កម្មវិធី Skype ត្រូវបានគេបង្កើតឡើងក្នុងឆ្នាំ 2003 ដោយលោក Niklas Zennstorm មកពី Sweden រួមជាមួយលោក Janus Friis មកពី Denmark ហើយកម្មវិធី Skype ត្រូវបានអភិវឌ្ឍន៍ឱ្យកាន់តែរីកចំរើនឡើងដោយលោក Ahti Heinla និង Priit Kasesalu និង លោក Jaan Tallinn ដែលជាអ្នកចូលរួមបង្កើតកម្មវិធី Peer-to-peer file sharing ឈ្មោះថា Kazza ផងដែរ ។ នៅក្នុងឆ្នាំ 2003ឈ្មោះ Skype.com និង Skype.net ត្រូវបានគេចុះឈ្មោះ ហើយនៅក្នុងឆ្នាំ 2003 ខែ សីហា កម្មវិធីស៊េរីដំបូងជា Beta ត្រូវបានគេដាក់ចេញជាសាធារណ ។ ឈ្មោះដំបូងរបស់កម្មវិធីត្រូវបានគេហៅថា Skype peer-to-peer ដែលបន្ទាប់មកទៀតត្រូវបានគេហៅកាត់ថា Skyper ។ ប៉ុន្តែទោះបីជាយ៉ាងណា ឈ្មោះមួយចំនួនដែលទាក់ទងនឹង Skyper ត្រូវបានគេប្រើរួចទៅហើយ ដូច្នេះវាបានលុបអក្សរ r ទៅជា Skype រហូតមក ។ នៅក្នុងខែកញ្ញា ឆ្នាំ 2005 សេវាកម្ម SkypeOut ត្រូវបានគេហាមឃាត់នៅប្រទេសចិនភាគខាងត្បូង ហើយនៅក្នុងខែតុលាឆ្នាំដដែល eBay បានទិញកម្មវិធី Skype ក្នុងតម្លៃ 2.6 ពាន់លានដុល្លារ ហើយបន្ទាប់មកនៅក្នុងឆ្នាំ 2005 ខែ ធ្នូ កម្មវិធី Videotelephony សម្រាប់ការសន្ទនាជាវីដេអូ ត្រូវបានបង្កើតឡើង ។ ចាប់ពីពេលនោះ Skype បានទទួលភាពជោគជ័យជាច្រើនបន្តទៀតរហូតមក ។ KH4IT នឹងបង្ហាញអំពីប្រវត្តិអ្នកបង្កើតនិងលក្ខណៈពិសេសនៃកម្មវិធី Skype ដូចខាងក្រោម៖
អ្នកប្រើប្រាស់កម្មវិធី Skype ត្រូវបានកំណត់ដោយឈ្មោះខុសៗគ្នា ហើយត្រូវបាន ចុះទៅក្នុងតារាង Skype Directory ។ កម្មវិធីSkype អនុញ្ញាតឱ្យអ្នកប្រើទាំងអស់ធ្វើការទំនាក់ទំនងគ្នាទៅវិញទៅមកតាមរយៈការសរសេរអក្សរឬសន្ទនាជាសំឡេង ។ មុខងារVoice chat អាចធ្វើការហៅទូរស័ព្ទរវាងអ្នកប្រើប្រាស់ពីរនាក់ និង ការសន្ទនាជាក្រុម ( Conference calling )។ skype text chat client អាចធ្វើការសន្ទនាជាក្រុមដោយ បញ្ជូនរូបភាពចលនា រក្សាទុកការសន្ទនាពីមុន ការបញ្ជូនសារ Offline និងការកែកំហុសសារដែលបានសរសេរ ។ លក្ខណពិសេសដែលអ្នកប្រើកម្មវិធីជជែកធ្លាប់ស្គាល់ដូចជា ឯកសាររបស់អ្នកប្រើប្រាស់ ( User Profile) និង ស្ថានភាពនៅលើបណ្ដាញ (Online Status ) និងអ្វីៗជាច្រើនផ្សេងទៀត ក៏ត្រូវបានបញ្ចូលក្នុងនោះទាំងអស់ ។
សេវាកម្ម Online Number , ឈ្មោះថា a,k,a SkypeIn អាចឱ្យអ្នកប្រើប្រាស់ កម្មវិធី Skype ទទួលទូរស័ព្ទនៅលើកុំព្យូទ័ររបស់ពួកគេ ដែលបានហៅចេញមកពីទូរស័ព្ទដៃទូទៅទៅកាន់ លេខ Skype តាមតំបន់ ហើយលេខតាមតំបន់នេះអាចប្រើបាននៅប្រទេសAustralia, Belgium, Brazil, Chile, Colombia, Denmark, the Dominican Republic, Estonia, Finland, France, Germany, Hong Kong, Hungary, Ireland, Italy, Japan, Mexico, New Zealand, Poland, Romania, South Africa, South Korea, Sweden, Switzerland, the Netherlands, the United Kingdom, និង the United States ។
អ្នកប្រើប្រាស់កម្មវិធី Skype អាចប្រើលេខតាមតំបន់នៅក្នុងបណ្ដាលប្រទេសទាំងនេះ ដោយការទូរស័ព្ទទៅកាន់លេខនេះត្រូវបានគេគិតប្រាក់ដូចទៅនឹងការទូរស័ព្ទនៅក្នុងតំបន់នោះដែរ ។ ការសន្ទនាតាមវីដេអូជាក្រុមរវាងអ្នកប្រើប្រាស់ពីនាក់ត្រូវបានគេបង្កើតក្នុងឆ្នាំ 2006 ខែមករា សម្រាប់ Windows និង Mac OS X ។ កម្មវិធី Skype 2.0 សម្រាប់ Linux បានដាក់ចេញក្នុងថ្ងៃទី 13ខែមិនាឆ្នាំ 2008 ដោយបានបញ្ចូលលក្ខណពិសេសប្រើជាមួយការសន្ទនាវីដេអូជាក្រុមផងដែរ ។ ហើយស៊េរី 5.0 សម្រាប់windows ដែលបានដាក់ចេញនៅថ្ងៃទី 13 ខែ ឧសភា ឆ្នាំ 2010 ដែលផ្ដល់ការសន្ទនាវីដេអូជាក្រុម បានដល់ទៅ ៥ នាក់ ។ កម្មវិធីSkype សម្រាប់ windows ចាប់ផ្ដើមពីស៊េរី 3.6.0.216ដែលអាចប្រើជាមួយការសន្ទនាជាវីដេអូដែលមានគុណភាពខ្ពស់ និង អាចពង្រីកជាទំហំពេញអេក្រង់ និងជាលក្ខណអេក្រង់នៅក្នុងអេក្រង់ ។ ការសន្ទនាតាមសំឡេងជាក្រុមអាចទទួលមនុស្សបានដល់ទៅ 25 នាក់ក្នុងពេលតែមួយ។
អំពីស្ថាបនិកបង្កើតកម្មវិធី Skype
លោក Niklas Zennström
លោក Niklas Zennstrom កើតនៅថ្ងៃទី ១៦ ខែកុម្ភៈឆ្នាំ ១៩៦៦ ហើយលោកមានសញ្ញាប័ត្រពីរ Business Administration (BSc)និង Engineering Physics (Msc) ពីសកលវិទ្យាល័យ Uppsalaក្នុងប្រទេស Saweden ។ គាត់គឺជាស្ថាបនិកដ៏ល្បីល្បាញបំផុតដោយបានរកឃើញកម្មវិធីជាមួយលោកJanus Friisរួមមានកម្មវិធី Skypeនិង Lazaa។ ថ្មី ៗ នេះគាត់បានបង្កើតក្រុមវិនិយោគមួយឈ្មោះថា Atomico ហើយបានក្លាយជាអ្នកដឹកនាំដ៏សំខាន់សម្រាប់សហគ្រិននៅក្នុងផ្នែកបច្ចេកវិទ្យា ។
niklas បានសហការបង្កើតកម្មវិធី Skype ក្នុងឆ្នាំ 2002 ជាមួយលោក Jenus Friis ដោយមានទស្សនវិស័យក្នុងការផ្ដល់ភាពងាយស្រួលមុខជំនួញ និង អតិថិជន ក្នុងការនិយាយទៅកាន់គ្នាទៅវិញទៅមកទូទាំងសកលលោក។ ហើយបន្ទាប់មកកម្មវិធីSkypeនេះបានក្លាយជាកម្មវិធីឈានមុខគេសម្រាប់ការទំនាក់ទំនងជាសំឡេងតាមប្រព័ន្ធ អ៊ីនធឺណិត និងទាក់ទាញមនុស្សអ្នកចុះឈ្មោះប្រើប្រាស់លើសពី 276 លានអ្នកទៅទៀត ក្នុងរយៈពេលមិនលើសពី 4 ឆ្នាំនៃការបង្ហោះឱ្យទាញយកទៅប្រើរ។ ការបន្តភាពជោគជ័យរបស់ Skype ត្រូវបានគេទទួលស្គាល់ក្នុងខែ កញ្ញា ឆ្នាំ 2005 នៅពេលដែល eBay បានទិញយក Skype ក្នុងតម្លៃ 3.1 ពាន់លានដុល្លារ ។ លោកបានទទួលតំណែងជា CEO ចាប់ពីការកកើតនោះរហូតដល់ឆ្នាំ 2007 ខែកញ្ញា ។ ហើយថែមទាំងក្រុមហ៊ុន Atomico ដែល Niklas បានបម្រើជា Board Member សម្រាប់ក្រុមហ៊ុន Start up មួយចំនួនដូចជា FON ជាដើម ។ លោក Niklass បានចាប់ផ្ដើមការងារអាជីពរបស់លោកនៅឯក្រុមហ៊ុន Tele2 ដែលជាក្រុមហ៊ុនទូរស័ព្ទដំបូងក្នុងប្រទេសអឺរ៉ុប ។ ក្នុងការងារអាជីពរបស់លោករហូតមកដល់សព្វថ្ងៃលោក Niklas បានទទួលពានរង្វាន់ជាច្រើន ។
អំពីលោក Janus Friis
លោក Janus Friis កើតនៅថ្ងៃទី 26 ខែមិថុនាឆ្នាំ 1976 នៅក្នុងទីក្រុង Copenhagen ប្រទេស Danish។ គាត់ត្រូវបានគេស្គាល់ថាសហគ្រិនវៃក្មេងដែលបានទទួលកិត្តិនាមល្បីល្បាញក្នុងការបង្កើតកម្មវិធី កម្មវិធី Skype និង កម្មវិធី File Sharing មួយទៀតឈ្មោះថា Kazaa ជាមួយដៃគូររបស់លោកឈ្មោះ Niklas Zennstrom ។ លោក Friis មិនមានការសិក្សាបានខ្ពស់ជាផ្លូវការទេ ដោយបានឈប់សិក្សានៅថ្នាក់វិទ្យាល័យមុនពេលចាប់ផ្ដើមការងារ នៅកន្លែងជំនួយការក្នុងក្រុមហ៊ុន CyberCity ដែលជាក្រុមហ៊ុនផ្ដល់សេវាកម្មអ៊ីនធឺណិតដំបូងគេមួយនៅក្នុងប្រទេស Denmark ។ គាត់បានជួបលោក Zennstrom នៅក្នុងឆ្នាំ 1996ហើយក្នុងពេលនោះ លោក Zenstrom ត្រូវបានទទួលខុសត្រូវក្នុងក្រុមហ៊ុន Tele2 នៅក្នុង Denmark ហើយលោកFriss ត្រូវបានក្រុមហ៊ុនជួលដើម្បីដំណើរការសេវាកម្មផ្ដល់ជំនួយដល់អតិថិជនរបស់ក្រុមហ៊ុននោះ ។ លោក Friis និង លោក Zenstrom បានធ្វើការជាមួយគ្នា នៅ Tele2 ក្នុងប្រទេស Denmark ដើម្បីបង្កើត get2net ដែលជាសេវាកម្ម ISP ផ្សេងទៀត ។ លោក Friis ត្រូវបានគេបញ្ចូលឈ្មោះក្នុងតារាងក្នុងចំណោមអ្នកមានឥទ្ធិពលបំផុតចំនួន 100 នាក់ក្នុង ទស្សនាវដ្ដី Time Magazine នៅឆ្នាំ 2006 ហើយក្នុងឆ្នាំដដែល លោក Friis បានទទួលរង្វាន់ដ៏មានកិត្យានុភាព ហៅថា “IT-prisen” (“The IT Prize”) នៅក្នុងប្រទេសរបស់គាត់ ដែលផ្ដល់ឱ្យដោយក្រុមហ៊ុន IT និង IDG សម្រាប់ការងារ និង ការបង្កើតស្នាដៃបង្កើតកម្មវិធីថ្មីៗរបស់លោក ។ លោក Friis ផ្ទាល់ និង លោក Zennstrom ក៏បានទទួលរួមគ្នានូវរង្វាន់ Wharton Infosys Business Transformation ក្នុងឆ្នាំ 2006 ក្នុងនាមជាអ្នកប្រើបច្ចេកវិទ្យាព័ត៌មានវិទ្យាធ្វើជាផ្នែកមួយដែលបានផ្លាស់ប្ដូរ សង្គម និង ឧស្សាហកម្មជាទូទៅ ។
0 comments:
Post a Comment