ថ្ងៃទី 24 មីនា 2012, ម៉ោង 01:19:PM) | ដោយ: រតនា
ភ្នំពេញ: អ្នកស្រី ថៃ ណារី
សមាជិកក្រុមប្រឹក្សាសង្កាត់ស្រះចក មកពីគណបក្សសមរង្ស៊ី
នៅព្រឹកថ្ងៃទី២៤ ខែមីនា ឆ្នាំ២០១២ បានចេញមុខសារភាព
និងសូមទោសជាសាធារណៈ ចំពោះមុខអ្នកភូមិបឹងកក់ជាច្រើននាក់
បន្ទាប់ពីគាត់ បានដាក់ឈ្មោះអ្នកភូមិបឹងកក់ ៥នាក់
ជាអ្នកសង្កេតការណ៍របស់គណបក្សសមរង្ស៊ី។
អ្នកស្រី ថៃ ណារី បានថ្លែងសូមទោសអ្នកភូមិបឹងកក់ ដែលមានខ្លឹមសារ ដូចខាងក្រោម៖
នាងខ្ញុំឈ្មោះ ថៃ ណារី ជាក្រុមប្រឹក្សាសង្កាត់ ស្រះចក សូមជម្រាបជូនបងប្អូនថា ឈ្មោះ ទេព វន្នី, ដួង គា, ហេង មុំ, តុល ស្រីពៅ, គង់ ចន្ថា មិនមែនជាសមាជិកគណបក្សសមរង្ស៊ីទេ។ បានជានាងខ្ញុំ ដាក់ឈ្មោះដូចរាយនាមខាងលើនេះ កន្លងមក ខ្ញុំបានស្គាល់រាប់អានពួកគាត់ ហេតុដូច្នេះហើយ បានជាខ្ញុំសម្រេចិត្ត ដាក់ឈ្មោះ ពួកគាត់សង្កេតការណ៍បម្រុង ដោយខ្ញុំមិនបានសួរគាត់ជាមុន។
ខ្ញុំសូមសារភាពកំហុស ទាំងអស់ ឥឡូវនេះ នាងខ្ញុំបានដកឈ្មោះ ចេញបញ្ជីសង្កេតការណ៍បម្រុងរួចអស់ហើយ។ ដូចបានរៀបរាប់ខាងលើ នាងខ្ញុំឈ្មោះ ថៃ ណារី សូមមេត្តាអធ្យាស្រ័យ សុំទោសទៅដល់ប្រជាពលរដ្ឋទាំងប្រាំនាក់ ឈ្មោះខាងលើ ពីព្រោះកន្លងមក ក៏ពួកគាត់ធ្លាប់បានប្រាប់ខ្ញុំដែរថា ពួកគាត់មិនចូលបក្សនយោបាយណាទាំងអស់។ ដូច្នេះ សូមកុំយកឈ្មោះពួកគាត់ឲ្យប្រឡូកប្រឡាក់ ក្នុងបក្សនយោបាយឲ្យសោះ។
លោក ដួង គា បាននិយាយថា អ្នកភូមិបឹងកក់មិនមែនជាអ្នកគាំទ្រនយោបាយគណបក្សប្រឆាំងសមរង្ស៊ីទេ ពួកគាត់ជាប្រជាពលរដ្ឋដែលបាត់បង់លំដៅដ្ឋាន ហើយកំពុងតែទាមទារឲ្យអាជ្ញាធរវាស់ទីតាំងដីជាក់លាក់ ទំហំជាង ១២ហិកតា ដែលសម្តេចតេជោនាយករដ្ឋមន្ត្រី ហ៊ុន សែន បានសម្រេចកាត់ដីពីក្រុមហ៊ុន ចែកឲ្យពួកយើង។
លោក គា បានបញ្ជាក់ថា “យើងអត់អោនអធ្យាស្រ័យឲ្យគាត់ នៅពេលដែលគាត់មកសុំទោសពួកយើងនៅពេលនេះ យើងអត់ប្ដឹងគាត់ទេ ពីព្រោះគាត់បានដឹងកំហុសរបស់ខ្លួន តែថ្ងៃក្រោយឈប់យកពួកយើង ចូលឡូកឡំជាមួយនឹងគណបក្សនយោបាយសមរង្ស៊ី”។
អ្នកស្រី តុល ស្រីពៅ បាននិយាយថា "ចាប់ពីថ្ងៃនេះទៅ សូមបញ្ឈប់ការលាបពណ៌ពួកខ្ញុំ ជាមួយនឹងគណបក្សនយោបាយសមរង្ស៊ី ចាប់ពីពេលថ្ងៃនេះតទៅ អ្នកភូមិបឹងកក់មាសសុទ្ធមិនខ្លាចភ្លើងទេ"។
អ្នកស្រីបន្តថា “ពីមុនពួកខ្ញុំ នឹងប្ដឹងគាត់ទៅតុលាការ តែឥឡូវនេះ ដោយសារគាត់ដឹងកំហុសរបស់គាត់។ គាត់មកសុំទោស។ ខ្ញុំអត់ប្ដឹងគាត់ទេ”។
កាលពីយប់ថ្ងៃទី២៣ ខែមីនា ឆ្នាំ២០១២ មានការបាចខិត្តប័ណ្ណចោទប្រកាន់តំណាងអ្នកភូមិបឹងកក់ទាំង ៥នាក់ នៅភូមិបឹងកក់ ដែលមានឈ្មោះខាងលើនោះ ថាជាមនុស្សរបស់គណបក្សប្រឆាំងសមរង្ស៊ី ដោយកាត់អត្ថបទរបស់កាសែតក្នុងស្រុក ដែលដាក់រូបពួកគាត់ ទាក់ករូបទីងមោងអូសតាមផ្លូវ។ បន្ទាប់ពីរៀបចំការបាចខិត្តប័ណ្ណបែបនេះ អ្នកភូមិបឹងកក់ បានប្ដឹងផ្ទាល់មាត់ទៅលោកមេប៉ុស្ដិ៍នគរបាល សង្កាត់ស្រះចក ឲ្យជួយវែកមុខជនខិលខូច និងបក្ខពួកឲ្យឃើញ ហើយពួកគាត់នឹងចាប់វិធានការប្ដឹងក្រុមនោះទៅតាមច្បាប់។
ពាក់ព័ន្ធទៅនឹងករណីនេះផងដែរ លោក ណាក់ ប្រធានប៉ុស្ដិ៍នគរបាលសង្កាត់ស្រះចក បានគេចមុខមិនព្រមធ្វើការឆ្លើយបញ្ជាក់ នៅពេលដែលអ្នកកាសែតតាមសួរ អំពីចំណាត់ការស៊ើបអង្កេតរបស់អាជ្ញាធរមូលដ្ឋាន ចាប់ជនខិលខូច បាចខិតប័ណ្ណតំណាងអ្នកភូមិបឹងកក់ថា ជាមនុស្សរបស់គណបក្សប្រឆាំងនោះឡើយ។
ជាមួយគ្នានោះ អ្នកស្រី ទេព វន្នី បាននិយាយថា “យើងខ្ញុំសូមបដិសេធទាំងស្រុងថា ពួកគាត់មិនមែននៅខាងគណបក្សណាទេ។ ពួកយើង ធ្វើការទាមទារសម្រាប់តែផ្ទះ និងដីតែប៉ុណ្ណោះ មិនមែនធ្វើការបម្រើបក្សណាទេ។ បក្សណាក៏ដោយ ឲ្យតែធ្វើការបម្រើប្រជាពលរដ្ឋ គឺខ្ញុំស្រឡាញ់ទាំងអស់”៕
នាងខ្ញុំឈ្មោះ ថៃ ណារី ជាក្រុមប្រឹក្សាសង្កាត់ ស្រះចក សូមជម្រាបជូនបងប្អូនថា ឈ្មោះ ទេព វន្នី, ដួង គា, ហេង មុំ, តុល ស្រីពៅ, គង់ ចន្ថា មិនមែនជាសមាជិកគណបក្សសមរង្ស៊ីទេ។ បានជានាងខ្ញុំ ដាក់ឈ្មោះដូចរាយនាមខាងលើនេះ កន្លងមក ខ្ញុំបានស្គាល់រាប់អានពួកគាត់ ហេតុដូច្នេះហើយ បានជាខ្ញុំសម្រេចិត្ត ដាក់ឈ្មោះ ពួកគាត់សង្កេតការណ៍បម្រុង ដោយខ្ញុំមិនបានសួរគាត់ជាមុន។
ខ្ញុំសូមសារភាពកំហុស ទាំងអស់ ឥឡូវនេះ នាងខ្ញុំបានដកឈ្មោះ ចេញបញ្ជីសង្កេតការណ៍បម្រុងរួចអស់ហើយ។ ដូចបានរៀបរាប់ខាងលើ នាងខ្ញុំឈ្មោះ ថៃ ណារី សូមមេត្តាអធ្យាស្រ័យ សុំទោសទៅដល់ប្រជាពលរដ្ឋទាំងប្រាំនាក់ ឈ្មោះខាងលើ ពីព្រោះកន្លងមក ក៏ពួកគាត់ធ្លាប់បានប្រាប់ខ្ញុំដែរថា ពួកគាត់មិនចូលបក្សនយោបាយណាទាំងអស់។ ដូច្នេះ សូមកុំយកឈ្មោះពួកគាត់ឲ្យប្រឡូកប្រឡាក់ ក្នុងបក្សនយោបាយឲ្យសោះ។
លោក ដួង គា បាននិយាយថា អ្នកភូមិបឹងកក់មិនមែនជាអ្នកគាំទ្រនយោបាយគណបក្សប្រឆាំងសមរង្ស៊ីទេ ពួកគាត់ជាប្រជាពលរដ្ឋដែលបាត់បង់លំដៅដ្ឋាន ហើយកំពុងតែទាមទារឲ្យអាជ្ញាធរវាស់ទីតាំងដីជាក់លាក់ ទំហំជាង ១២ហិកតា ដែលសម្តេចតេជោនាយករដ្ឋមន្ត្រី ហ៊ុន សែន បានសម្រេចកាត់ដីពីក្រុមហ៊ុន ចែកឲ្យពួកយើង។
លោក គា បានបញ្ជាក់ថា “យើងអត់អោនអធ្យាស្រ័យឲ្យគាត់ នៅពេលដែលគាត់មកសុំទោសពួកយើងនៅពេលនេះ យើងអត់ប្ដឹងគាត់ទេ ពីព្រោះគាត់បានដឹងកំហុសរបស់ខ្លួន តែថ្ងៃក្រោយឈប់យកពួកយើង ចូលឡូកឡំជាមួយនឹងគណបក្សនយោបាយសមរង្ស៊ី”។
អ្នកស្រី តុល ស្រីពៅ បាននិយាយថា "ចាប់ពីថ្ងៃនេះទៅ សូមបញ្ឈប់ការលាបពណ៌ពួកខ្ញុំ ជាមួយនឹងគណបក្សនយោបាយសមរង្ស៊ី ចាប់ពីពេលថ្ងៃនេះតទៅ អ្នកភូមិបឹងកក់មាសសុទ្ធមិនខ្លាចភ្លើងទេ"។
អ្នកស្រីបន្តថា “ពីមុនពួកខ្ញុំ នឹងប្ដឹងគាត់ទៅតុលាការ តែឥឡូវនេះ ដោយសារគាត់ដឹងកំហុសរបស់គាត់។ គាត់មកសុំទោស។ ខ្ញុំអត់ប្ដឹងគាត់ទេ”។
កាលពីយប់ថ្ងៃទី២៣ ខែមីនា ឆ្នាំ២០១២ មានការបាចខិត្តប័ណ្ណចោទប្រកាន់តំណាងអ្នកភូមិបឹងកក់ទាំង ៥នាក់ នៅភូមិបឹងកក់ ដែលមានឈ្មោះខាងលើនោះ ថាជាមនុស្សរបស់គណបក្សប្រឆាំងសមរង្ស៊ី ដោយកាត់អត្ថបទរបស់កាសែតក្នុងស្រុក ដែលដាក់រូបពួកគាត់ ទាក់ករូបទីងមោងអូសតាមផ្លូវ។ បន្ទាប់ពីរៀបចំការបាចខិត្តប័ណ្ណបែបនេះ អ្នកភូមិបឹងកក់ បានប្ដឹងផ្ទាល់មាត់ទៅលោកមេប៉ុស្ដិ៍នគរបាល សង្កាត់ស្រះចក ឲ្យជួយវែកមុខជនខិលខូច និងបក្ខពួកឲ្យឃើញ ហើយពួកគាត់នឹងចាប់វិធានការប្ដឹងក្រុមនោះទៅតាមច្បាប់។
ពាក់ព័ន្ធទៅនឹងករណីនេះផងដែរ លោក ណាក់ ប្រធានប៉ុស្ដិ៍នគរបាលសង្កាត់ស្រះចក បានគេចមុខមិនព្រមធ្វើការឆ្លើយបញ្ជាក់ នៅពេលដែលអ្នកកាសែតតាមសួរ អំពីចំណាត់ការស៊ើបអង្កេតរបស់អាជ្ញាធរមូលដ្ឋាន ចាប់ជនខិលខូច បាចខិតប័ណ្ណតំណាងអ្នកភូមិបឹងកក់ថា ជាមនុស្សរបស់គណបក្សប្រឆាំងនោះឡើយ។
ជាមួយគ្នានោះ អ្នកស្រី ទេព វន្នី បាននិយាយថា “យើងខ្ញុំសូមបដិសេធទាំងស្រុងថា ពួកគាត់មិនមែននៅខាងគណបក្សណាទេ។ ពួកយើង ធ្វើការទាមទារសម្រាប់តែផ្ទះ និងដីតែប៉ុណ្ណោះ មិនមែនធ្វើការបម្រើបក្សណាទេ។ បក្សណាក៏ដោយ ឲ្យតែធ្វើការបម្រើប្រជាពលរដ្ឋ គឺខ្ញុំស្រឡាញ់ទាំងអស់”៕
0 comments:
Post a Comment