ក្រុមអាវលឿង ធ្វើឲ្យសភាថៃផ្អាកការពិភាក្សាលើច្បាប់ផ្សះផ្សាជាតិ
 |
| Yellow shirts |
បាងកកៈក្រុមអាវលឿងរបស់ថៃនៅថ្ងៃសុក្រនេះបានធ្វើឲ្យសភាថៃ ផ្អាក ដោយឡោមព័ទ្ធវិមានរដ្ឋសភា និងបង្ខំឲ្យផ្អាកការពិភាក្សាគ្នាលើច្បាប់ផ្សះផ្សាជាតិ ដែលក្រុមអ្នករិះគន់លើកឡើងថា វាជាការបើកផ្លូវឲ្យ អតីតនាយករដ្ឋមន្ត្រីវិលត្រលប់ចូលស្រុកវិញ។
គណបក្សសម្ព័ន្ធប្រជាជនដើម្បីប្រជាធិបតេយ្យ ដែលគេស្គាល់ថាជាក្រុមអាវលឿង បានប្រឆាំងនឹងច្បាប់នោះ ពីព្រោះពួកគេនិយាយថា រាជរដ្ឋាភិបាលនឹងប្រើការលើកលែងទោស ដើម្បីនាំនាយករដ្ឋមន្ត្រីនិរទេសរបស់ខ្លួនលោក Thaksin Shinawatra ឲ្យត្រលប់ចូលស្រុកវិញ ដោយគ្មានការជាប់ពន្ធនាគារ ដែលជាប់ពីបទពុករលួយ។
លោក Somsak Kiatsuranont បានប្រាប់សារព័ត៌មានថា «ខ្ញុំបានស្នើឲ្យការប្រជុំផ្អាកដើម្បីការពារសន្តិភាពក្នុងប្រទេស។ ពួកយើងត្រូវវិភាគស្ថានភាព មុនពេលកំណត់ពេលវេលាថាតើកិច្ចប្រជុំ និងធ្វើឡើងម្តងទៀតនៅពេលណាទេ»។ Reuters/លាង ផាន់ណារ៉ា
ចៅក្រមតុលាការសហព័ន្ធសហរដ្ឋអាមេរិកធ្វើទស្សនកិច្ចនៅកម្ពុជា
FRIDAY, 01 JUNE 2012 18:07
លាង ផាន់ណារ៉ា/ ភ្នំពេញប៉ុស្តិ៍
យោងតាមសេចក្តីប្រកាសព័ត៌មានរបស់ស្ថានទូតអាមេរិក បានឲ្យដឹងថានៅថ្ងៃនេះថា ចៅក្រមតុលាការសហព័ន្ធសហរដ្ឋអាមេរិកនឹងធ្វើទស្សនកិច្ចមកប្រទេសកម្ពុជា ពីថ្ងៃទី ៤ ខែមិថុនាដល់ថ្ងៃទី ៨ ខែមិថុនា ឆ្នាំ ២០១២នេះ។
សេចក្តីប្រកាសព័ត៌មាននោះបញ្ជាក់ថា លោកចៅក្រម James Wynn ដែលជាចៅក្រមសាលាឧទ្ទរណ៍សហព័ន្ធ សម្រាប់សាខាទី ៤ របស់សហរដ្ឋអាមេរិក នឹងមកធ្វើបទបង្ហាញមួយចំនួនស្តីពីឯករាជ្យភាពនៃតុលាការ និងចំណុចដទៃទៀតនៃច្បាប់ដល់ចៅក្រម មេធាវី ក្រឡាបញ្ជី អ្នកសារព័ត៌មាន និស្សិតច្បាប់ និងអង្គការមិនមែនរដ្ឋាភិបាល។
ការធ្វើបទបង្ហាញនេះ ជាផ្នែកមួយនៃកម្មវិធីវាគ្មិន ដែលឧបត្ថម្ភដោយការិយាល័យកម្មវិធីព័ត៌មានអន្តរជាតិរបស់ក្រសួងការបរទេសសហរដ្ឋអាមេរិក៕
0 comments:
Post a Comment