សម្តេចហ៊ុនសែនថា គ្មានបរទេសណាអាចគាបសង្កត់ ដើម្បីការវិលត្រឡប់របស់សមរង្ស៊ីទេ
ថ្ងៃទី 7 មិថុនា 2012
ដោយ: គ្រីទិច
Cambodia Express News
សម្តេចខ្លាច និងគោរពមនុស្សតែបីនាក់គត់ គឺប្រជាជនកម្ពុជា ដែលជាអ្នកបោះឆ្នោត ឪពុករបស់សម្តេចនិងភរិយារបស់សម្តេច គឺលោកជំទាវកិត្តិព្រឹទ្ឋបណ្ឌិតប៊ុនរ៉ានី ហ៊ុនសែនតែប៉ុណ្ណោះ។
ភ្នំពេញ: សម្តេចតេជោ ហ៊ុន សែន បានមានប្រសាសន៍ថា លោកនឹងមិនចរចាណាមួយឆ្ពោះទៅកាន់ការវិលត្រឡប់មកវិញរបស់លោក សម រង្ស៊ី ដែលកំពុងរស់នៅក្រៅប្រទេសនោះទេ។
ប៉ុន្តែសម្តេចតេជោ ហ៊ុន សែន បានមានប្រសាសន៍ថា "គ្មានបរទេសណាមកអាចគាបសង្កត់សម្តេចបានឡើយ"។ សម្តេចបានមានប្រសាសន៍បន្ថែមទៀតថា សម្តេចខ្លាច និងគោរពមនុស្សតែបីនាក់គត់ គឺប្រជាជនកម្ពុជាដែលជាអ្នកបោះឆ្នោត ឪពុករបស់សម្តេច និងភរិយារបស់សម្តេច គឺលោកជំទាវកិត្តិព្រឹទ្ឋបណ្ឌិតប៊ុនរ៉ានី ហ៊ុនសែនតែប៉ុណ្ណោះ។
សម្តេចបានមានប្រសាសន៍បន្តទៀតថា លោក សម រង្ស៊ី ថា មិនចរចាជាមួយសម្តេច។ សម្តេចក៏មិនចរចាជាមួយសមរង្ស៊ីដែរ។
ជាមួយនឹងលទ្ធផលបោះឆ្នោតដែលគណបក្សប្រជាជនកម្ពុជាដណ្តើមកាន់កាប់ឃុំសង្កាត់ ១.៥៩១ក្នុងចំណោមឃុំសង្កាត់ចំនួន ១.៦៣៣ ហើយការគាំទ្រគណបក្សប្រជាជនមានមានជាង ៣,៦៣លានសំឡេងនោះ សម្តេចបានពន្យល់ថា គណបក្សប្រឆាំងនៅមិនទាន់អាចគំរាមកំហែងដល់គណបក្សប្រជាជនកម្ពុជាបាននៅឡើយ៕
0 comments:
Post a Comment