ចោរបាញ់ប្លន់អ្នកលក់មាសអស់ជិតមួយម៉ឺនដុល្លាររបួសពីរនាក់ឪពុកកូន
.jpg) |
ចោរបាញ់ប្លន់អ្នកលក់មាស
អស់ជិតមួយម៉ឺនដុល្លារ របួស
ពីរនាក់ឪពុកកូន
|
ថ្ងៃទី 30 ឧសភា 2012
ដោយ: សុផល/ CEN
ភ្នំពេញ: ជនសង្ស័យជាចោរប្លន់ពីរនាក់ បានធ្វើសកម្មភាពស្ទាក់ភ្ជង់យកមាស និងលុយអស់ជិតមួយម៉ឺនដុល្លារ ខណៈដែលជនរងគ្រោះពីរនាក់ឪពុក និងកូន បានមកដល់មុខផ្ទះ កាលពីវេលាម៉ោង ៧ និង ៣០នាទី យប់ថ្ងៃទី២៩ ខែឧសភា ឆ្នាំ២០១២ នៅចំណុចក្នុងបុរីពិភពថ្មី សង្កាត់ចោមចៅ ខណ្ឌពោធិ៍សែនជ័យ។
ជនរងគ្រោះឈ្មោះ លឹម ឆង ភេទប្រុស អាយុ ៤៨ឆ្នាំ ជាអ្នកលក់មាស និងដូរលុយ ស្នាក់នៅភូមិសង្កាត់កើតហេតុខាងលើ របួសភ្លៅខាងស្តាំ និងកូនប្រុសឈ្មោះ លឹម ដាណាល់ អាយុ ២០ឆ្នាំ របួសស្មងជើង។
ជនរងគ្រោះជាឪពុកបាននិយាយថា មុនពេលកើតហេតុ គាត់ពីរនាក់កូនប្រុស បានវិលត្រឡប់មកពីលក់មាស ដូរលុយ នៅផ្សារកាណាឌីយ៉ា មកដល់ផ្ទះវេលាម៉ោងជាង ៧ ក៏ស្រាប់តែមានចោរប្លន់ពីរនាក់ ជិះម៉ូតូចូលមកភ្ជង់ដោយកាំភ្លើងខ្លីមិនស្គាល់ម៉ាក ដណ្តើមយកកាបូបមាស និងលុយ តែពួកគាត់ព្យាយាមប្រតាយប្រតប់ជាមួយចោរ។ ជនរងគ្រោះបន្តទៀតថា ក្រោយមកទើបពួកវាបាញ់គាត់ចំភ្លៅខាងស្តាំមួយគ្រាប់ និងកូនប្រុសត្រូវមួយគ្រាប់ចំស្មងជើង របួសទាំងពីរនាក់ឪពុកកូន។ ក្រោយពីបាញ់ប្លន់យកកាបូបហើយ ក្រុមចោរប្លន់បានបើកម៉ូតូគេចខ្លួនដោយសុវត្ថិភាព៕ K
0 comments:
Post a Comment