ថ្ងៃទី 19 សីហា 2012, ម៉ោង
ដោយ: រតនា cen.com.kh
លោកឈុន បាននិយាយ ប្រកបដោយទឹកមុខមាំបន្តថា ៖ ធ្វើរូបសំណាកហ្នឹង សាលាក្រុងភ្នំពេញ ចេញលុយជួយ ចំនួន៥០០០ដុល្លារ ហើយរូបនោះគេថា ធ្វើអស់លុយតែ៨០០០ដុល្លារទេ និងមានសប្បុរសជន និងកម្មករកម្មការិនី នៅតាមរោងចក្រ នានា ពួកគេបានរៃអង្គាស ប្រាក់ ពីពួកគាត់ (កម្មករ) បានជាច្រើនលានរៀល ដែរហើយ។
លោកឈុនបាននិយាយបន្តថា ៖ និយាយឲ្យត្រង់ទៅ គឺសហភាពសហជីពសហជីពកម្ពុជា អត់មានលុយសោះ សម្រាប់ចូលរួមធ្វើ រូបសំណាក “ជា វិជ្ជា ”។
សូមបញ្ជាក់ថា៖ រាជរដ្ឋាភិបាល បានសម្រេចចេញនូវគោលការណ៍ ក្នុងការកសាងរូបសំណាកលោក ជា វិជ្ជា វីរបុរសរបស់សហជីពសេរីកម្មករ នៃព្រះរាជាណាចក្រកម្ពុជា។
ខាងទីស្ដីការគណៈរដ្ឋមន្ត្រី បានផ្ញើលិខិតជូនលោកអភិបាលរាជធានីភ្នំពេញ ពាក់ព័ន្ធនឹងករណីស្នើសុំគោលការណ៍សម្រេចស្ដីពីការកសាង រូបសំណាក លោក ជា វិជ្ជា ជូនសហជីពសេរីកម្មករ នៃព្រះរាជាណាចក្រកម្ពុជា។
លិខិតនោះបានបង្ហាញថា ចំពោះករណីស្នើសុំគោលការណ៍សម្រេច ស្ដីពីការកសាងរូបសំណាកលោក ជា វិជ្ជា ជូនសហជីពសេរីកម្មករ នៃព្រះរាជាណាចក្រកម្ពុជា រាជរដ្ឋាភិបាលបានសម្រេចជាគោលការណ៍ដូចខាងក្រោម ៖
១. សាងសង់រូបសំណាកលោក ជា វិជ្ជា អតីតប្រធានសហជីពសេរីកម្មករ ដោយបែរមុខទៅទិសខាងលិច ជ្រើសរើសយកទីតាំងមួយស្ថិតនៅប៉ែក ខាងត្បូង នៃសួនស្មៅខាងលិចវិមានឯករាជ្យ ខិតទៅម្ខាងវត្តលង្កា។
២. ប្រគល់ភារកិច្ចជូនសហជីពសេរីកម្មករ នៃព្រះរាជាណាចក្រកម្ពុជា ក្នុងការឆ្លាក់រូបសំណាក ទៅតាមប្លង់ដែលបានឯកភាពគ្នារួច ដោយប្រើថ្មភក់ពណ៌ខៀវ យកមកពីខេត្តសៀមរាប មានកម្ពស់ ១,៦៨ ម៉ែត្រ កម្ពស់ជើងទម្រ ១ ម៉ែត្រ ហើយជើងទម្រមានរាងបួនជ្រុង។
៣. សាលារាជធានីភ្នំពេញ ជួយបំពេញបន្ថែមថវិកាចំនួន ៥.០០០ ដុល្លារ សម្រាប់ចំណាយក្នុងការសាងសង់នេះ៕
0 comments:
Post a Comment