ថ្ងៃទី 21
មេសា 2012, ម៉ោង 07:49:AM)
ដោយ: សុខ ភក្តី CEN
 |
|
‹‹គ្មានលុយ គ្មានយុត្តិធម៌ ›› ពលការិនី ប៊ុត ចិន្តា ដែលរងរបួស
ដោយគ្រាប់កាំភ្លើងរបស់លោកឈូកបណ្ឌិត ក្នុងចំណោមកម្មការិនី
រងរបួសធ្ងន់ ៣ នាក់ ( រូបថត៖ គណបក្សសមរង្ស៊ី )
|
ភ្នំពេញ: គណបក្សសមរង្ស៊ី បានផ្សព្វផ្សាយនូវអត្ថបទមួយ
ដែលមានចំណងជើងថា "តាមរយៈសេរីភាពរបស់ ឈូក បណ្ឌិត លោកនាយករដ្ឋមន្ត្រី
មិនអាចប្រកែកបានទេ ចំពោះបញ្ហានិទណ្ឌភាព និងបក្ខពួកនិយម"។
អត្ថបទនោះ គឺគណបក្សសមរង្ស៊ី បានវាយប្រហាររដ្ឋាភិបាល
ដោយសារតែព្រះរាជអាជ្ញាតុលាការខេត្តស្វាយរៀង
ចោទប្រកាន់ស្រាលពេកលើអតីតអភិបាលក្រុងបាវិត លោក ឈូក បណ្ឌិត
ដែលបានបាញ់ស្ត្រីកម្មកររោងចក្រកាត់ដេរឲ្យរបួសធ្ងន់ ៣ នាក់
កាលពីថ្ងៃទី២០កុម្ភៈ ឆ្នាំ២០១២។
គណបក្សសមរង្ស៊ី លើកឡើងថា រហូតមកទល់ពេលនេះ មានរយៈពេល ២ខែហើយ ដែលលោក ឈូក បណ្ឌិត ជនដៃដល់បាញ់កម្មករនៅក្រុងបាវិត នៅតែរួចខ្លួន មានសេរីភាពក្រៅសំណាញ់ច្បាប់ បើទោះបីជាមានការអះអាងពីពិរុទ្ធភាពរបស់លោក ដោយក្រុមកម្មកររាប់ពាន់នាក់ រួមទាំងក្រសួងមហាផ្ទៃផងដែរនោះ។
គណបក្សសមរង្ស៊ី លើកឡើងថា "វាពិតជាចម្លែកណាស់ ដែលការដឹកនាំប្រទេសមួយ បានអួតអាងពីការអនុវត្តច្បាប់ត្រឹមត្រូវ ប៉ុន្តែជនឧក្រិដ្ឋមួយចំនួន ដែលមានខ្នងបង្អែកធំៗ ឬជាមន្ត្រីធំៗក្នុងជួររបស់គណបក្សកាន់អំណាចសព្វថ្ងៃនៅតែរួចខ្លួន មិនត្រូវបានដាក់ទោសដោយច្បាប់។ លើសពីនេះ មនុស្សមួយចំនួនទៀតនៅពេលបានរកឃើញកំហុស មិនត្រឹមតែមិនដាក់ទោស ប៉ុន្តែបែរជាបានដំឡើងឋានៈឲ្យកាន់តែខ្ពស់ទៅវិញ"។
គណបក្ស សមរង្ស៊ី ក៏បានលើកឡើងថា "លោកឈូក បណ្ឌិត បើតាមការអះអាងពីក្រុងបាវិត ថាលោកមានទំនាក់ទំនងជិតស្និទ្ធជាមួយមន្ត្រីជាន់ខ្ពស់មួយរូបក្នុងជួរ រដ្ឋាភិបាលសព្វថ្ងៃ ម្យ៉ាងទៀតក៏ជាសកម្មជនឆ្នើមរបស់គណបក្សប្រជាជនកម្ពុជាក្នុងក្រុង បាវិតផងដែរ។ ដូច្នេះហើយទើបសូម្បីតែលោកនាយករដ្ឋមន្ត្រីក៏មិនដាច់ចិត្តចាប់លោក ដាក់ទោស រីឯឧបនាយករដ្ឋមន្ត្រីស ខេង ក៏មិនហ៊ានធ្វើឲ្យមានការឆ្គាំឆ្គងនោះដែរ"។
គណបក្សប្រឆាំង ក៏បានបន្តថា គេនៅចាំបានថា កាលពីពេលកន្លងមក មានការបាញ់ប្រជាពលរដ្ឋតវ៉ាក្នុងជម្លោះដីធ្លី នៅស្រុកស្នួល ខេត្តក្រចេះ ប៉ុន្មានថ្ងៃក្រោយមកលោកនាយករដ្ឋមន្ត្រី បានធ្វើជាចេញមុខមកតវ៉ាបញ្ជាឲ្យចាប់ជនដៃដល់មកដាក់ទោសឲ្យទាល់តែ បាន។ បើប្រៀបធៀបស្ថានភាពជនដៃដល់ដែលបាញ់ពលរដ្ឋនៅស្នួលខេត្តក្រចេះ និងជនដៃដល់បាញ់កម្មករនៅក្រុងបាវិត។ នៅស្នួល អ្នកបាញ់គឺជាសន្តិសុខស៊ីឈ្នួលតូចតាចរបស់ក្រុមហ៊ុនសម្បទាន។ មានន័យថាជាប្រជាពលរដ្ឋសាមញ្ញ ដែលគ្មានបុណ្យសក្ដិ គ្មានខ្នងបង្អែក ទើបត្រូវបាននាយករដ្ឋមន្ត្រីអន្តរាគមន៍ចាប់ខ្លួនមកដាក់ទោស។ រីឯជនដៃដល់នៅក្រុងបាវិត ជាមន្ត្រីសកម្មរបស់គណបក្សកាន់អំណាច ជាអភិបាលក្រុង និងមានខ្នងបង្អែកជាមួយមន្ត្រីជាន់ខ្ពស់របស់រដ្ឋាភិបាល ទើបលោកនៅតែរួចខ្លួន។ ផ្ទុយទៅវិញ បើប្រៀបធៀបបញ្ច្រាសពីនេះ ករណីអ្នកបាញ់កម្មករនៅក្រុងបាវិត ជាមន្ត្រីប៉ូលិសតូចតាច ឬជាសន្តិសុខក្រុមហ៊ុននោះនឹងត្រូវបានចាប់ខ្លួនយកមកដាក់ទោស បើទោះបីជាគ្មានបញ្ជាពីនាយករដ្ឋមន្ត្រី។ ចំណែកឯអ្នកបាញ់ពលរដ្ឋនៅស្នួល ខេត្តក្រចេះ បើជាមន្ត្រីអភិបាលស្រុក ឬខេត្ត ឬអ្នកដែលមានខ្នងបង្អែកជាមួយមន្ត្រីធំៗ នោះពួកគេនឹងមានសេរីភាពដូចគ្នា។
គណបក្សប្រឆាំង ក៏បានបន្តលើកឡើងថា "ដូចនេះ តើការអនុវត្តច្បាប់ ត្រូវបានធ្វើឡើងចំពោះតែក្រុមប្រជាពលរដ្ឋដែលមានឋានៈតូចតាច គ្មានខ្នងបង្អែកឬយ៉ាងណា? លោកនាយករដ្ឋមន្ត្រី មិនអាចប្រកែកបានទេពីបញ្ហាបក្ខពួក ដែលនាំឲ្យមាននិទណ្ឌភាព ក្រោមការដឹកនាំរបស់លោកសព្វថ្ងៃនេះទេ បើគ្មានវិធានការលើលោកឈូក បណ្ឌិត ជនដៃដល់បាញ់កម្មករនៅក្រុងបាវិត?"។
ជា ការកត់សម្គាល់ លោក ហ៊ីង ប៊ុនជា ព្រះរាជអាជ្ញាតុលាការខេត្តស្វាយរៀង បានចោទប្រកាន់ជាផ្លូវការលើលោកឈូក បណ្ឌិត អតីតអភិបាលក្រុងបាវិត ត្រឹមតែបទល្មើសមជ្ឈិម ពីបទបង្ករបួសស្នាមដោយអចេតនា ក្នុងសំណុំរឿងបាញ់ស្ត្រីកម្មកររោងចក្រកាត់ដេរ ៣ នាក់ នៅក្នុងព្រឹត្តិការណ៍តវ៉ានៅរោងចក្រកាត់ដេរ កៅវ៉េ កាលពីព្រឹកថ្ងៃទី២០ ខែកុម្ភៈ ឆ្នាំ២០១២។ ក៏ប៉ុន្តែលោកឈូក បណ្ឌិត មិនត្រូវបានចាប់ឃុំខ្លួនទេ។
ការចោទប្រកាន់ដោយសម្រាលទោសលោក ឈូក បណ្ឌិតដូច្នេះ ត្រូវបានមេដឹកនាំសហជីពកម្មករ និងសកម្មជនអង្គការសិទ្ធិមនុស្ស រិះគន់ ព្រមទាំងព្រមានធ្វើបាតុកម្ម ប្រឆាំងនឹងតុលាការខេត្តស្វាយរៀងផងដែរ៕ S
គណបក្សសមរង្ស៊ី លើកឡើងថា រហូតមកទល់ពេលនេះ មានរយៈពេល ២ខែហើយ ដែលលោក ឈូក បណ្ឌិត ជនដៃដល់បាញ់កម្មករនៅក្រុងបាវិត នៅតែរួចខ្លួន មានសេរីភាពក្រៅសំណាញ់ច្បាប់ បើទោះបីជាមានការអះអាងពីពិរុទ្ធភាពរបស់លោក ដោយក្រុមកម្មកររាប់ពាន់នាក់ រួមទាំងក្រសួងមហាផ្ទៃផងដែរនោះ។
គណបក្សសមរង្ស៊ី លើកឡើងថា "វាពិតជាចម្លែកណាស់ ដែលការដឹកនាំប្រទេសមួយ បានអួតអាងពីការអនុវត្តច្បាប់ត្រឹមត្រូវ ប៉ុន្តែជនឧក្រិដ្ឋមួយចំនួន ដែលមានខ្នងបង្អែកធំៗ ឬជាមន្ត្រីធំៗក្នុងជួររបស់គណបក្សកាន់អំណាចសព្វថ្ងៃនៅតែរួចខ្លួន មិនត្រូវបានដាក់ទោសដោយច្បាប់។ លើសពីនេះ មនុស្សមួយចំនួនទៀតនៅពេលបានរកឃើញកំហុស មិនត្រឹមតែមិនដាក់ទោស ប៉ុន្តែបែរជាបានដំឡើងឋានៈឲ្យកាន់តែខ្ពស់ទៅវិញ"។
គណបក្ស សមរង្ស៊ី ក៏បានលើកឡើងថា "លោកឈូក បណ្ឌិត បើតាមការអះអាងពីក្រុងបាវិត ថាលោកមានទំនាក់ទំនងជិតស្និទ្ធជាមួយមន្ត្រីជាន់ខ្ពស់មួយរូបក្នុងជួរ រដ្ឋាភិបាលសព្វថ្ងៃ ម្យ៉ាងទៀតក៏ជាសកម្មជនឆ្នើមរបស់គណបក្សប្រជាជនកម្ពុជាក្នុងក្រុង បាវិតផងដែរ។ ដូច្នេះហើយទើបសូម្បីតែលោកនាយករដ្ឋមន្ត្រីក៏មិនដាច់ចិត្តចាប់លោក ដាក់ទោស រីឯឧបនាយករដ្ឋមន្ត្រីស ខេង ក៏មិនហ៊ានធ្វើឲ្យមានការឆ្គាំឆ្គងនោះដែរ"។
គណបក្សប្រឆាំង ក៏បានបន្តថា គេនៅចាំបានថា កាលពីពេលកន្លងមក មានការបាញ់ប្រជាពលរដ្ឋតវ៉ាក្នុងជម្លោះដីធ្លី នៅស្រុកស្នួល ខេត្តក្រចេះ ប៉ុន្មានថ្ងៃក្រោយមកលោកនាយករដ្ឋមន្ត្រី បានធ្វើជាចេញមុខមកតវ៉ាបញ្ជាឲ្យចាប់ជនដៃដល់មកដាក់ទោសឲ្យទាល់តែ បាន។ បើប្រៀបធៀបស្ថានភាពជនដៃដល់ដែលបាញ់ពលរដ្ឋនៅស្នួលខេត្តក្រចេះ និងជនដៃដល់បាញ់កម្មករនៅក្រុងបាវិត។ នៅស្នួល អ្នកបាញ់គឺជាសន្តិសុខស៊ីឈ្នួលតូចតាចរបស់ក្រុមហ៊ុនសម្បទាន។ មានន័យថាជាប្រជាពលរដ្ឋសាមញ្ញ ដែលគ្មានបុណ្យសក្ដិ គ្មានខ្នងបង្អែក ទើបត្រូវបាននាយករដ្ឋមន្ត្រីអន្តរាគមន៍ចាប់ខ្លួនមកដាក់ទោស។ រីឯជនដៃដល់នៅក្រុងបាវិត ជាមន្ត្រីសកម្មរបស់គណបក្សកាន់អំណាច ជាអភិបាលក្រុង និងមានខ្នងបង្អែកជាមួយមន្ត្រីជាន់ខ្ពស់របស់រដ្ឋាភិបាល ទើបលោកនៅតែរួចខ្លួន។ ផ្ទុយទៅវិញ បើប្រៀបធៀបបញ្ច្រាសពីនេះ ករណីអ្នកបាញ់កម្មករនៅក្រុងបាវិត ជាមន្ត្រីប៉ូលិសតូចតាច ឬជាសន្តិសុខក្រុមហ៊ុននោះនឹងត្រូវបានចាប់ខ្លួនយកមកដាក់ទោស បើទោះបីជាគ្មានបញ្ជាពីនាយករដ្ឋមន្ត្រី។ ចំណែកឯអ្នកបាញ់ពលរដ្ឋនៅស្នួល ខេត្តក្រចេះ បើជាមន្ត្រីអភិបាលស្រុក ឬខេត្ត ឬអ្នកដែលមានខ្នងបង្អែកជាមួយមន្ត្រីធំៗ នោះពួកគេនឹងមានសេរីភាពដូចគ្នា។
គណបក្សប្រឆាំង ក៏បានបន្តលើកឡើងថា "ដូចនេះ តើការអនុវត្តច្បាប់ ត្រូវបានធ្វើឡើងចំពោះតែក្រុមប្រជាពលរដ្ឋដែលមានឋានៈតូចតាច គ្មានខ្នងបង្អែកឬយ៉ាងណា? លោកនាយករដ្ឋមន្ត្រី មិនអាចប្រកែកបានទេពីបញ្ហាបក្ខពួក ដែលនាំឲ្យមាននិទណ្ឌភាព ក្រោមការដឹកនាំរបស់លោកសព្វថ្ងៃនេះទេ បើគ្មានវិធានការលើលោកឈូក បណ្ឌិត ជនដៃដល់បាញ់កម្មករនៅក្រុងបាវិត?"។
ជា ការកត់សម្គាល់ លោក ហ៊ីង ប៊ុនជា ព្រះរាជអាជ្ញាតុលាការខេត្តស្វាយរៀង បានចោទប្រកាន់ជាផ្លូវការលើលោកឈូក បណ្ឌិត អតីតអភិបាលក្រុងបាវិត ត្រឹមតែបទល្មើសមជ្ឈិម ពីបទបង្ករបួសស្នាមដោយអចេតនា ក្នុងសំណុំរឿងបាញ់ស្ត្រីកម្មកររោងចក្រកាត់ដេរ ៣ នាក់ នៅក្នុងព្រឹត្តិការណ៍តវ៉ានៅរោងចក្រកាត់ដេរ កៅវ៉េ កាលពីព្រឹកថ្ងៃទី២០ ខែកុម្ភៈ ឆ្នាំ២០១២។ ក៏ប៉ុន្តែលោកឈូក បណ្ឌិត មិនត្រូវបានចាប់ឃុំខ្លួនទេ។
ការចោទប្រកាន់ដោយសម្រាលទោសលោក ឈូក បណ្ឌិតដូច្នេះ ត្រូវបានមេដឹកនាំសហជីពកម្មករ និងសកម្មជនអង្គការសិទ្ធិមនុស្ស រិះគន់ ព្រមទាំងព្រមានធ្វើបាតុកម្ម ប្រឆាំងនឹងតុលាការខេត្តស្វាយរៀងផងដែរ៕ S
0 comments:
Post a Comment