ថ្ងៃទី 11 ឧសភា 2012, ម៉ោង 12:09:PM)
ដោយ: សុខ ភក្តី/ CEN
ភ្នំពេញ: ចៅក្រមស៊ើបសួររបស់តុលាការខេត្តស្វាយរៀង
បានចេញដីកាកោះហៅស្ត្រីកម្មករកាត់ដេរ ដែលរងរបួស ៣ នាក់
នៅរោងចក្រកាត់ដេរ កៅវ៉េ ក្នុងតំបន់សេដ្ឋកិច្ចពិសេស ក្រុងបាវិត
ជាប់ព្រំដែនវៀតណាម ចូលឆ្លើយបំភ្លឺ នៅថ្ងៃទី១៨ ខែឧសភា ឆ្នាំ២០១២។
នេះបើតាមការបញ្ជាក់របស់មេធាវី។
លោក ជិន លីដា មេធាវីការពារក្តីឲ្យស្ត្រីកម្មករកាត់ដេររងគ្រោះទាំងបីនាក់ បានឲ្យដឹងនៅព្រឹកថ្ងៃទី១១ ខែឧសភា ឆ្នាំ២០១២ ថា "ក្រុមស្ត្រីកម្មករកាត់ដេររងរបួសទាំងបីនាក់ បានចូលឆ្លើយបំភ្លឺនៅមុខព្រះរាជអាជ្ញារួចហើយ។ ឥឡូវព្រះរាជអាជ្ញា ចោទប្រកាន់លើជនសង្ស័យ ហើយបញ្ជូនទៅកាន់ចៅក្រមស៊ើបសួរ។ ដូច្នេះក្រុមស្ត្រីរងគ្រោះ ត្រូវទៅឆ្លើយបំភ្លឺនៅមុខចៅក្រមស៊ើបសួរ ដែលបានចេញដីកាកោះហៅគាត់ ឲ្យចូលនៅថ្ងៃទី១៨ ខែឧសភា ឆ្នាំ២០១២"។
លោក ជិន លីដា មេធាវីការពារក្តីឲ្យស្ត្រីកម្មករកាត់ដេររងគ្រោះទាំងបីនាក់ បានឲ្យដឹងនៅព្រឹកថ្ងៃទី១១ ខែឧសភា ឆ្នាំ២០១២ ថា "ក្រុមស្ត្រីកម្មករកាត់ដេររងរបួសទាំងបីនាក់ បានចូលឆ្លើយបំភ្លឺនៅមុខព្រះរាជអាជ្ញារួចហើយ។ ឥឡូវព្រះរាជអាជ្ញា ចោទប្រកាន់លើជនសង្ស័យ ហើយបញ្ជូនទៅកាន់ចៅក្រមស៊ើបសួរ។ ដូច្នេះក្រុមស្ត្រីរងគ្រោះ ត្រូវទៅឆ្លើយបំភ្លឺនៅមុខចៅក្រមស៊ើបសួរ ដែលបានចេញដីកាកោះហៅគាត់ ឲ្យចូលនៅថ្ងៃទី១៨ ខែឧសភា ឆ្នាំ២០១២"។
 |
|
លោក ឈូក បណ្ឌិត អតីតអភិបាលក្រុងបាវិត ជាអ្នកបាញ់កម្មករអោយរបួសធ្ងន់
|
សូមរម្លឹកថា
កាលពីព្រឹកថ្ងៃទី២០ ខែកុម្ភៈ ឆ្នាំ២០១២
នៅក្នុងព្រឹត្តិការណ៍តវ៉ារបស់ក្រុមកម្មកររោងចក្រកាត់ដេរ
នៅតំបន់សេដ្ឋកិច្ចពិសេស ទីក្រុងបាវិត លោក ឈូក បណ្ឌិត ដែលកាលណោះ
ជាអភិបាលក្រុងបាវិត បានដកកាំភ្លើងខ្លី បាញ់បំបែកហ្វ៊ូងបាតុកម្មតវ៉ា
បណ្តាលឲ្យស្ត្រីកម្មករ ៣ នាក់ រងរបួសធ្ងន់។
ស្ត្រីរងគ្រោះ ទាំងនោះ រួមមាន៖ ទី១-ប៊ុន ចិន្តា អាយុ ២១ឆ្នាំ ទី២-កែវ នា អាយុ ១៦ឆ្នាំ និងទី៣-នុត សផន អាយុ ២៣ឆ្នាំ។ ស្ត្រីរងគ្រោះឈ្មោះ ប៊ុន ចិន្តា ត្រូវរបួសមួយគ្រាប់ចំគល់ដោះខាងឆ្វេង ធ្លាយមកក្រោមឃ្លៀកខាងឆ្វេង។ ចំណែក កែវ នា ត្រូវរបួសដើមដៃស្តាំ មួយគ្រាប់ និងនុត សផន ត្រូវរបួសឆ្អឹងខ្នង ធ្លាយគ្រាប់បៀម នៅដើមដៃខាងស្តាំ។
ក្នុងពាក្យបណ្តឹង ដែលបានដាក់ទៅកាន់តុលាការខេត្តស្វាយរៀង ស្ត្រីរងគ្រោះទាំងបីនាក់ បានទាមទារជំងឺចិត្តពីជនល្មើស ដែលបាញ់នាងឲ្យរបួស ប្រមាណ ៤៥.០០០ ដុល្លារ ក្នុងម្នាក់ៗ និងសុំឲ្យតុលាការ ចាប់ជនដៃដល់ កាត់ទោស ដាក់ពន្ធនាគារទៅតាមច្បាប់។
លោក ឈូក បណ្ឌិត អតីតអភិបាលក្រុងបាវិត កាលពីថ្ងៃទី១៥ មីនា ឆ្នាំ២០១២ រួមជាមួយមេធាវីម្នាក់ បានចូលខ្លួនមកបំភ្លឺចំពោះមុខព្រះរាជអាជ្ញាតុលាការខេត្តស្វាយរៀង ក្នុងរឿងបាញ់កម្មការិនី ៣ នាក់ ឲ្យរបួសនៅក្រុងបាវិត មុនដីកាកំណត់មួយថ្ងៃ។ លោក ឈូក បណ្ឌិត មិនត្រូវបានចាប់ឃុំខ្លួនឡើយ។
ក្រោយមក ព្រះរាជអាជ្ញាខេត្តស្វាយរៀង លោក ហ៊ីង ប៊ុនជា បានសម្រេចចោទប្រកាន់ លោក ឈូក បណ្ឌិត ពីបទ "បង្ករបួសស្នាម ដោយអចេតនា" ក្នុងករណីបាញ់ប្រហារលើស្ត្រីកម្មករកាត់ដេរ ៣ នាក់ ឲ្យរបួសធ្ងន់ ក្នុងព្រឹត្តិការណ៍ក្រុមកម្មកររោងចក្រកាត់ដេរ កៅវ៉េ ធ្វើបាតុកម្មតវ៉ា កាលពីព្រឹកថ្ងៃទី២០ ខែកុម្ភៈ ឆ្នាំ២០១២។
ការសម្រេចចោទប្រកាន់ដូច្នេះ នាំឲ្យសង្គមស៊ីវិល សហជីពកម្មករ និងសកម្មជនសិទ្ធិមនុស្សជាតិ និងអន្តរជាតិ បានរិះគន់យ៉ាងខ្លាំងក្លា៕
0 comments:
Post a Comment