(ថ្ងៃទី 18 មីនា 2012, ម៉ោង 09:34:AM) | ដោយ: រតនា
ភ្នំពេញ:លោករ៉ុងឈុនប្រធានក្រុមប្រឹក្សាឃ្លាំមើលកម្ពុជាប្រចាំនៅកម្ពុជាមាន
ផែនការស្វែងរកការអន្តរាគមន៍ពីសមាជិកសភាគណបក្សសមរង្ស៊ីឲ្យជួយ
ធ្វើការកោះហោះលោក
វ៉ាគឹមហុងប្រធានគណៈកម្មាធិការកិច្ចការព្រំដែនកម្ពុជាឲ្យចូលមក
ឆ្លើយបំភ្លឺចំពោះសភាជាតិ
ពាក់ពន្ធ័និងការចុះអនុស្សរណៈជាមួយប្រទេសវៀតណាមស្តីពីការដោះដូរ
ភូមិមួយចំនួនស្ថិតនៅតាមបណ្តោយព្រំដែនគោក ជាមួយនិងប្រទេស
វៀតណាមនោះ។
លោករ៉ុងឈុនបាននិយាយថា“ក្នុងនាមក្រុមប្រឹក្សាឃ្លាំមើកម្ពុជា
យើងមិនគាំទ្រទៅនឹងដំណើរការដោះដូរភូមិ របស់ពលរដ្ឋខ្មែរមួយចំនួន
នៅតាមបណ្តោយព្រំដែនជាមួយប្រទេសវៀតណាមនោះទេ ដោយសារតែ លោក វ៉ា គឹមហុង
បានលើកឡើងថា ភូមិមួយចំនួននោះ បារាំងគូសផែនទី
ចូលទៅក្នុងទឹកដីរបស់វៀតណាមតាំងពីសម័យបារាំងនោះជាការមិនត្រឹមត្រូវ
ទេ”។
លោក បានបន្តថា៖
បើយើងងាកទៅមើលប្រវត្តិសាស្ត្ររបស់ខ្មែរគឺមានទឹកដីធំធេងណាស់។
បើចង់មានការដោះដូរ
ដីភូមិមួយចំនួននៅតាមបណ្តោព្រំដែនជាមួយវៀតណាមនោះគណៈកម្មាធិការ
កិច្ចព្រំដែនរបស់រាជរដ្ឋាភិបាលត្រួវតែសុំការយល់ព្រមពីរដ្ឋសភាជាតិ
ជាមុនសិនមុននឹងសម្រេចបែបនេះ។លោកបានបន្ទោសថាការបោះបង្កោល
ព្រំដែនជាមួយប្រទេសវៀតណាមគឺធ្វើឲ្យបាត់បង់ទឹកដីខ្មែររួចទៅហើយដោយ
សារតែសន្ធិសញ្ញាបំពេញបន្ថែមជាមួយវៀតណាមឆ្នាំ១៩៨២.១៩៨៣.១៩៨៥ហើយ
វៀតណាមប្រើបាស់មាត្រដ្ឋាន១លើ៥០ពាន់ផ្ទុយនិងរដ្ឋធម្មនុញ្ញកម្ពុជា
។
លោកឈុនបានបន្តថា នេះជាបញ្ហាជាតិ
ដូច្នេះក្រុមប្រឹក្សាឃ្លាំមើលកម្ពុជា
នឹងមានគំរោងធ្វើលិខិតជូនសមាជិកសភា គណបក្សប្រឆាំងនិងសមាជិកសភា
ដទៃទៀតដែលស្រឡាញ់ទឹកដី ឲ្យរួមគ្នាធ្វើលិខិតកោះហៅ លោកវ៉ា គឹមហុង
ប្រធានគណៈកម្មាធិការកិច្ចការព្រំដែនរាជរដ្ឋាភិបាលឲ្យចូលមកឆ្លើយ
បំភ្លឺចំពោះមុខសភាជាតិលើករណី ចុះអនុស្សរណៈជាមួយវៀតណាម
ដោះដូរដីភូមិនៅតាមបណ្តោយព្រំដែន ជាមួយប្រទេសវៀតណាមនោះ។ លោក
បញ្ជាក់ថាលិខិតនោះ លោកនឹងដាក់ជូន ក្រុមសមាជិកសភា គណបក្សសមរង្ស៊ី
នៅសបា្តហ៍ក្រោយ។
លោក យឹម សុវណ្ណ អ្នកនាំពាក្យគណបក្សសមរង្ស៊ី
ដែល លោក រ៉ុង ឈុន គ្រោងនឹងពឹងពាក់នោះ មិនបានលើកទូរសព្ទ័ទេ
ទោះបីជាទូរសព្ទ័ រោទិ៍ជា ច្រើលើក នៅតែគ្មានអ្នកទទួល។
លោក វ៉ា គឹមហុង នៅពេលនេះមិនអាចទាក់ទង សុំការបំភ្លឺបានទេ។
ក៏ប៉ុន្តែលោក ធ្លាប់បានមានប្រសាសន៍ ប្រាប់សារព័ត៌មានក្នុងស្រុកថា
កិច្ចការព្រំដែននេះ លោកបានឆ្លងការយល់ព្រមពីសភាជាតិ រួចហើយ។
សូមបញ្ជាក់ថាៈកាលពីថ្ងៃទី១៤ ខែមីនា ឆ្នាំ២០១២ លោកទេសរដ្ឋមន្ត្រី វ៉ា
គឹមហុង បានចុះ កិច្ចព្រមព្រៀង លើការអនុវត្តអនុស្សារណៈ យោគយល់គ្នា
ឆ្នាំ២០១១ ស្តីពីការ
ផ្លាស់ប្តូរដីមួយចំនួននៅតាមបណ្តោយព្រំដែនរវាងប្រទេសទាំងពីរ
(កម្ពុជានិងវៀតណាម)។ ពាក់ពន្ធ័និងករណីនេះ លោកទេសរដ្ឋមន្ត្រី
បានពន្យលថា ដូចជាភូមិខ្លះ របស់ពលរដ្ឋខ្មែរ នៅក្នុងដីវៀតណាម
តាំងពីជំនាន់បារាំងមក
បើយើងចង់ទុកភូមិនោះឲ្យបងប្អូនខ្មែរយើងនៅដដែលឥឡូវវៀតណាមឯកភាព
ឲ្យដូរគ្នាទៅវិញទៅមកដើម្បីឲ្យបងប្អូនពលរដ្ឋខ្មែរយើងនៅកន្លែងនោះ
ដដែល។
ឧទាហរណ៍ ភូមិសម្តេចអគ្គមហាពញាចក្រី ហេង សំរិន
គឺភូមិថ្លុកត្រាច (ស្រុកពញាក្រែក ខេត្តកំពង់ចាម)
បារាំងគូសផែនទីចូលទៅក្នុង ទឹកដីវៀតណាម មិនមែន
ស្ថិតនៅក្នុងទឹកដីខ្មែរយើងទេ ឥឡូវទាមទារបានមកកម្ពុជាវិញហើយ
តែយើត្រូវរកដីដោះដូរ ឲ្យទៅវៀតណាមវិញ នៅខេត្តកំពង់ចាម ច្រើនជាងគេ
ការដោះដូរ ហើយនៅខេត្តតាកែវក៏អីចឹងដែរ
ភាគច្រើនពលរដ្ឋខ្មែរចូលទៅធ្វើស្រែ ហួសខ្សែព្រំដែន កម្ពុជាយើង។
លោកទេសរដ្ឋមន្ត្រី វ៉ា គឹមហុង បានបន្តថាៈ
“វៀតណាមក៏មានចូលមកខាងយើងខ្លះដែរ អីចឹងចូលចេញទៅវិញទៅមក
ដើម្បីនឹងឲ្យប្រជាជនយើងលោក រក្សាបាននៅស្រែចំការភូមិករ
របស់លោកតទៅទៀត យើងក៏ធ្វើអនុស្សរណៈ យោគយល់គ្នាដើម្បីសំរួលការរស់នៅ
របស់ប្រជាជនយើង កុំឲ្យមានការ ពិបាក រុះរើផ្ទះសម្បែង
បាត់បង់ដីស្រែចំការ សម្រាប់ធ្វើកសិកម្មចិញ្ចឹមជីវិត។
ជាគោលការណ៍យើងបានឯកភាពគ្នា លើគោលការណ៍មួយចំនួន
ដើម្បីដោះស្រាយបញ្ហារាំងស្ទះមួយចំនួន”។ ហើយខាងវៀតណាម ក៏អីចឹងដែរ
បើចង់បានដីដែលចូលក្នុងដីខ្មែរយើងវៀតណាមត្រូវរកដីមកសងឲ្យខ្មែរ
វិញបើមិនអីចឹងទេឲ្យដីនោះមកខ្មែរមក។
លោកបានបន្តថាៈ
សម្តេចតេជោ បានអនុញ្ញាតឲ្យយក យន្តការនេះ ដើម្បីដោះស្រាយបញ្ហា
ដែលនៅរាំងស្ទះ នៅតាមបណ្តោយព្រំដែន
ប្រទេសទាំងពីរពីព្រោះនេះជាបញ្ហាធំណាស់។ចំពោះខេត្តដែលមានបញ្ហា
ស្មុគស្មាញច្រើនជាងគេគឺខេត្តកំពង់ចាម.ស្វាយរៀង.ព្រៃវែង.តាកែវ.
កំពត.៕
0 comments:
Post a Comment