៏បានសម្រេចនិងរៀបចំពិធិបង្សុកូលជូនវីរជនព្រៃឈើ ឈុត វុទ្ឋី ផងដែរ ៕