ថ្ងៃទី 22 មីនា 2012 | ដោយ: មុន្នីរ័ត្ន
 |
|
រដ្ឋលេខាធិការក្រសួងការបរទេស
និងសហប្រតិបត្តិការអន្តរជាតិ លោក អ៊ុច
បូររិទ្ធ
ជួបពិភាក្សាជាមួយតំណាងឧត្តមស្នងការអង្គការសហប្រជាជាតិ
ទទួលបន្ទុកសិទ្ធិមនុស្ស
ប្រចាំកម្ពុជា លោក Jose Brillantesកាលពី
ព្រឹកថ្ងៃទី២២ ខែមីនា
ឆ្នាំ២០១២
|
ភ្នំពេញ:
រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ លោក អ៊ុច
បូររិទ្ធ
បានជួបពិភាក្សាជាមួយតំណាងឧត្តមស្នងការអង្គការសហប្រជាជាតិ
ទទួលបន្ទុកសិទ្ធិមនុស្ស ប្រចាំកម្ពុជា លោក Jose Brillantes
កាលពីព្រឹកថ្ងៃទី២២ ខែមីនា ឆ្នាំ២០១២ នាទីស្ដីការក្រសួង។
កិច្ចពិភាក្សានោះ
បានផ្តោតសំខាន់លើការផ្សាយបំភ្លើសព័ត៌មានរបស់កាសែតក្នុងស្រុកជា
ភាសាអង់គ្លេស និងភាសាខ្មែរ The Cambodia Daily។
លោក អ៊ុច បូររិទ្ធ បានថ្លែងប្រាប់ក្រុមអ្នកកាសែត ថា ជំនួបរវាងលោក និងតំណាងមកពីឧត្តមស្នងការអង្គសហប្រជាជាតិ គឺពិភាក្សាការងារមួយចំនួនពាក់ព័ន្ធនឹងចុះផ្សាយព្រឹត្តិប័ត្រព័ត៌មាន របស់កាសែត The Cambodia Daily ពីថ្ងៃទី២១ ខែមីនា ឆ្នាំ២០១២ ទាក់ទងនឹងអ្វី ដែលគេលើកឡើងថា អង្គការសហប្រជាជាតិ គាបសង្កត់ឲ្យរដ្ឋាភិបាលកម្ពុជា ផ្ដល់សច្ចាប័នទៅលើសន្ធិសញ្ញា ស្ដីពី ពលករចំណាកស្រុក។ ជាការចុះផ្សាយ ដែលមិនមានលក្ខណៈសមស្របទៅនឹងការពិតនោះទេ។
លោក អ៊ុច បូររិទ្ធ បានថ្លែងបន្ថែមថា តំណាងឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្ស ប្រចាំកម្ពុជា លោកបានបញ្ជាក់ច្បាស់ថា The Cambodia Daily ផ្សាយនេះ គឺមិនមានប្រភពត្រឹមត្រូវច្បាស់លាស់ទេ ហើយលោកក៏បានធ្វើជាលិខិតឆ្លើយតបទៅ The Cambodia Daily វិញ កាលពីថ្ងៃទី២១មីនា ឲ្យចុះផ្សាយការកែតម្រូវ និងធ្វើការសុំទោស ចំពោះការផ្សព្វផ្សាយ ដែលមិនមានការពិត។
លោករដ្ឋលេខាធិការ អ៊ុច បូររិទ្ធ បានបន្ថែមទៀតថា លោក Jose Brillantes បានបញ្ជាក់ថា ទី១.ពាក់ព័ន្ធទៅនឹងការលើកឡើងថា អង្គការសហប្រជាជាតិ គាបសង្កត់ឲ្យរដ្ឋាភិបាល ផ្ដល់សច្ចាប័នទៅលើសន្ធិសញ្ញា ស្ដីពី ពលករចំណាកស្រុក នោះគឺជាការមិនត្រឹមត្រូវទាល់តែសោះ។
លោក រដ្ឋលេខាធិការ បន្តថា “គាត់និយាយថា ប្រទេសកម្ពុជា គឺជាប្រទេសអធិបតេយ្យ អង្គការសហប្រជាជាតិពុំមានតួនាទីអ្វីមួយ ដើម្បីធ្វើការគាបសង្កត់ទៅលើរដ្ឋាភិបាលអធិបតេយ្យភាពនេះទេ នេះវាជាការសម្រេចរបស់រដ្ឋាភិបាលកម្ពុជាទេ”។
លោក អ៊ុច បូររិទ្ធ បានបញ្ជាក់ថា “អ៊ីចឹង អ្វីដែល The Cambodia Daily លើកនេះ វាជាការខុសពីអ្វីដែលអង្គសហប្រជាជាតិចង់បាន”។
លោក អ៊ុច បូររិទ្ធ បានលើកឡើងពីសម្ដីរបស់លោក Jose Brillantes បន្តថា ទី២. ប្រទេសកម្ពុជា ត្រូវបានស្នើសុំឲ្យប្រើប្រាស់ ក្នុងតួនាទីជាប្រធានអាស៊ាន ដើម្បីជំរុញឲ្យប្រទេសផ្សេងៗទៀត ឲ្យផ្ដល់សច្ចាប័ន លើសន្ធិសញ្ញា និងអនុសញ្ញា ពាក់ព័ន្ធនឹងពលករចំណាកស្រុក។ ពាក់ព័ន្ធបញ្ហានេះ លោក Jose Brillantes និយាយថា “យើងមិនបាននិយាយអង្គការសហប្រជាជាតិ មិនបាននិយាយបញ្ហានេះទេ ហើយក៏គ្មានតួនាទីអ្វី ដើម្បីនិយាយចេញភាសាអ៊ីចឹងដែរ”។
បញ្ហាទី៣. លោក Jose Brillantes អ្នកជំនាញការ នៃការការិយាល័យអគ្គស្នងការសិទ្ធិមនុស្សនៅហ្ស៊ឺណែវទេ ដែលបានមកចូលរួមនៅក្នុងវេទិកា បោះពុម្ពផ្សាយសៀវភៅបកប្រែភាសាខ្មែរ ពីភាសាអង់គ្លេស នៃអនុសញ្ញាអន្តរជាតិ ស្ដីពីការការពារសិទ្ធិរបស់ពលករទេសន្តប្រវេសន៍ ក្នុងនាមគាត់ជាអនុប្រធានគណកម្មការពលករចំណាកស្រុក នៅហ្ស៊ឺណែវ។
នៅក្នុងឱកាសផ្សព្វផ្សាយសៀវភៅនោះ លោកគ្រាន់តែមានប្រសាសន៍ថា “ខ្ញុំមកទីនេះ ថ្ងៃនេះ ក្នុងនាមខ្ញុំជាអនុប្រធានគណៈកម្មការស្ដីពី ពលករចំណាកស្រុក”។
លោក អ៊ុច បូររិទ្ធ បញ្ជាក់ទៀតថា អ្វីដែល The Cambodia Daily ផ្សព្វផ្សាយ គឺជាប្រភពព័ត៌មានមិនប្រាកដ មិនត្រូវ ហើយលោក Jose Brillantes បានធ្វើលិខិតផ្ញើទៅ The Cambodai Daily ដើម្បីធ្វើការផ្សព្វផ្សាយកែតម្រូវ និងសុំទោសចំពោះអ្វីដែល The Cambodia Daily បានធ្វើ។
លោក អ៊ុច បូររិទ្ធ បានបន្តថា លោកក៏បានជម្រាបផងដែរ អំពីការខិតខំប្រឹងប្រែងរបស់ប្រទេសអាស៊ាន ក្នុងការយកចិត្តទុកដាក់ ដើម្បីរក្សាការពារសិទ្ធិរបស់ពលករចំណាកស្រុកនោះ។ តាំងពីឆ្នាំ២០០៧ មកដល់ឥឡូវនេះ ពិសេសក្នុងឆ្នាំ២០០៧ ក្នុងការប្រជុំកំពូលអាស៊ាន កម្ពុជាបានខិតខំប្រឹងប្រែងសេចក្ដីថ្លែងការណ៍ ស្ដីពី ការការពារ និងគោរពសិទ្ធិរបស់ពលករចំណាកស្រុក ហើយបន្ទាប់មកទៀតរដ្ឋមន្ត្រីការបរទេសអាស៊ាន ក៏បានចេញសេចក្ដីថ្លែងការណ៍ជាបន្តបន្ទាប់ ជាពិសេសនៅក្នុងឆ្នាំ២០០៧ នោះដែរ សេចក្ដីប្រកាសព័ត៌៑មានពាក់ព័ន្ធទៅនឹងការរៀបចំ ចាត់តាំងឲ្យមានគណកម្មការអាស៊ានមួយទទួលបន្ទុការអនុវត្ត សេចក្ដីប្រកាសរបស់សន្និសីទកំពូលអាស៊ាន ឆ្នាំ២០០៧ ដើម្បីការពារសិទ្ធិពលករចំណាកស្រុក។
លោកបន្តថា នៅឆ្នាំ២០១០ ក៏មានសេចក្ដីជូនដំណឹងរួម របស់រដ្ឋមន្ត្រីក្រសួងការងាររបស់អាស៊ានលើកទី២១ ធ្វើនៅឆ្នាំ២០១០ ក៏បានប្រកាសដែរថា នឹងអនុវត្តនូវសេចក្ដីប្រកាសរបស់ថ្នាក់ដឹកនាំកំពូល ស្ដីពី ការការពារសិទ្ធិរបស់ពលករចំណាកស្រុក។
លោកបញ្ជាក់ទៀថា ដោយឡែកនៅប្រទេសកម្ពុជាវិញ កន្លងមកនេះ ទាំងមធ្យោបាយការទូត ទាំងមធ្បោបាយទំនាក់ទំនងផ្លូវច្បាប់ ក៏ដូចជាជាមួយប្រទសដៃគូរបស់យើង ក៏យើងបានខិតខំប្រឹងប្រែងអស់លទ្ធភាព ក្នុងការការពារសិទ្ធិសេរីភាពពលករចំណាកស្រុក ពិសេសប្រជាពលរដ្ឋខ្មែរ ដែលទៅធ្វើការងារនៅប្រទេសក្រៅ មិនថា ប្រទេសម៉ាឡេស៊ី ឬឥណ្ឌូនេស៊ី ទេ គឺរាជរដ្ឋាភិបាលកម្ពុជា ខិតខំប្រឹងប្រែងណាស់ ដើម្បីដោះស្រាយជួយពលករខ្មែរ ដែលបានទៅហើយលង់ខ្លួន រាជរដ្ឋាភិបាលទាក់ទងជាមួយអង្គការផ្សេងៗ ឲ្យបងប្អូនបានវិលត្រឡប់មកកម្ពុជាវិញ។
លោក អ៊ុច បូររិទ្ធ បានបញ្ជាក់ផងដែរ ពាក់ព័ន្ធទៅនឹងការផ្ដល់សច្ចាប័ន អនុសញ្ញាអន្តរជាតិ ស្ដីពី ការការពារសិទ្ធិរបស់ពលករចំណាកស្រុក និងសមាជិកគ្រួសារ រាជរដ្ឋាភិបាលបានចុះហត្ថលេខារួចហើយកាលពីឆ្នាំ២០០៤ ប៉ុន្តែមិនទាន់បានដាក់ឲ្យសច្ចាប័នទេ មូលហេតុដោយសារ រាជរដ្ឋាភិបាលកំពុងពិនិត្យលទ្ធភាព ដើម្បីផ្ដល់សច្ចាប័នលើអនុសញ្ញានេះ៕
លោក អ៊ុច បូររិទ្ធ បានថ្លែងប្រាប់ក្រុមអ្នកកាសែត ថា ជំនួបរវាងលោក និងតំណាងមកពីឧត្តមស្នងការអង្គសហប្រជាជាតិ គឺពិភាក្សាការងារមួយចំនួនពាក់ព័ន្ធនឹងចុះផ្សាយព្រឹត្តិប័ត្រព័ត៌មាន របស់កាសែត The Cambodia Daily ពីថ្ងៃទី២១ ខែមីនា ឆ្នាំ២០១២ ទាក់ទងនឹងអ្វី ដែលគេលើកឡើងថា អង្គការសហប្រជាជាតិ គាបសង្កត់ឲ្យរដ្ឋាភិបាលកម្ពុជា ផ្ដល់សច្ចាប័នទៅលើសន្ធិសញ្ញា ស្ដីពី ពលករចំណាកស្រុក។ ជាការចុះផ្សាយ ដែលមិនមានលក្ខណៈសមស្របទៅនឹងការពិតនោះទេ។
លោក អ៊ុច បូររិទ្ធ បានថ្លែងបន្ថែមថា តំណាងឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្ស ប្រចាំកម្ពុជា លោកបានបញ្ជាក់ច្បាស់ថា The Cambodia Daily ផ្សាយនេះ គឺមិនមានប្រភពត្រឹមត្រូវច្បាស់លាស់ទេ ហើយលោកក៏បានធ្វើជាលិខិតឆ្លើយតបទៅ The Cambodia Daily វិញ កាលពីថ្ងៃទី២១មីនា ឲ្យចុះផ្សាយការកែតម្រូវ និងធ្វើការសុំទោស ចំពោះការផ្សព្វផ្សាយ ដែលមិនមានការពិត។
លោករដ្ឋលេខាធិការ អ៊ុច បូររិទ្ធ បានបន្ថែមទៀតថា លោក Jose Brillantes បានបញ្ជាក់ថា ទី១.ពាក់ព័ន្ធទៅនឹងការលើកឡើងថា អង្គការសហប្រជាជាតិ គាបសង្កត់ឲ្យរដ្ឋាភិបាល ផ្ដល់សច្ចាប័នទៅលើសន្ធិសញ្ញា ស្ដីពី ពលករចំណាកស្រុក នោះគឺជាការមិនត្រឹមត្រូវទាល់តែសោះ។
លោក រដ្ឋលេខាធិការ បន្តថា “គាត់និយាយថា ប្រទេសកម្ពុជា គឺជាប្រទេសអធិបតេយ្យ អង្គការសហប្រជាជាតិពុំមានតួនាទីអ្វីមួយ ដើម្បីធ្វើការគាបសង្កត់ទៅលើរដ្ឋាភិបាលអធិបតេយ្យភាពនេះទេ នេះវាជាការសម្រេចរបស់រដ្ឋាភិបាលកម្ពុជាទេ”។
លោក អ៊ុច បូររិទ្ធ បានបញ្ជាក់ថា “អ៊ីចឹង អ្វីដែល The Cambodia Daily លើកនេះ វាជាការខុសពីអ្វីដែលអង្គសហប្រជាជាតិចង់បាន”។
លោក អ៊ុច បូររិទ្ធ បានលើកឡើងពីសម្ដីរបស់លោក Jose Brillantes បន្តថា ទី២. ប្រទេសកម្ពុជា ត្រូវបានស្នើសុំឲ្យប្រើប្រាស់ ក្នុងតួនាទីជាប្រធានអាស៊ាន ដើម្បីជំរុញឲ្យប្រទេសផ្សេងៗទៀត ឲ្យផ្ដល់សច្ចាប័ន លើសន្ធិសញ្ញា និងអនុសញ្ញា ពាក់ព័ន្ធនឹងពលករចំណាកស្រុក។ ពាក់ព័ន្ធបញ្ហានេះ លោក Jose Brillantes និយាយថា “យើងមិនបាននិយាយអង្គការសហប្រជាជាតិ មិនបាននិយាយបញ្ហានេះទេ ហើយក៏គ្មានតួនាទីអ្វី ដើម្បីនិយាយចេញភាសាអ៊ីចឹងដែរ”។
បញ្ហាទី៣. លោក Jose Brillantes អ្នកជំនាញការ នៃការការិយាល័យអគ្គស្នងការសិទ្ធិមនុស្សនៅហ្ស៊ឺណែវទេ ដែលបានមកចូលរួមនៅក្នុងវេទិកា បោះពុម្ពផ្សាយសៀវភៅបកប្រែភាសាខ្មែរ ពីភាសាអង់គ្លេស នៃអនុសញ្ញាអន្តរជាតិ ស្ដីពីការការពារសិទ្ធិរបស់ពលករទេសន្តប្រវេសន៍ ក្នុងនាមគាត់ជាអនុប្រធានគណកម្មការពលករចំណាកស្រុក នៅហ្ស៊ឺណែវ។
នៅក្នុងឱកាសផ្សព្វផ្សាយសៀវភៅនោះ លោកគ្រាន់តែមានប្រសាសន៍ថា “ខ្ញុំមកទីនេះ ថ្ងៃនេះ ក្នុងនាមខ្ញុំជាអនុប្រធានគណៈកម្មការស្ដីពី ពលករចំណាកស្រុក”។
លោក អ៊ុច បូររិទ្ធ បញ្ជាក់ទៀតថា អ្វីដែល The Cambodia Daily ផ្សព្វផ្សាយ គឺជាប្រភពព័ត៌មានមិនប្រាកដ មិនត្រូវ ហើយលោក Jose Brillantes បានធ្វើលិខិតផ្ញើទៅ The Cambodai Daily ដើម្បីធ្វើការផ្សព្វផ្សាយកែតម្រូវ និងសុំទោសចំពោះអ្វីដែល The Cambodia Daily បានធ្វើ។
លោក អ៊ុច បូររិទ្ធ បានបន្តថា លោកក៏បានជម្រាបផងដែរ អំពីការខិតខំប្រឹងប្រែងរបស់ប្រទេសអាស៊ាន ក្នុងការយកចិត្តទុកដាក់ ដើម្បីរក្សាការពារសិទ្ធិរបស់ពលករចំណាកស្រុកនោះ។ តាំងពីឆ្នាំ២០០៧ មកដល់ឥឡូវនេះ ពិសេសក្នុងឆ្នាំ២០០៧ ក្នុងការប្រជុំកំពូលអាស៊ាន កម្ពុជាបានខិតខំប្រឹងប្រែងសេចក្ដីថ្លែងការណ៍ ស្ដីពី ការការពារ និងគោរពសិទ្ធិរបស់ពលករចំណាកស្រុក ហើយបន្ទាប់មកទៀតរដ្ឋមន្ត្រីការបរទេសអាស៊ាន ក៏បានចេញសេចក្ដីថ្លែងការណ៍ជាបន្តបន្ទាប់ ជាពិសេសនៅក្នុងឆ្នាំ២០០៧ នោះដែរ សេចក្ដីប្រកាសព័ត៌៑មានពាក់ព័ន្ធទៅនឹងការរៀបចំ ចាត់តាំងឲ្យមានគណកម្មការអាស៊ានមួយទទួលបន្ទុការអនុវត្ត សេចក្ដីប្រកាសរបស់សន្និសីទកំពូលអាស៊ាន ឆ្នាំ២០០៧ ដើម្បីការពារសិទ្ធិពលករចំណាកស្រុក។
លោកបន្តថា នៅឆ្នាំ២០១០ ក៏មានសេចក្ដីជូនដំណឹងរួម របស់រដ្ឋមន្ត្រីក្រសួងការងាររបស់អាស៊ានលើកទី២១ ធ្វើនៅឆ្នាំ២០១០ ក៏បានប្រកាសដែរថា នឹងអនុវត្តនូវសេចក្ដីប្រកាសរបស់ថ្នាក់ដឹកនាំកំពូល ស្ដីពី ការការពារសិទ្ធិរបស់ពលករចំណាកស្រុក។
លោកបញ្ជាក់ទៀថា ដោយឡែកនៅប្រទេសកម្ពុជាវិញ កន្លងមកនេះ ទាំងមធ្យោបាយការទូត ទាំងមធ្បោបាយទំនាក់ទំនងផ្លូវច្បាប់ ក៏ដូចជាជាមួយប្រទសដៃគូរបស់យើង ក៏យើងបានខិតខំប្រឹងប្រែងអស់លទ្ធភាព ក្នុងការការពារសិទ្ធិសេរីភាពពលករចំណាកស្រុក ពិសេសប្រជាពលរដ្ឋខ្មែរ ដែលទៅធ្វើការងារនៅប្រទេសក្រៅ មិនថា ប្រទេសម៉ាឡេស៊ី ឬឥណ្ឌូនេស៊ី ទេ គឺរាជរដ្ឋាភិបាលកម្ពុជា ខិតខំប្រឹងប្រែងណាស់ ដើម្បីដោះស្រាយជួយពលករខ្មែរ ដែលបានទៅហើយលង់ខ្លួន រាជរដ្ឋាភិបាលទាក់ទងជាមួយអង្គការផ្សេងៗ ឲ្យបងប្អូនបានវិលត្រឡប់មកកម្ពុជាវិញ។
លោក អ៊ុច បូររិទ្ធ បានបញ្ជាក់ផងដែរ ពាក់ព័ន្ធទៅនឹងការផ្ដល់សច្ចាប័ន អនុសញ្ញាអន្តរជាតិ ស្ដីពី ការការពារសិទ្ធិរបស់ពលករចំណាកស្រុក និងសមាជិកគ្រួសារ រាជរដ្ឋាភិបាលបានចុះហត្ថលេខារួចហើយកាលពីឆ្នាំ២០០៤ ប៉ុន្តែមិនទាន់បានដាក់ឲ្យសច្ចាប័នទេ មូលហេតុដោយសារ រាជរដ្ឋាភិបាលកំពុងពិនិត្យលទ្ធភាព ដើម្បីផ្ដល់សច្ចាប័នលើអនុសញ្ញានេះ៕
0 comments:
Post a Comment