 |
| យើងមិនមើលរំលងនូវទង្វើរបស់វីរបុរសខ្មែររូបណាដែលបានពលីកម្មដើម្បីជាតិឡើយ |
 |
| លោក សម រង្ស៊ី ឈរនិយាយទូរស័ព្ទ នៅចំពោះមុខអ្នកភូមិដែលកំពុងដកបង្គោលតំរុយ |
 |
| បង្គោល ព្រំដែន ខ្មែរ-យួន ស្ថិត ក្នុង ខេត្ត កំពង់ ចាម |
 |
ការសម្ពោធបង្គោលព្រំដែនកម្ពុជា-យួននៅបាវិត កាលពីឆ្នាំ២០០៦ |
លោក ស៊ាន ប៉េងសែ ប្រធានគណៈកម្មការព្រំដែនខ្មែរដែលមានមូលដ្ឋាននៅប្រទេសបារាំង បានថ្លែងឲ្យដឹងថា ការបោះបង្គោលខណ្ឌព្រំសីមាខ្មែរ-យួន ដែលកំពុងតែអនុវត្តដោយគណៈកម្មាធិការព្រំដែននៃប្រទេសទាំងពីរនៅពេលនេះ វាគឺជារឿងខុសច្បាប់ ទាំងច្បាប់ជាតិ និងអន្តរជាតិ។ ហើយលោកបានទាមទារឲ្យបញ្ឈប់ជាបន្ទាន់ចំពោះសកម្មភាពបែបនេះ។
លោក ស៊ាន ប៉េងសែ ប្រធានគណៈកម្មការព្រំដែនខ្មែរ នៅប្រទេសបារាំង
លោក ស៊ាន ប៉េងសែ បានថ្លែងបន្តថា ការបោះបង្គោលព្រំដែននោះ គឺមិនឆ្លើយតបទៅនឹងច្បាប់ធម្មនុញ្ញរបស់ប្រទេសកម្ពុជាទេ ហើយក៏ពុំបានអនុលោមទៅតាមផែនទីរបស់អាណានិគមនិយមបារាំងផងដែរ ដែលវាអាចបញ្ជាក់បានថា គឺជាផ្នែកមួយនៃការរំលោភច្បាប់នានារបស់អន្តរជាតិ។ ជាមួយគ្នាប្រធានគណៈកម្មការព្រំដែនខ្មែររូបនេះ បានធ្វើការអំពាវនាវដល់រដ្ឋាភិបាលប្រទេសកម្ពុជាឲ្យផ្អាកការបោះបង្គោលព្រំដែននេះ ដើម្បីធ្វើការត្រួតពិនិត្យផ្ទៀងផ្ទាត់រកភាពត្រឹមត្រូវតាមផ្លូវច្បាប់ និងធ្វើយ៉ាងណាដើម្បីឲ្យកម្ពុជាទទួលបានភាពយុត្តិធម៌ត្រឹមត្រូវ មិនបាត់បង់ផលប្រយោជន៏ទឹកដីរបស់ខ្លួន។
យ៉ាងណាក៏ដោយ យោងតាមការប្រកាសឲ្យដឹងរបស់គណៈកម្មការព្រំដែននៃរដ្ឋាភិបាលខ្មែរ ក៏ដូចជាយួនថា ឥឡូវនេះគេបានសម្រេចការបោះបង្គោលបានជាង៦០ភាគរយហើយ ហើយកំពុងតែពន្លឿនការបោះដើម្បីឲ្យចប់សព្វគ្រប់នៅឆ្នាំ២០១២ខាងមុខ៕
0 comments:
Post a Comment