ល 7 August 2012
abc radio Australia
ក្រុមតំណាងសហព័ន្ធន៍ខ្មែរកម្ពុជាក្រោម នៅថ្ងៃទី៨ និងថ្ងៃទី៩ខែសីហានេះ មានការណាត់ជួបពិភាក្សាជាមួយក្រុមមន្រ្តីទទួលបន្ទុកកិច្ចការសិទ្ធិមនុស្ស ទំនាក់ទំនង និងនយោបាយជាមួយអាស៊ីអាគ្នេយ៍របស់ក្រសួងការបរទេសនៃប្រទេសកាណាដា។
abc radio Australia
លោក ថាច់ ង៉ុកថាច់ ជាប្រធានសហព័ន្ធន៍ខ្មែរកម្ពុជាក្រោម មានប្រសាសន៍ថា ក្នុងពេលកន្លងមកជំនួយបរទេសពីប្រទេសកាណាដាសម្រាប់វិស័យអប់រំ និងការហ្វឹកហ្វឺនដល់មន្រ្តីផ្នែកការពារបរិស្ថាន ធ្វើឡើងតាមរយៈរដ្ឋាភិបាលវៀតណាមនោះ មិនបានឆ្លើយតបតាមសេចក្ដីត្រូវការពិតបា្កដទេ។
តាមរយៈលោក ថាច់ ង៉ុកថាច់ ប្រទេសកាណាដាបានផ្ដល់ជំនួយអភិវឌ្ឍន៍ដល់កម្ពុជាជាយូរឆ្នាំមកហើយ ប៉ុន្តែសម្រាប់រយៈពេល៤ឆ្នាំខាងមុខនេះ ប្រទេសកាណាដាបម្រុងថវិកាប្រមាណជាង៣៥លានដុល្លារសម្រាប់ទ្រទ្រង់ការអភិវឌ្ឍវិស័យការពារបរិស្ថាន ការសិក្សាអប់រំ និងសេដ្ឋកិច្ច។
សហព័ន្ធន៍ខ្មែរកម្ពុជាក្រោម មានមូលដ្ឋាននៅក្នុងសហរដ្ឋអាម៉េរិក ជាសម្ពន្ធពិភពលោកនៃអង្គការ ឬសមាគមខ្មែរកម្ពុជាក្រោមនៅបរទេសប្រមាណ៤ម៉ឺននាក់ ដែលមានគោលបំណងតស៊ូមតិដើម្បីការពារសិទ្ធិមនុស្សឲ្យពលរដ្ឋខ្មែរជាង១០លាននាក់នៅកម្ពុជាក្រោម៕
0 comments:
Post a Comment