លោកម៉ៅពៅបាញ់បោះ​សេរី​ផ្អើល​ក្រុង​សៀមរាប​ទាំង​យប់​តែ​ត្រូវ​សមត្ថ​កិច្ច​ដោះ​លែង​យ៉ាង​ស្រួល

ដោយ ជ័យ​ សច្ចៈ ថ្ងៃទី 02 ខែ តុលា ឆ្នាំ​ 2012

ស្នងការនគរបាលខេត្តព្រះ វិហារ លោក ម៉ៅ ពៅ ត្រូវ​សមត្ថ​កិច្ច​ខេត្ត សៀមរាប​ឃាត់​ខ្លួន​ហៅ​មក​សាក​សួរ​នៅ​ស្នង​ការ​ដ្ឋាន​នគរ​បាល បន្ទាប់ពី បាន​បាញ់បោះ​សេរី​ជា​ច្រើន​គ្រាប់​នៅ​សណ្ឋាគារ​ឡក​យីន​ផ្អើល​អស់​ប្រជា​ពល​រដ្ឋ​និង​ភ្ញៀវ​ទេសចរ​ទាំង​ឡាយ ប៉ុន្តែ​ត្រូវ​បាន​ដោះ​លែ​ង​នៅ​ប៉ុន្មាន​ម៉ោង ក្រោយ​មក។

ហេតុការណ៍ដែលលោកស្នងការនគរបាលខេត្តព្រះវិហារ ម៉ៅ ពៅ បាញ់ បោះសេរីនេះ

បានកើតឡើងកាលពីវេលា ម៉ោង១១និង៣០នាទីយប់ ថ្ងៃទី ៣០ ខែកញ្ញា ឆ្នាំ២០១២

នៅក្នុងសណ្ឋាគារ ឡកយីនឋិតនៅ តាមបណ្តោយ ផ្លូវជាតិលេខ ៦ សង្កាត់ ស្លក្រាម

ក្រុង-ខេត្តសៀមរាប ប៉ុន្តែមិនបណ្តាលឱ្យ នរណាម្នាក់រងរបួសនោះឡើយគ្រាន់តែខូច

ខាតទ្រព្យសម្បត្តិមួយចំនួន នៅក្នុងសណ្ឋាគារតែប៉ុណ្ណោះ ។

 

ប្រភពពីកន្លែងកើតហេតុនិយាយថាមុនពេលកើតហេតុជនបង្កបានមកចូលស្នាក់នៅ

ក្នុងសណ្ឋាគារខាងលើក្នុងអាការៈស្រវឹងជោក ជាំរួច ហើយមិនដឹងមានរឿងអ្វីកើតឡើង

 បែរជាបើកទ្វារបន្ទប់ចេញស្ទុះទៅឆក់កាំភ្លើងពីអង្គរក្សរបស់ខ្លួនបាញ់ នៅក្នុងសណ្ឋាគារ 

មួយគ្រាប់ ហើយមិនអស់ចិត្តក៏ចេញមកបាញ់នៅខាងក្រៅប្រមាណ ៤-៥ គ្រាប់ទៀត ។

ប្រភពបន្តថា បន្ទាប់ពីបាញ់បោះសេរីហើយលោកស្នងការរូបនេះអះអាងថា ការបាញ់

នេះគឺដើម្បីការពារខ្លួនខ្លាចមានអំពើណាមួយ រំលោភបំពានមកលើរូបគាត់ ព្រោះមាន

អ្នកមកធាក់ទ្វារបន្ទប់របស់គាត់កំពុងស្នាក់នៅ ។

ប្រភពខាងលើបន្តថា បន្ទាប់ពីមានការភ្ញាក់ផ្អើលពីប្រជាពលរដ្ឋក៏ដូចជាម្ចាស់សណ្ឋា

គារសមត្ថកិច្ចក៏មកដល់កន្លែងកើតហេតុភ្លាម និងឃាត់ខ្លួនផងដែរទៅលើជនបង្កជា

ស្នងការនគរបាលខេត្តព្រះវិហារ បញ្ជូនទៅកាន់ស្នងការដ្ឋាននគរបាលខេត្តសៀមរាប

ដើម្បី សួរនាំ។

មន្ត្រីនគរបាលព្រហ្មទណ្ឌកម្រិតស្រាលមួយរូបដែលសុំមិនបញ្ចោញឈ្មោះបាននិ

យាយថា ជនបង្កដែលមានតួនាទីជាស្នងការនគរ បាលខេត្តព្រះវិហារ ត្រូវបានដោះ

លែងមកវិញទាំងយប់បន្ទាប់ពីមានការសារភាពនូវកំហុសក៏ដូចជាការអន្តរាគមន៍

មួយចំនួននោះ ។

ពាក់ព័ន្ធករណីបាញ់បោះសេរីនេះ ខ្មែរម្ចាស់ស្រុក មិនអាចទាក់ទងលោក ម៉ៅ ពៅ 

តាមទូរស័ព្ទបានទេកាលពីព្រឹក ថ្ងៃទី១ ខែតុលា ឆ្នាំ២០១២ ។ ចំណែកលោក សត 

ណាឌី ស្នង ការនគរបាលខេត្តសៀមរាបដែលជាអាជ្ញាធរដែនដីក៏មិន អាចសុំការបំ

ភ្លឺបានដែរដោយ លោកបានប្រាប់តាមទូរស័ព្ទថា កំពុងជាប់ប្រជុំ។

គួរបញ្ជាក់ថា កាលពីថ្ងៃ ទី២០ ខែកញ្ញា ឆ្នាំ២០១២ លោកនាយករដ្ឋមន្ត្រី ហ៊ុន សែន 

ធ្លាប់បានលើកឡើងថានឹងមិនយោគយល់ អត់ឱនជាដាច់ខាតចំពោះអ្នកដែលបានប្រ

ព្រឹត្តលើបទល្មើសបាញ់បោះសេរី បើទោះជាកូនក្មួយអ្នកធំមានបុណ្យស័ក្តិបែបណាក៏ 

ដោយត្រូវតែចាត់ការអនុវត្តច្បាប់ ។ 

ក្នុងន័យនេះ លោកក៏បានផ្តោតទៅលើការយកចិត្តទុកដាក់អំពីសន្តិសុខ ស្ថិរភាពក្នុង

សង្គមជូន ដល់ប្រជាពលរដ្ឋអ្នកវិនិយោគទុនក្នុងស្រុកនិងបរទេសប៉ុន្តែទង្វើដែលលោក 

ម៉ៅ ពៅ ស្នងការនគរបាលខេត្តព្រះវិហារដែលក្លាយ  ក្រុងសៀមរាបតំបន់ទេសចរណ៍  

ផ្អើលប្រជាពលរដ្ឋភ្ញៀវទេសចរ និង ធ្វើឱ្យខូចខាតទ្រព្យសម្បត្តិអ្នកដទៃ បើទោះជាមាន

ការដោះលែងជនបង្កក៏ដោយមជ្ឈដ្ឋានមហាជនក៏ដូចជាប្រជាពលរដ្ឋ មន្ត្រីរាជ ការមាន

ជំនឿថា ជនពោលគឺត្រូវតែផ្តន្ទាទោស ទៅតាមផ្លូវច្បាប់ពីអគ្គស្នងការនករបាលជាតិ 

ក៏ដូចជាប្រមុខរាជរដ្ឋាភិបាល  ៕B