16 August 2012/ABC
មេដឹកនាំជាន់ខ្ពស់ទាំងពីរ កម្ពុជា និងវៀតណាមនៅថ្ងៃព្រហស្បតិ៍នេះ បានអះអាងរួមគ្នាថា នឹងបន្តពូនជ្រំកិច្ចសហប្រតិបត្តិការដែលមានស្រាប់ឱ្យកាន់តែរឹងមាំថែមទៀត ស្របពេលដែលប្រទេសទាំងពីរប្រារព្ធខួបទី៤៥ នៃទំនាក់ទំនងការទូតរវាងប្រទេសទាំងពីរ។
 |
| ជំនួបរវាងនាយករដ្ឋមន្ត្រីកម្ពុជានិង ឧបនាយករដ្ឋមន្ត្រីវៀតណាម។ រូបភាពដោយសយ សុភា ( Credit: ABC Licensed) |
នាយករដ្ឋមន្រ្តីកម្ពុជា លោក ហ៊ុន សែន និងលោក ង្វៀន ស្វិនតុក ឧបនាយករដ្ឋមន្ត្រី និងជាប្រធានគណៈកម្មាធិការជាតិត្រួតពិនិត្យគ្រឿងញៀន អេដស៍ និងពេស្យាចារវៀតណាម បានថ្លែងយ៉ាងដូច្នេះ នៅជំនួបមួយដែលធ្វើឡើងនៅវិមានសន្តិភាព។
លោក អ៊ាង សុផល្លែត អ្នកនាំពាក្យជំនួប បានថ្លែងប្រាប់អ្នកកាសែតថា មេដឹកនាំទាំងពីរ នឹង ជំរុញឱ្យមានកំណើនពាណិជ្ជកម្មទ្វេភាគី ទាំងវិស័យទេសចរណ៍ ក៏ដូចជាការទប់ស្កាត់បទ ល្មើសនានាតាមព្រំដែនផងដែរ។
ដំណើរទស្សនកិច្ចរបស់លោកង្វៀន ស្វិនតុក បានធ្វើឡើងក្រោយរយៈពេលមួយសប្តាហ៍ បន្ទាប់ពីការបកស្រាយរបស់លោកហ៊ុន សែន នៅរដ្ឋសភា ទាក់ទងនឹងការបោះបង្គោលព្រំដែន រវាងកម្ពុជា និងវៀតណាម ដែលមានការរិះគន់ពីបក្សប្រឆាំងថា ការបោះបង្គោលព្រំដែននោះនាំឱ្យកម្ពុជាបាត់បង់ទឹកដី៕
0 comments:
Post a Comment