សិល្បសាស្ត្រ ១៨ ប្រការ

1.    យុទ្ធសាស្ត្រ វិជ្ជាស្តីពីការច្បាំងតតាំងនឹងសត្រូវ

2.    រដ្ឋសាស្ត្រ វិជ្ជាស្តីពីការគ្រប់គ្រងរដ្ឋ

3.    នីតិសាស្ត្រ វិជ្ជាស្តីពីច្បាប់ និង ប្រពៃណីទំនៀមទម្លាប់ 

4.    ពាណិជ្ជសាស្ត្រ វិជ្ជាស្តីពីការគ្រប់គ្រង ឬ ធ្វើពាណិជ្ជកម្ម គឺ ជំនួញ

5.    អក្សរសាស្ត្រ វិជ្ជាស្តីពីក្បួនអក្សរ

6.    និរុត្តិសាស្ត្រ វិជ្ជាស្តីពីដើមកំណើតភាសា និងភាសាបរទេស ឬ ភាសាទូត

7.    គណិតសាស្ត្រ វិជ្ជាស្តីពីការគិតគណនា

8.    ជោតិយសាស្ត្រ វិជ្ជាស្តីពីការគន់មើលដំណើរគោចររបស់ផ្កាយ

9.    ភូមិសាស្ត្រ វិជ្ជាស្តីពីផ្ទៃដី ឬ ផែនទីរបស់ប្រទេសផ្សេង ៗ

10.  ហោរាសាស្ត្រ វិជ្ជាស្តីពីការទស្សន៍ទាយហេតុការណ៍ផ្សេង ៗ ឬថា ការសិក្សាវិធីគិត និង វិធីសម្រេចចិត្ត

11.  វេជ្ជសាស្ត្រ វិជ្ជាស្តីពីការព្យាបាលរោគ

12.  សត្តសាស្ត្រ វិជ្ជាស្តីពីការសង្កេតមើលលក្ខណៈនិងសម្លេងរបស់សត្វ

13.  ហេតុសាស្ត្រ ឬ តក្កសាស្ត្រ វិជ្ជាស្តីពីការឈ្វេងយល់ហេតុដែលជាដែនកើតនៃផល

14.  យោគសាស្ត្រ ឬ យន្តសាស្ត្រ វិជ្ជាស្តីការផ្គុំគ្រឿងយន្ត ឬ ផលិតគ្រឿងយន្តផ្នែកឧស្សាហកម្ម

15.  សាសនសាស្ត្រ វិជ្ជាស្តីពីលទ្ធិ សាសនា ឬ ដើមកំណើតនៃទំនៀមទម្លាប់ដែលមហាជនគោរពបូជា ឬ វិជ្ជាចងឆ្វាក់ទាក់ទឹកចិត្តមហាជន ។

16.  មាយាសាស្ត្រ វិជ្ជាកលល្បិច ឬ វិជ្ជាពិជ័យសង្គ្រាម

17.  គន្ធព្វសាស្ត្រ វិជ្ជាតន្ត្រី ចម្រៀង(គីតិ) របាំ(នាដ្យ) ឬ វិចិត្តសិល្បៈ

18.  ឆន្ទសាស្ត្រ វិជ្ជាតែងនិពន្ធ កំណាព្យ កាព្យ ឃ្លោង ស្លោក ឫសីប្លែងសារ៕