 |
| ភ្ញៀវទេសចរចាំមើលថ្ងៃលិចនៅលើភ្នំបាក់ខែង។រូបថត Global Heritage Network |
ភ្នំពេញៈយោងតាមសេចក្តីប្រកាសព័ត៌មានក្រោយពីកិច្ចប្រជុំពេញអង្គគណៈរដ្ឋមន្ត្រីកាលពីថ្ងៃទី ២០ កក្កដានេះ បានឲ្យដឹងថា នៅឆ្នាំ២០២០ កម្ពុជាគ្រោងនឹងទទួលបានទេសចរអន្តរជាតិប្រមាណជា ៧លាននាក់មកទស្សនា ព្រមជាមួយនិងទេសចរក្នុងស្រុកប្រមាណជា ៨ ទៅ១០លាននាក់ទស្សនានៅទូទៅប្រទេស។
តាមការព្យាករណ៍ ចំណូលទេសចរណ៍ក្នុងសេដ្ឋកិច្ចនឹងកើនឡើងដល់ ៥០០០លានដុល្លារក្នុងមួយឆ្នាំ គិតពីឆ្នាំ២០២០ ដែលចំណូលនេះនឹងរួមចំណែកយ៉ាងសំខាន់ដល់កំណើននៃផលិតផលក្នុងស្រុកសរុប(GDP) និងផ្តល់ឱកាសការងារប្រមាណ៨០ម៊ឺននាក់ក្នុងវិស័យទេសចរណ៍តាមរយៈការអនុវត្តនៃសេចក្តីព្រាងផែនការយុទ្ធសាស្រ្តអភិវឌ្ឍន៍ទេសចរណ៍ ២០១២-២០២០។
សូមបញ្ជាក់ថា នៅរយៈពេល៥ខែដើមឆ្នាំ២០១២នេះ ភ្ញៀវទេសចរកើនឡើង ២៦ភាគរយ ធៀបនឹងរយៈពេលដូចគ្នាឆ្នាំ២០១១ ជាមួយនឹងចំនួនទេសចរអន្តរជាតិជាង ១,៥លាននាក់ដែលរំពឹងថា កម្ពុជានឹងសម្រេចបានទេសចរអន្តរជាតិប្រមាណជា ៣,៣លាននាក់ក្នុងឆ្នាំ២០១២នេះ។
0 comments:
Post a Comment