 |
| អ្នកគាំទ្រឈរស្រែកទាមទារឲ្យតុលាការដោះលែងលោក ម៉ម សូណង់ដូ នៅខាងមុខសាលាដំបូងរាជធានីភ្នំពេញ កាលពីព្រឹកថ្ងៃទី១៦ កក្កដា ឆ្នាំ២០១២។ (RFA/Uon Chhin) |
ដោយ វិជ័យ អានន្ទ
RFA
 |
| Dick-tator Hun Xen |
Synopsis: Mam Sonando was sent to Prey Sar jail on 16 July 2012 following an order issued by an investigating judge of the Phnom Penh municipal court. Judge Sem Sakkola decided to jail Mam Sonando following accusations leveled by the prosecutor of the Kratie provincial court. About 100 of Mam Sonando’s supporters protested in front of the Phnom Penh municipal court, asking for his release. The protesters claimed that Mam Sonando did not commit anything wrong and what he did was to defend the people’s rights and to help alleviate the burden for the poor. Therefore his arrest and jailing is not right. On 26 June, Hun Xen ordered the arrest of the president of the Democrat Association whom he accused of leading land-grab in Kampong Damrey commune, Chhlong district, Kratie province. In his speech during that day, Hun Xen said: “Don’t do like ‘ah’ (derogatory) Democrat Association who said: ‘Join our association and we will find land for you and you only have to pay such and such.’ I will handcuff you, but they are overseas right now. We will extradite you and bring you back to sentence ‘heng’ (derogatory for you). In the case of the dead teenage, I expressed my regret as this was an incident, it was not a shooting and killing. Those who initiate [the teenager’s killing] are those who belong to the Democrat Association, that’s why this case took place. Therefore, we need to sentence ‘ah nous’ (derogatory for ‘them’) and ‘ah neak me nous’ (derogatory for ‘the leader’). We should say it clearly like that.”
លោក ម៉ម សូណង់ដូ ជាប្រធានសមាគមអ្នកប្រជាធិបតេយ្យ ត្រូវកងកំលាំងសមត្ថកិច្ចបញ្ជូនទៅឃុំខ្លួននៅពន្ធនាគារព្រៃស នៅថ្ងៃទី១៦ ខែកក្កដា នេះ តាមដីកាសម្រេចឲ្យឃុំខ្លួនរបស់ចៅក្រមស៊ើបសួរសាលាដំបូងរាជធានីភ្នំពេញ។
លោក សុក សំអឿន មេធាវី ការពារក្ដីលោក ម៉ម សូណង់ដូ ឲ្យដឹងថា ការសម្រេចឃុំខ្លួនរបស់ចៅក្រមស៊ើបសួរ គឺអ្នកស្រី សែម ស័ក្ដិកូឡា នេះ ធ្វើឡើងដោយយោងតាមដីកាចោទប្រកាន់របស់ព្រះរាជអាជ្ញាសាលាដំបូងខេត្តក្រចេះ ដែលចោទប្រកាន់ពីបទល្មើសចំនួន ៤ គឺផ្ដួចផ្ដើមគំនិតប្រឆាំងអ្នករាជការសាធារណៈ ធ្វើកុបកម្ម ជ្រៀតជ្រែកខុសច្បាប់នៅក្នុងការបំពេញមុខងារសាធារណៈ និងញុះញង់ឲ្យប្រជាពលរដ្ឋកាន់អាវុធប្រឆាំងនឹងអាជ្ញាធរស្របច្បាប់។
ទាក់ទងនឹងការសម្រេចឃុំខ្លួនរបស់ចៅក្រមសាលាដំបូងរាជធានីភ្នំពេញនេះ អ្នកគាំទ្រសមាគមអ្នកប្រជាធិបតេយ្យ និងអង្គការសង្គមស៊ីវិលប្រមាណ ១០០នាក់ ចូលរួមតវ៉ានៅមុខសាលាដំបូងរាជធានីភ្នំពេញ សុំឲ្យដោះលែងប្រធានសមាគមអ្នកប្រជាធិបតេយ្យ។ ពួកគេស្រែកអះអាងថា លោក ម៉ម សូណង់ដូ គ្មានទោសពៃរ៍ទេ អ្វីដែលគាត់ធ្វើគឺដើម្បីការពារសិទ្ធិសេរីភាពរបស់ប្រជាពលរដ្ឋ និងជួយដោះស្រាយទុក្ខកង្វល់របស់អ្នកក្រីក្រ ហេតុនេះការសម្រេចឃុំខ្លួននេះមិនត្រឹមត្រូវនោះទេ។
ដូចគ្នានេះដែរ ភរិយាលោក ម៉ម សូណង់ដូ អ្នកស្រី ឌិន ផាណារ៉ា មានប្រសាសន៍ថា ស្វាមីរបស់អ្នកស្រីមិនបានប្រព្រឹត្តនូវទោសកំហុសអ្វីនោះទេ ដូច្នេះការសម្រេចឃុំខ្លួនរបស់ចៅក្រមសាលាដំបូងរាជធានីភ្នំពេញ លើស្វាមីអ្នកស្រី មិនយុត្តិធម៌នោះទេ។
អ្នកស្រីបន្តថា បើស្វាមីអ្នកស្រីប្រព្រឹត្តខុសពិតប្រាកដមែន គាត់មិនមែនត្រឡប់ពីសហរដ្ឋអាមេរិកមកចូលស្រុកវិញឲ្យអាជ្ញាធរចាប់ខ្លួននោះទេ ព្រោះគាត់អាចគេចខ្លួននៅឯក្រៅប្រទេសបាន តែដោយសារគាត់ជាមនុស្សស្អាតស្អំ ហេតុនេះគាត់មិនខ្លាចនឹងតទល់ចំពោះការចោទប្រកាន់របស់រដ្ឋាភិបាលមកលើរូបគាត់ឡើយ។
ឆ្លើយតបនឹងការសម្រេចឃុំខ្លួនរបស់ចៅក្រមសាលាដំបូងរាជធានីភ្នំពេញនេះដែរ ប្រធានមជ្ឈមណ្ឌលសិទ្ធិមនុស្ស លោក អ៊ូ វីរៈ សំដែងការងឿងឆ្ងល់ថា ហេតុអ្វីបានជាចៅក្រមស៊ើបសួរមិនអនុញ្ញាតឲ្យមេធាវីធានាខ្លួនលោក ម៉ម សូណង់ដូ ឲ្យនៅក្រៅឃុំ?
លោកថ្លែងបន្តថា ការឃុំខ្លួនគេធ្វើឡើងដើម្បីការពារជនសង្ស័យគេចខ្លួន ប៉ុន្តែករណីលោក ម៉ម សូណង់ដូ ចៅក្រមមិនគួរសង្ស័យខ្លាចកើតមានការគេចខ្លួននោះទេ។ លោកថា បើសិនជាលោក ម៉ម សូណង់ដូ មានបំណងគេចខ្លួន លោកមិនមែនចូលស្រុកឲ្យអាជ្ញាធរចាប់ខ្លួនឡើយ ព្រោះលោកបានដឹងហើយថា រាជរដ្ឋាភិបាលបានប្រកាសចាប់ខ្លួនលោកតាំងពីលោកមិនទាន់ចូលស្រុកម្ល៉េះ។
កាលពីថ្ងៃទី២៦ មិថុនា កន្លងទៅ លោកនាយករដ្ឋមន្ត្រី ហ៊ុន សែន បានប្រកាសថា អាជ្ញាធរត្រូវតែចាប់ខ្លួនប្រធានសមាគមអ្នកប្រជាធិបតេយ្យ ដែលជាមេខ្លោងក្នុងសកម្មភាពបង្កើតចលនាចាប់ដីដោយខុសច្បាប់នៅឃុំកំពង់ដំរី ស្រុកឆ្លូង ខេត្តក្រចេះ។ លោក ហ៊ុន សែន បាននិយាយថា ប្រធានសមាគមនោះ ជាអ្នកទទួលខុសត្រូវចំពោះការស្លាប់របស់កុមារីមួយរូបក្នុងពេលកងកំលាំងប្រដាប់អាវុធរដ្ឋាភិបាល ទៅបង្ក្រាបសកម្មភាពចាប់ដីខុសច្បាប់នៅខេត្តក្រចេះនោះ។
លោក ហ៊ុន សែន ថ្លែងដូច្នេះ៖ «កុំលេងដូចពួកអាសមាគមអ្នកប្រជាធិបតេយ្យ "ចូលសមាគមអញចាំអញរកដីឲ្យអ្ហែង បង់លុយប៉ុណ្ណេះ ប៉ុណ្ណោះ"។ បើមិនវ៉ៃខ្នោះឯងទេ គឺថា ប៉ុន្តែវានៅខាងក្រៅប្រទេស ប៉ុន្តែយើងធ្វើបត្យាប័នរហូតកាត់ទោសអ្ហែង គឺថា ករណីស្លាប់ក្មេងខ្ញុំបានសំដែងការសោកស្ដាយនេះជាឧបទ្ទវហេតុ មិនមែនជាការបាញ់សម្លាប់ទេ ហើយអ្នកណាអ្នកបង្ក គឺពួកអាសមាគមអ្នកប្រជាធិបតេយ្យហ្នឹងឯងជាអ្នកបង្ក ទើបមានករណីហ្នឹងកើតឡើង។ អ៊ីចឹងត្រូវកាត់ទោសអានោះ អាអ្នកមេនោះ និយាយគ្នាឲ្យច្បាស់ម្ដង»។
ឆ្លើយតបនឹងការប្រកាសចាប់ខ្លួនប្រមុខរដ្ឋាភិបាលនេះ លោក ម៉ម សូណង់ដូ បានឲ្យដឹងនៅថ្ងៃទី១៤ កក្កដា ខណៈលោកបានចូលរួមខួបលើកទី២ នៃការបង្កើតសមាគមអ្នកប្រជាធិបតេយ្យ ដោយលោកបានថ្លែងថា លោកមិនខ្លាចការចង់ចាប់ខ្លួនលោកពីសំណាក់អាជ្ញាធរឡើយ។
លោក ម៉ម សូណង់ដូ៖ «អ្នកឯងមានអំណាច អ្នកឯងឈ្លើយ អ្នកឯងធ្វើបាបជាតិ អ្នកឯងបំផ្លាញជាតិ អ្នកបង្កាច់គេ អ្នកឯងចង់ចាប់គេដាក់គុក អ្នកឯងចង់បាញ់គេចោល អ្នកឯងធ្វើម៉ាសេរី ម៉ម សូណង់ដូ អត់ព្រឺរោមជើងទេ។ លោកធំមិនមែនធុនរត់ចោលកូនចៅទេ សុខចិត្តស្លាប់ដើម្បីការពារកូនចៅ ជាតិខ្មែរ សាសន៍ខ្មែរ ខ្ញុំនិយាយហើយនិយាយទៀត ខ្ញុំសុខចិត្តងាប់ ដើម្បីដូរយកសេរីភាព»។
ដូចគ្នានេះដែរ នៅថ្ងៃទី១២ កក្កដា នាអាកាសយានដ្ឋានអន្តរជាតិភ្នំពេញ លោក ម៉ម សូណង់ដូ ថ្លែងថា លោកមិនខ្លាចនឹងការចាប់ខ្លួនរបស់អាជ្ញាធរឡើយ ដោយលោកអះអាងថា លោកមិនបានប្រព្រឹត្តដូចការចោទប្រកាន់របស់លោកនាយករដ្ឋមន្ត្រី ហ៊ុន សែន នោះទេ៕
លោក សុក សំអឿន មេធាវី ការពារក្ដីលោក ម៉ម សូណង់ដូ ឲ្យដឹងថា ការសម្រេចឃុំខ្លួនរបស់ចៅក្រមស៊ើបសួរ គឺអ្នកស្រី សែម ស័ក្ដិកូឡា នេះ ធ្វើឡើងដោយយោងតាមដីកាចោទប្រកាន់របស់ព្រះរាជអាជ្ញាសាលាដំបូងខេត្តក្រចេះ ដែលចោទប្រកាន់ពីបទល្មើសចំនួន ៤ គឺផ្ដួចផ្ដើមគំនិតប្រឆាំងអ្នករាជការសាធារណៈ ធ្វើកុបកម្ម ជ្រៀតជ្រែកខុសច្បាប់នៅក្នុងការបំពេញមុខងារសាធារណៈ និងញុះញង់ឲ្យប្រជាពលរដ្ឋកាន់អាវុធប្រឆាំងនឹងអាជ្ញាធរស្របច្បាប់។
ទាក់ទងនឹងការសម្រេចឃុំខ្លួនរបស់ចៅក្រមសាលាដំបូងរាជធានីភ្នំពេញនេះ អ្នកគាំទ្រសមាគមអ្នកប្រជាធិបតេយ្យ និងអង្គការសង្គមស៊ីវិលប្រមាណ ១០០នាក់ ចូលរួមតវ៉ានៅមុខសាលាដំបូងរាជធានីភ្នំពេញ សុំឲ្យដោះលែងប្រធានសមាគមអ្នកប្រជាធិបតេយ្យ។ ពួកគេស្រែកអះអាងថា លោក ម៉ម សូណង់ដូ គ្មានទោសពៃរ៍ទេ អ្វីដែលគាត់ធ្វើគឺដើម្បីការពារសិទ្ធិសេរីភាពរបស់ប្រជាពលរដ្ឋ និងជួយដោះស្រាយទុក្ខកង្វល់របស់អ្នកក្រីក្រ ហេតុនេះការសម្រេចឃុំខ្លួននេះមិនត្រឹមត្រូវនោះទេ។
ដូចគ្នានេះដែរ ភរិយាលោក ម៉ម សូណង់ដូ អ្នកស្រី ឌិន ផាណារ៉ា មានប្រសាសន៍ថា ស្វាមីរបស់អ្នកស្រីមិនបានប្រព្រឹត្តនូវទោសកំហុសអ្វីនោះទេ ដូច្នេះការសម្រេចឃុំខ្លួនរបស់ចៅក្រមសាលាដំបូងរាជធានីភ្នំពេញ លើស្វាមីអ្នកស្រី មិនយុត្តិធម៌នោះទេ។
អ្នកស្រីបន្តថា បើស្វាមីអ្នកស្រីប្រព្រឹត្តខុសពិតប្រាកដមែន គាត់មិនមែនត្រឡប់ពីសហរដ្ឋអាមេរិកមកចូលស្រុកវិញឲ្យអាជ្ញាធរចាប់ខ្លួននោះទេ ព្រោះគាត់អាចគេចខ្លួននៅឯក្រៅប្រទេសបាន តែដោយសារគាត់ជាមនុស្សស្អាតស្អំ ហេតុនេះគាត់មិនខ្លាចនឹងតទល់ចំពោះការចោទប្រកាន់របស់រដ្ឋាភិបាលមកលើរូបគាត់ឡើយ។
ឆ្លើយតបនឹងការសម្រេចឃុំខ្លួនរបស់ចៅក្រមសាលាដំបូងរាជធានីភ្នំពេញនេះដែរ ប្រធានមជ្ឈមណ្ឌលសិទ្ធិមនុស្ស លោក អ៊ូ វីរៈ សំដែងការងឿងឆ្ងល់ថា ហេតុអ្វីបានជាចៅក្រមស៊ើបសួរមិនអនុញ្ញាតឲ្យមេធាវីធានាខ្លួនលោក ម៉ម សូណង់ដូ ឲ្យនៅក្រៅឃុំ?
លោកថ្លែងបន្តថា ការឃុំខ្លួនគេធ្វើឡើងដើម្បីការពារជនសង្ស័យគេចខ្លួន ប៉ុន្តែករណីលោក ម៉ម សូណង់ដូ ចៅក្រមមិនគួរសង្ស័យខ្លាចកើតមានការគេចខ្លួននោះទេ។ លោកថា បើសិនជាលោក ម៉ម សូណង់ដូ មានបំណងគេចខ្លួន លោកមិនមែនចូលស្រុកឲ្យអាជ្ញាធរចាប់ខ្លួនឡើយ ព្រោះលោកបានដឹងហើយថា រាជរដ្ឋាភិបាលបានប្រកាសចាប់ខ្លួនលោកតាំងពីលោកមិនទាន់ចូលស្រុកម្ល៉េះ។
កាលពីថ្ងៃទី២៦ មិថុនា កន្លងទៅ លោកនាយករដ្ឋមន្ត្រី ហ៊ុន សែន បានប្រកាសថា អាជ្ញាធរត្រូវតែចាប់ខ្លួនប្រធានសមាគមអ្នកប្រជាធិបតេយ្យ ដែលជាមេខ្លោងក្នុងសកម្មភាពបង្កើតចលនាចាប់ដីដោយខុសច្បាប់នៅឃុំកំពង់ដំរី ស្រុកឆ្លូង ខេត្តក្រចេះ។ លោក ហ៊ុន សែន បាននិយាយថា ប្រធានសមាគមនោះ ជាអ្នកទទួលខុសត្រូវចំពោះការស្លាប់របស់កុមារីមួយរូបក្នុងពេលកងកំលាំងប្រដាប់អាវុធរដ្ឋាភិបាល ទៅបង្ក្រាបសកម្មភាពចាប់ដីខុសច្បាប់នៅខេត្តក្រចេះនោះ។
លោក ហ៊ុន សែន ថ្លែងដូច្នេះ៖ «កុំលេងដូចពួកអាសមាគមអ្នកប្រជាធិបតេយ្យ "ចូលសមាគមអញចាំអញរកដីឲ្យអ្ហែង បង់លុយប៉ុណ្ណេះ ប៉ុណ្ណោះ"។ បើមិនវ៉ៃខ្នោះឯងទេ គឺថា ប៉ុន្តែវានៅខាងក្រៅប្រទេស ប៉ុន្តែយើងធ្វើបត្យាប័នរហូតកាត់ទោសអ្ហែង គឺថា ករណីស្លាប់ក្មេងខ្ញុំបានសំដែងការសោកស្ដាយនេះជាឧបទ្ទវហេតុ មិនមែនជាការបាញ់សម្លាប់ទេ ហើយអ្នកណាអ្នកបង្ក គឺពួកអាសមាគមអ្នកប្រជាធិបតេយ្យហ្នឹងឯងជាអ្នកបង្ក ទើបមានករណីហ្នឹងកើតឡើង។ អ៊ីចឹងត្រូវកាត់ទោសអានោះ អាអ្នកមេនោះ និយាយគ្នាឲ្យច្បាស់ម្ដង»។
ឆ្លើយតបនឹងការប្រកាសចាប់ខ្លួនប្រមុខរដ្ឋាភិបាលនេះ លោក ម៉ម សូណង់ដូ បានឲ្យដឹងនៅថ្ងៃទី១៤ កក្កដា ខណៈលោកបានចូលរួមខួបលើកទី២ នៃការបង្កើតសមាគមអ្នកប្រជាធិបតេយ្យ ដោយលោកបានថ្លែងថា លោកមិនខ្លាចការចង់ចាប់ខ្លួនលោកពីសំណាក់អាជ្ញាធរឡើយ។
លោក ម៉ម សូណង់ដូ៖ «អ្នកឯងមានអំណាច អ្នកឯងឈ្លើយ អ្នកឯងធ្វើបាបជាតិ អ្នកឯងបំផ្លាញជាតិ អ្នកបង្កាច់គេ អ្នកឯងចង់ចាប់គេដាក់គុក អ្នកឯងចង់បាញ់គេចោល អ្នកឯងធ្វើម៉ាសេរី ម៉ម សូណង់ដូ អត់ព្រឺរោមជើងទេ។ លោកធំមិនមែនធុនរត់ចោលកូនចៅទេ សុខចិត្តស្លាប់ដើម្បីការពារកូនចៅ ជាតិខ្មែរ សាសន៍ខ្មែរ ខ្ញុំនិយាយហើយនិយាយទៀត ខ្ញុំសុខចិត្តងាប់ ដើម្បីដូរយកសេរីភាព»។
ដូចគ្នានេះដែរ នៅថ្ងៃទី១២ កក្កដា នាអាកាសយានដ្ឋានអន្តរជាតិភ្នំពេញ លោក ម៉ម សូណង់ដូ ថ្លែងថា លោកមិនខ្លាចនឹងការចាប់ខ្លួនរបស់អាជ្ញាធរឡើយ ដោយលោកអះអាងថា លោកមិនបានប្រព្រឹត្តដូចការចោទប្រកាន់របស់លោកនាយករដ្ឋមន្ត្រី ហ៊ុន សែន នោះទេ៕
0 comments:
Post a Comment