15- 02- 2012
ដោយៈ ឃ្លាំង វឌ្ឍនជាតិ UAKKBM RADIO
រឿងរ៉ាវជម្លោះដីធ្លីនៅកម្ពុជាក្រោម
បានបញ្តាលអោយខ្មែរក្រោមរាប់ពាន់នាក់ ក្លាយជាជនភៀសខ្លួន
ព្រោះតែ តវ៉ារឿងដីធ្លី
ដែលត្រូវបានរដ្ឋាភិបាលយួន ប្លន់យកទៅចែកអោយជនជាតិយួន កាលពី ឆ្នាំ
១៩៧៥ ពលរដ្ឋខ្មែរកម្ពុជាក្រោមទាំងនោះ
បានរត់គេចចេញពីការតាមចាប់ របស់អជ្ញាធរយួនហើយ
មកសំងំលាក់ខ្លួននៅប្រទេសជិតខាង
ដើម្បីសុំសិទ្ធិជ្រោកកោននយោបាយ ពីឧត្តមស្នងការ អ.ស.
បទទួលបន្ទុកផ្នែកខាង ជនភៀសខ្លួន។
 |
| ក្រុមជនភៀសខ្លួនខ្មែរកម្ពុជាក្រោម នៅប្រទេសសៀម |
ពលរដ្ឋខ្មែរកម្ពុជាក្រោមជាច្រើន ដែលបានរត់ភៀសខ្លួនចេញពីស្រុកកំណើត
ទៅរស់នៅប្រទេសកម្ពុជា ប្រទេសសៀម និងប្រទេសមួយចំនួនទៀតនោះ គឺគេចចេញពីការប៉ិនប៉ងតាមចាប់ខ្លួន
របស់អជ្ញាធរយួន ដោយបានចោទប្រកាន់ពួកគាត់ថា បានបះបោរធ្វើបាតុកម្ម បញ្តាអោយខូចខាត សណ្តាប់ធ្លាប់សង្គម
ហើយជនភៀសខ្មែរក្រោមទាំងនោះ បានទៅពឹងពាក់ឧត្តមស្នងការ អង្គការសហប្រជាជាតិ ទទួលបន្ទុកផ្នែកជនភៀសខ្លួន
អោយជួយធ្វើអន្តរាគមន៍ក្នុងរឿងនេះ តែឧត្តមស្នងការទទួលបន្ទុក ផ្នែកខាងជនភៀសខ្លួន របស់
អ.ស.ប មិនបានទទួលពួកគាត់ក្នុងឋានៈជាជនភៀសខ្លួនស្របច្បាប់នោះទេ
ព្រោះកាលពីមុនរដ្ឋាភិបាលកម្ពុជា ធ្លាប់បានប្រកាសថាៈ ខ្មែរកម្ពុជាក្រោម ជាខ្មែរដូចគ្នា
ដូច្នេះរដ្ឋាភិបាលកម្ពុជាអាចទទួលពួកគាត់អោយរស់នៅ ហើយទទួលបានសិទ្ធិ និងករណីយកិច្ចក្នុងនាមជាពលរដ្ឋខ្មែរ
ដូចបងប្អូនខ្មែរកណ្តាលដែរ តែអ្វីដែលរដ្ឋាភិបាលក្រុងភ្នំពេញបានសន្យានោះ ពួកគេមិនបានអនុវត្តន៍ឡើយ
។ ដូច្នេះជាការរាំងស្ទះក្នុងការសម្រេចចិត្តរបស់ អ.ស.ប ទទួលបន្ទុក
ផ្នែកខាងជនភៀសខ្លួន ។
ក្នុងចំណោមជនភៀសខ្លួនខ្មែរក្រោមទាំងនោះ
គឺមានជនភៀសខ្លួនជាច្រើនដែលត្រូវបាន អាជ្ញាធរយួនចាប់ញាត់ពន្ធនាគារជាបន្តបន្ទាប់ផងដែរ
គេមិនបានកាត់ទោសតាមប្រព័ន្ធច្បាប់ ដោយសេរី និងយុត្តិធម៌ទេ ដូចជាករណី សកម្មជនដីធ្លី
ខ្មែរកម្ពុជាក្រោមម្នាក់ដែលធ្លាប់បានដឹកនាំបាតុកម្មប្រឆាំងនឹងរដ្ឋាភិបាលយួនពីការរំលោភយកដីធ្លី ត្រូវបានអាជ្ញាធរយួនកាត់ទោសឲ្យជាប់ពន្ធនាគារ ក្នុងនោះមានលោក វិញ
បា ជាកសិករខ្មែរក្រោមមួយរូបនៅខេត្តឃ្លាំង ដែលហ៊ានចេញមុខដឹកនាំខ្មែរក្រោមធ្វើការតវ៉ាទាមទាររឿងដីធ្លី
ដែលកុម្មុយនីស្តយួនរំលោភយកតាំងពីរ
ឆ្នាំ១៩៧៥ ។ ហើយត្រូវបាន ជាប់ពន្ធនាគាររយៈពេលពីរឆ្នាំ
។ ចំណែកឯ លោក ចៅ ហេន ត្រូវបានអាជ្ញាធរយួនចាប់ខ្លួន គឺបន្ទាប់ពីរូបគាត់ និងប្រពន្ធបានវិលត្រឡប់មកពីប្រទេសសៀមវិញ ក្រោយពីឧត្តមស្នងការអង្គការសហប្រជាជាតិទទួលបន្ទុកជនភៀសខ្លួនប្រចាំទីក្រុងបាងកក បានបដិសេធសិទ្ធិជ្រកកោន។ លោកចៅ ហេន គឺជាសកម្មជនខ្មែរកម្ពុជាក្រោមម្នាក់ដែលបានដឹកនាំពលរដ្ឋខ្មែរក្រោមនៅខេត្តមាត់ជ្រូកឲ្យក្រោកឡើងធ្វើការប្រឆាំងតវ៉ាទាមទារឲ្យអាជ្ញាធរយួនប្រគល់ដីធ្លីជាកេរដូនតាមកវិញ ដែលការនោះបានធ្វើឲ្យអាជ្ញាធរយួនចេញដីកាចាប់ខ្លួនរូបគាត់
ហើយរហូតមកដល់ពេលនេះ គេមិនដឹងថា លោកចៅហេន ស្លាប់ឬរស់ឡើយ ព្រោះស្ងាត់បាត់ដំណឹងសូន្យឈឹង
សូម្បីតែកូនៗ និងសាច់ញាតិរបស់គាត់ ក៏មិនបានដឹង ពីវាសនារបស់គាត់ដែរ។
បញ្ហាស្រដៀងនេះក៏បានកើតឡើង
នៅខែត្រព្រះត្រពាំង មានការរឹបអូសយកដីស្រែចម្ការ ពីប្រជាពលរដ្ឋខ្មែរក្រោម ដែលមានម្ចាស់ដីឈ្មោះអ្នកស្រី ត្រឹង ធីចូវ
រងការចាប់ខ្លួនតាំងពីឆ្នាំ២០១០ ជាប់ពន្ធនាគាររហូតមកដល់សព្វថ្ងៃ។ បញ្ហាខ្មែរកម្ពុជាក្រោមពិតជាស្មុកស្មាញណាស់
ព្រោះពុំមាន
អង្គការសង្គមស៊ីវិលណាមួយ មានវត្តមាននៅឯដែនដីកម្ពុជាក្រោមទេ ហេតុនេះហើយបានជាមិនមានក្រុមឯករាជ្យណាមួយចុះធ្វើការស៊ើបអង្កេតករណីរំលោភសិទ្ធិមនុស្សខ្មែរកម្ពុជាក្រោមនោះផងដែរ
។
លោក ថាច់ សុង
ជាជនភៀសខ្លួនខ្មែរក្រោមម្នាក់ក្នុងចំណោមជនភៀសខ្លួនខ្មែរក្រោម ៣០០នាក់ប្លាយ នៅទីក្រុងបាងកក
ប្រទេសសៀម បានថ្លែងប្រាប់ភ្នាក់ងារវិទ្យុសំឡេងសហគមព្រះសង្ឃខ្មែរកម្ពុជាក្រោមពិភពលោកថា៖
រូបខ្ញុំក៏ដូចជាជនភៀសខ្លួនខ្មែរក្រោមដទៃទៀតអញ្ចឹង! កុំពុងតែព្រួយបារម្ភពីវាសនា អនាគតរបស់កូនៗ
ដ្បិតពួកគេមិនបានចូលសាលារៀន នេះពិតជាលំបាកណាស់ បើចង់ថយក្រោយក៏ថយមិនបាន តែបើចង់ទៅមុខក៏ទៅមិនបាន
ដូច្នេះបណ្តោយខ្លួនផ្សងតាមព្រេងវាសនា ដល់ណាគិតដល់ហ្នឹង! ។
បច្ចុប្បន្ន មិនថាពលរដ្ឋខ្មែរក្រោមប៉ុណ្ណោះទេ
សូម្បីតែព្រះសង្ឃពុទ្ធសាសនា ដែលជាទីគោរពសក្ការៈរបស់ជនជាតិខ្មែរ ទូទាំងពិភពលោក
ក៏ត្រូវបានអាជ្ញាធរយួន តាមចាប់ខ្លួនដែរ ដ្បិតព្រះសង្ឃខ្មែរក្រោមទាំងនោះ បានចេញមុខប្រឆាំងតវ៉ា
នឹងភាពអយុត្តិធម៌ ដែលរដ្ឋាភិបាលយួន បានជិះជាន់ ធ្វើទុក្ខបុកម្នេញ ដល់ព្រះសង្ឃ
និងពលរដ្ឋខ្មែរក្រោមម្ចាស់ស្រុក៕
0 comments:
Post a Comment