 |
លោកជា បំរុង អនុប្រធានសមាគមអ្នកប្រជាធិបតេយ្យ
និង
ប្រពន្ធរបស់លោកម៉ម សូណង់ដូ។រូបថត ហេង ជីវ៍ន
|
ភ្នំពេញៈសមាគមអ្នកប្រជាធិបតេយ្យ បានធ្វើសន្និសិទ្ធសារព័ត៌មាន នៅព្រឹកថ្ងៃសុក្រនេះ ក្នុងគោលបំណងពន្យល់ជាសាធារណៈក្នុងករណី ក្រុមរបស់ប៊ុន រដ្ឋា និងបកស្រាយបំភ្លឺថា ប្រធានសមាគមអ្នកប្រជាធិបតេយ្យ លោក ម៉ម សូណង់ដូ មិនទាក់ទងនិង នៅពីក្រោយក្រុមប៊ុន រដ្ឋាឡើយ។
លោកជា បំរុង អនុប្រធានសមាគមអ្នកប្រជាធិបតេយ្យបានឲ្យដឹងថា ព្រឹត្តិការណ៍ថ្ងៃទី១៦ ខែមិថុនានិងការបង្កើតតំបន់អបគមន៍ ក្នុងភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ គឺមិនមានការទាក់ទងនឹងលោក ម៉ម សូណង់ដូជាប្រធានសមាគមអ្នកប្រជាធិបតេយ្យឡើយ។
លោកបញ្ជាក់ថា គណៈកម្មការអចិន្ត្រៃយ៍នៃសមាគមអ្នកប្រជាធិបតេយ្យ មិនបានដឹងអំពីសកម្មភាពរបស់ ក្រុមប៊ុន រដ្ឋា និងមិនបានបញ្ជារពួកគេឲ្យបង្កើតតំបន់អបគមន៍ ក្នុងភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ ដូចដែលបានចោទប្រកាន់ពីរាជរដ្ឋាភិបាលកម្ពុជាឡើយ។
លោកជា បំរុងបានប្រាប់អ្នកសារព័ត៌មានថា «ប្រធានរបស់ពួកយើង លោកម៉ម សាណង់ដូមិនបានពាក់ព័ន្ធ និងកៅពីក្រោយខ្នងក្រុមប៊ុន រដ្ឋាឡើយ ហើយគាត់ក៏មិនដឹងអំពីសកម្មភាពរបស់ក្រុមប៊ុន រដ្ឋាដែរ។ សូម្បីតែរូបខ្ញុំផ្ទាល់ដែលជាសមាជិកគណៈកម្មការអចិន្ត្រៃយ៍នោះ ក៏ខ្ញុំមិនដឹងអំពីសកម្មភាពរបស់ក្រុមនេះដែរ»។
សូមបញ្ជាក់ថា លោកម៉ម សូណង់ដូ នាយកវិទ្យុសំបុកឃ្មុំ FM 105 MHz និងជាប្រធានសមាគមអ្នកប្រជាធិបតេយ្យ សព្វថ្ងៃកំពុងស្ថិតនៅក្រៅប្រទេស។
0 comments:
Post a Comment