 |
លោកប៊ុន សុខា
(រូបនិយាយឈរទូរស័ព្ទពាក់អាវពណ៌ផ្ទៃ
មេឃខោខ្មៅ)
មុនពេលបញ្ជូនខ្លួនទៅកាន់ពន្ធនាគារ
|
កោះកុង: លោកផ្កាយពីរ ប៊ុន សុខា នាយរងសេនាធិការកងអង្គរក្សសម្តេចហ៊ុន សែន និងអង្គរក្សជំនិតចំនួន បីនាក់ ត្រូវបានតុលាការខេត្តកោះកុង សម្រេចដោះលែងឲ្យនៅក្រៅឃុំហើយ កាលពីព្រឹកថៃ្ងទី៩ កក្កដា ឆ្នាំ២០១២។
មន្រី្តអង្គការលីកាដូ ប្រចាំនៅខេត្តកោះកុង បាននិយាយឲ្យដឹងថា ការដោះលែងនេះ ចៅក្រមតុលាការ ពុំបានប្រកាសសាលក្រមឲ្យបានដឹងជាសាធារណៈទេ ដូចនេះគេពុំអាចបានដឹងពីខឹ្លមសារ នៃសាលក្រមដោះលែងខាងលើនេះឡើយ។
មន្រី្តសិទិ្ធមនុស្សដដែលបានបន្តថា ករណីខាងលើនេះ គឺបានបង្ហាញឲ្យឃើញពីភាពមិនប្រក្រតីរបស់តុលាការ ក្នុងការដោះលែងជនជាប់ចោទឲ្យនៅក្រៅឃុំ ហើយវាក៏បានធើ្វសាធារណៈមានការមិនអស់ចិត្ត និងសំដែងនូវការសង្ស័យផងដែរ។
ជុំវិញការដោះលែងឲ្យនៅក្រៅឃុំនេះ មន្រី្តតុលាការខេត្តកោះកុង ពុំអាចសុំការបញ្ជាក់បានទេនៅរសៀលថៃ្ងទី៩ កក្កដា ឆ្នាំ២០១២។
សូមរម្លឹកថា លោកផ្កាយពីរ ប៊ុន សុខា និងបក្ខពួកចំនួន ៣នាក់ ត្រូវបានសមត្ថកិច្ចប៉ូលិសខេត្តកោះកុង ឃាត់ខ្លួន កាលពីថៃ្ងទី២៣ មេសា ឆ្នាំ២០១២ បន្ទាប់ពីលោក និងអង្គរក្សចំនួនបីនាក់ បានប្រើអំពើរហឹង្សាវាយមនុស្សបួននាក់ ឲ្យរងរបួសធ្ងន់ និងស្រាល ដែលបានប្រព្រឹត្តឡើងនៅសណ្ឋាគារកោះកុងស៊ីធី ក្រុងខេមរភូមិន្ទ ខេត្តកោះកុង កាលពីយប់ថៃ្ងទី២២ មេសា ឆ្នាំ២០១២។
បន្ទាប់មកនៅល្ងាចថៃ្ងទី២៥ មេសា ឆ្នាំ២០១២ លោកប៊ុន សុខា និងអង្គរក្សបីនាក់ត្រូវបានតុលាការចេញដីការឃុំខ្លួនដាក់ពន្ធនាគារ ក្រោមបទចោទប្រកាន់ពីការប្រើអំពើហឹង្សាដោយចេតនា។
គ្រានោះ ឃី្លបវិដេអូសី្តពីការប្រើអំពើហឹង្សរបស់លោកក៏ផ្សព្វផ្សាយយ៉ាងទូលំទូលាយជាសាធារណៈផងដែរ។
លោក ប៊ុន សុខា និងបក្ខពួក ត្រូវបានតុលាការខេត្តបើកសវនាការជំនុំជម្រះ កាលពីថៃ្ងទី៥ កក្កដា ឆ្នាំ២០១២ ហើយបានសម្រេចដោះលែងឲ្យនៅក្រៅឃុំ កាលពីព្រឹកថៃ្ង៩ កក្កដានេះ ដោយពុំបានប្រកាសសាលក្រមឲ្យបានដឹងជាសាធារណៈឡើយ៕
0 comments:
Post a Comment