ថ្ងៃទី 21
មេសា 2012, ម៉ោង 05:50:PM
ដោយ: មុនីរ័ត្ន /CEN
.jpg)
ភ្នំពេញ:
ឧក្រិដ្ឋជនដៃឆៅ ហង្ស វុទ្ធី ហៅ យមរាជ ឬទិវា១៦
អតីតនាយរងការិយាល័យព្រហ្មទណ្ឌកម្រិតស្រាល
នៃស្នងការដ្ឋាននគរបាលរាជធានីភ្នំពេញ
ដែលបានហែកគុករត់ចេញពីពន្ធនាគារព្រៃស កាលពីឆ្នាំ២០០៧
ហើយបានបង្ហាញមុខសារភាព នៅស្នាក់ការអង្គការ លីកាដូ
កាលពីរសៀលថ្ងៃទី២០ មេសា ឆ្នាំ២០១២
ត្រូវបានបញ្ជូនទៅចូលគុកព្រៃសវិញហើយ កាលពីថ្ងៃទី២១ ខែមេសា
ឆ្នាំ២០១២។
ការបញ្ជូនឧក្រិដ្ឋជន ជាអតីតប៉ូលិស ដែលជាកូនចៅរបស់លោកហេងពៅ ទៅកាន់ពន្ធនាគារព្រៃស គឺបន្ទាប់ពីលោក លី សុផាណា ព្រះរាជអាជ្ញារង សាលាដំបូងរាជធានីភ្នំពេញ បានសាកសួរអំពីដំណើររឿងហែកគុករត់ចេញ ដែលលោក ហង្ស វុទ្ធី បានធ្វើជាមួយនឹងក្រុមចោរ កាលពីឆ្នាំ២០០៦។
ឧក្រិដ្ឋជន ហង្ស វុទ្ធី ហៅ យមរាជ ឬទិវា១៦ ត្រូវបានអាជ្ញាធរមានសមត្ថកិច្ចនៃក្រសួងមហាផ្ទៃ បាននាំខ្លួនចេញពីអង្គការ លីកាដូ កាលពីរសៀលថ្ងៃទី២០ ខែមេសា ឆ្នាំ២០១២ បន្ទាប់ពីឧក្រិដ្ឋជនរូបនេះ បានសម្រេចចិត្តបង្ហាញខ្លួន ដើម្បីសារភាព និងអោយប្រគល់ខ្លួនអោយសមត្ថកិច្ច ដោយមានមេធាវីការពារក្តីនៅជាមួយផងដែរនោះ ដើម្បីអោយតុលាការសើរើសំណុំរឿងក្តីរបស់ខ្លួនឡើងវិញ។
លោក កៅ ស៊ូផា មេធាវីការពារក្តីអោយឧក្រិដ្ឋជន ហង្ស វុទ្ធី ហៅ យមរាជ ឬទិវា១៦ បានអោយដឹងនៅរសៀលថ្ងៃទី២១ មេសា ថា ចំពោះករណី កូនក្តីរបស់លោក ដែលត្រូវបានបញ្ជូនមកកាន់សាលាដំបូងរាជធានីភ្នំពេញ កាលពីព្រឹកថ្ងៃទី២១មេសា លោកព្រះរាជអាជ្ញារង លី សុផាណា មិនបានសាកសួរអ្វីច្រើនទេ គ្រាន់តែសួរអំពីដំណើររឿងដែលរត់ចេញពីគុក និងបានសាកសួរពាក់ព័ន្ធ ដែលតុលាការសម្រេចសេចក្តីតើកូនក្តីរបស់លោក ( ហង្ស វុទ្ធី ហៅ យមរាជ ) បានដឹងឬមិនដឹង អំពីការផ្តន្ទាទោស ក្នុងពេលកន្លងមក។ ការសម្រេចសេចក្តីផ្តន្ទាទោស ក្នុងសំណុំរឿងឧក្រិដ្ឋជាច្រើន ជាមួយលោកហេងពៅនោះ គឺកូនក្តីរបស់លោក មិនបានដឹងទេ។
លោកមេធាវី កៅ ស៊ូផា បានបន្តថា “ចំពោះរឿង ដែលផ្តន្ទាទោសគាត់ហ្នឹង (ហង្សវុទ្ធី) គឺគាត់សំណូមពរ អោយតុលាការជូនដំណឹងគាត់ ទៅតាមផ្លូវច្បាប់ អំពីរឿងចោទប្រកាន់ និងអំពីរឿងផ្តន្ទាទោស ទៅដល់រូបគាត់”។
ទាក់ទងទៅនិងការសំណូមពររបស់លោក ហង្ស វុទ្ធី ត្រូវបានលោក កៅស៊ូផា លើកឡើងថា ខាងតុលាការ គេនឹងជូនដំណឹងពេលក្រោយ ប៉ុន្តែវិធានការបណ្តោះអាសន្ន គឺគេត្រូវបញ្ជូនខ្លួនកូនក្តីលោក ទៅកាន់ពន្ធនាគារវិញព្រៃសវិញ។
កន្លងមកតុលាការ មិនដែលបានជូនដំណឹងដល់លោក ហង្ស វុទ្ធី អំពីការសម្រេចផ្តន្ទាទោស ដោយសារតែគេយល់ថា លោក ហង្ស វុទ្ធី បានរត់ចេញពីគុក និងអាចយល់ថា គាត់ ( យមរាជ ) បានស្លាប់បាត់ទៅហើយ។ ដល់ពេលលោក ហង្ស វុទ្ធី ត្រឡប់មកវិញ តុលាការត្រូវតែបំពេញនីតិវិធីនេះ អោយបានត្រឹមត្រូវតាមផ្លូវច្បាប់ ទៅដល់លោក ហង្ស វុទ្ធី។
មេធាវីការពារក្តីអោយ ហង្ស វុទ្ធី ហៅយមរាជ បានលើកឡើងថា ចំពោះរឿងលោក ហង្ស វុទ្ធី ដែលចូលសារភាព គឺនឹងត្រូវសើរើឡើងវិញរឿង ដែលតុលាការចោទប្រកាន់ និងកាត់ទោសកំបាំងមុខ ហើយរឿងថា លោក ហង្ស វុទ្ធី រត់ចេញពីពន្ធនាគារ ក៏ត្រូវតុលាការធ្វើការកាត់ក្តីឡើងវិញ ធ្វើការស៊ើបអង្កេតឡើងវិញ។ ចំណែករឿងក្តីដទៃទៀត ក៏យ៉ាងដូច្នេះដែរ គឺត្រូវការការក្តីឡើងវិញ។
ប៉ុន្តែបើសិនជាគោលការណ៍ទូទៅ ចំពោះការរស់នៅក្នុងពន្ធនាគារវិញ បើសិនជាមានអ្នករត់ចេញ ហើយចូលវិញ ដើម្បីមកតទល់គ្នា ចំពោះមុខច្បាប់ ចំពោះនីតិវិធីពន្ធនាគារ លោកជឿថា ប្រហែលជាគេអោយកូនក្តីរបស់លោក ( យមរាជ ) រស់នៅអោយសមរម្យជាងអ្នកដទៃ។
មជ្ឈដ្ឋានទូទៅ កំពុងតែមានចម្ងល់ថា តើមូលហេតុអ្វីបានជាឧក្រិដ្ឋជន ហង្ស វុទ្ធី ហៅ យមរាជ ចេញមកបង្ហាញខ្លួន ដើម្បីសារភាព ហើយប្រគល់ខ្លួន អោយអាជ្ញាធរមានសមត្ថកិច្ចទៅវិញ បន្ទាប់ពីលាក់ខ្លួនអស់រយៈពេលប្រមាណ ៦ឆ្នាំ?
មហាជនក៏បានចោទសួរថា តើមានអ្វីនៅពីក្រោយខ្នង ឬក៏អាថ៌កំបាំងអ្វី នៃការចូលខ្លួនសារភាពរបស់ យមរាជ?
ឧក្រិដ្ឋជន ហង្ស វុទ្ធី ហៅយមរាជ បាននិយាយមុនពេលប្រគល់ខ្លួន អោយសមត្ថកិច្ចថា ខ្លួនមិនបានហែកគុករត់ទេ គឺដោយសារតែអ្នកទោសផ្សេងទៀត គំរាមសម្លាប់ខ្លួន ទើបសម្រេចចិត្ត ចេញទៅជាមួយគេ។ លោក ហង្ស វុទ្ធី បានអះអាងថា ខ្លួនមិនបានបាញ់សម្លាប់ លោក សុក សេដ្ឋាមុនី អតីតចៅក្រម និងការប៉ុនប៉ង់សម្លាប់ លោកនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស ដែលមានជម្លោះជាមួយនឹងលោក ហេងពៅ កាលពីនៅកាន់អំណាច ជាស្នងការប៉ូលិសនោះឡើយ។
ចំណែកការសម្រេចចិត្ត ចេញមកសារភាពពេលនេះ គឺលោកហង្ស វុទ្ធី អះអាងថា មិនមាននរណាលួងលោម ឬបង្ខំទេ។ ការចេញមកសារភាពនេះ ដោយសារលោកយល់ថា មិនបានធ្វើអ្វីខុស ហើយមករកការពិត។ ម្យ៉ាងទៀតមូលហេតុ ដែលខ្លួនមិនព្រមចេញមកសារភាព បន្ទាប់ពីរត់ចេញពីគុកព្រៃស កាលពីថ្ងៃទី១១ ខែមិថុនា ឆ្នាំ២០០៦ ដោយសារតែខ្លាចពីសុវត្ថិភាពផ្ទាល់ខ្លួន៕
ការបញ្ជូនឧក្រិដ្ឋជន ជាអតីតប៉ូលិស ដែលជាកូនចៅរបស់លោកហេងពៅ ទៅកាន់ពន្ធនាគារព្រៃស គឺបន្ទាប់ពីលោក លី សុផាណា ព្រះរាជអាជ្ញារង សាលាដំបូងរាជធានីភ្នំពេញ បានសាកសួរអំពីដំណើររឿងហែកគុករត់ចេញ ដែលលោក ហង្ស វុទ្ធី បានធ្វើជាមួយនឹងក្រុមចោរ កាលពីឆ្នាំ២០០៦។
ឧក្រិដ្ឋជន ហង្ស វុទ្ធី ហៅ យមរាជ ឬទិវា១៦ ត្រូវបានអាជ្ញាធរមានសមត្ថកិច្ចនៃក្រសួងមហាផ្ទៃ បាននាំខ្លួនចេញពីអង្គការ លីកាដូ កាលពីរសៀលថ្ងៃទី២០ ខែមេសា ឆ្នាំ២០១២ បន្ទាប់ពីឧក្រិដ្ឋជនរូបនេះ បានសម្រេចចិត្តបង្ហាញខ្លួន ដើម្បីសារភាព និងអោយប្រគល់ខ្លួនអោយសមត្ថកិច្ច ដោយមានមេធាវីការពារក្តីនៅជាមួយផងដែរនោះ ដើម្បីអោយតុលាការសើរើសំណុំរឿងក្តីរបស់ខ្លួនឡើងវិញ។
លោក កៅ ស៊ូផា មេធាវីការពារក្តីអោយឧក្រិដ្ឋជន ហង្ស វុទ្ធី ហៅ យមរាជ ឬទិវា១៦ បានអោយដឹងនៅរសៀលថ្ងៃទី២១ មេសា ថា ចំពោះករណី កូនក្តីរបស់លោក ដែលត្រូវបានបញ្ជូនមកកាន់សាលាដំបូងរាជធានីភ្នំពេញ កាលពីព្រឹកថ្ងៃទី២១មេសា លោកព្រះរាជអាជ្ញារង លី សុផាណា មិនបានសាកសួរអ្វីច្រើនទេ គ្រាន់តែសួរអំពីដំណើររឿងដែលរត់ចេញពីគុក និងបានសាកសួរពាក់ព័ន្ធ ដែលតុលាការសម្រេចសេចក្តីតើកូនក្តីរបស់លោក ( ហង្ស វុទ្ធី ហៅ យមរាជ ) បានដឹងឬមិនដឹង អំពីការផ្តន្ទាទោស ក្នុងពេលកន្លងមក។ ការសម្រេចសេចក្តីផ្តន្ទាទោស ក្នុងសំណុំរឿងឧក្រិដ្ឋជាច្រើន ជាមួយលោកហេងពៅនោះ គឺកូនក្តីរបស់លោក មិនបានដឹងទេ។
លោកមេធាវី កៅ ស៊ូផា បានបន្តថា “ចំពោះរឿង ដែលផ្តន្ទាទោសគាត់ហ្នឹង (ហង្សវុទ្ធី) គឺគាត់សំណូមពរ អោយតុលាការជូនដំណឹងគាត់ ទៅតាមផ្លូវច្បាប់ អំពីរឿងចោទប្រកាន់ និងអំពីរឿងផ្តន្ទាទោស ទៅដល់រូបគាត់”។
ទាក់ទងទៅនិងការសំណូមពររបស់លោក ហង្ស វុទ្ធី ត្រូវបានលោក កៅស៊ូផា លើកឡើងថា ខាងតុលាការ គេនឹងជូនដំណឹងពេលក្រោយ ប៉ុន្តែវិធានការបណ្តោះអាសន្ន គឺគេត្រូវបញ្ជូនខ្លួនកូនក្តីលោក ទៅកាន់ពន្ធនាគារវិញព្រៃសវិញ។
កន្លងមកតុលាការ មិនដែលបានជូនដំណឹងដល់លោក ហង្ស វុទ្ធី អំពីការសម្រេចផ្តន្ទាទោស ដោយសារតែគេយល់ថា លោក ហង្ស វុទ្ធី បានរត់ចេញពីគុក និងអាចយល់ថា គាត់ ( យមរាជ ) បានស្លាប់បាត់ទៅហើយ។ ដល់ពេលលោក ហង្ស វុទ្ធី ត្រឡប់មកវិញ តុលាការត្រូវតែបំពេញនីតិវិធីនេះ អោយបានត្រឹមត្រូវតាមផ្លូវច្បាប់ ទៅដល់លោក ហង្ស វុទ្ធី។
មេធាវីការពារក្តីអោយ ហង្ស វុទ្ធី ហៅយមរាជ បានលើកឡើងថា ចំពោះរឿងលោក ហង្ស វុទ្ធី ដែលចូលសារភាព គឺនឹងត្រូវសើរើឡើងវិញរឿង ដែលតុលាការចោទប្រកាន់ និងកាត់ទោសកំបាំងមុខ ហើយរឿងថា លោក ហង្ស វុទ្ធី រត់ចេញពីពន្ធនាគារ ក៏ត្រូវតុលាការធ្វើការកាត់ក្តីឡើងវិញ ធ្វើការស៊ើបអង្កេតឡើងវិញ។ ចំណែករឿងក្តីដទៃទៀត ក៏យ៉ាងដូច្នេះដែរ គឺត្រូវការការក្តីឡើងវិញ។
ប៉ុន្តែបើសិនជាគោលការណ៍ទូទៅ ចំពោះការរស់នៅក្នុងពន្ធនាគារវិញ បើសិនជាមានអ្នករត់ចេញ ហើយចូលវិញ ដើម្បីមកតទល់គ្នា ចំពោះមុខច្បាប់ ចំពោះនីតិវិធីពន្ធនាគារ លោកជឿថា ប្រហែលជាគេអោយកូនក្តីរបស់លោក ( យមរាជ ) រស់នៅអោយសមរម្យជាងអ្នកដទៃ។
មជ្ឈដ្ឋានទូទៅ កំពុងតែមានចម្ងល់ថា តើមូលហេតុអ្វីបានជាឧក្រិដ្ឋជន ហង្ស វុទ្ធី ហៅ យមរាជ ចេញមកបង្ហាញខ្លួន ដើម្បីសារភាព ហើយប្រគល់ខ្លួន អោយអាជ្ញាធរមានសមត្ថកិច្ចទៅវិញ បន្ទាប់ពីលាក់ខ្លួនអស់រយៈពេលប្រមាណ ៦ឆ្នាំ?
មហាជនក៏បានចោទសួរថា តើមានអ្វីនៅពីក្រោយខ្នង ឬក៏អាថ៌កំបាំងអ្វី នៃការចូលខ្លួនសារភាពរបស់ យមរាជ?
ឧក្រិដ្ឋជន ហង្ស វុទ្ធី ហៅយមរាជ បាននិយាយមុនពេលប្រគល់ខ្លួន អោយសមត្ថកិច្ចថា ខ្លួនមិនបានហែកគុករត់ទេ គឺដោយសារតែអ្នកទោសផ្សេងទៀត គំរាមសម្លាប់ខ្លួន ទើបសម្រេចចិត្ត ចេញទៅជាមួយគេ។ លោក ហង្ស វុទ្ធី បានអះអាងថា ខ្លួនមិនបានបាញ់សម្លាប់ លោក សុក សេដ្ឋាមុនី អតីតចៅក្រម និងការប៉ុនប៉ង់សម្លាប់ លោកនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស ដែលមានជម្លោះជាមួយនឹងលោក ហេងពៅ កាលពីនៅកាន់អំណាច ជាស្នងការប៉ូលិសនោះឡើយ។
ចំណែកការសម្រេចចិត្ត ចេញមកសារភាពពេលនេះ គឺលោកហង្ស វុទ្ធី អះអាងថា មិនមាននរណាលួងលោម ឬបង្ខំទេ។ ការចេញមកសារភាពនេះ ដោយសារលោកយល់ថា មិនបានធ្វើអ្វីខុស ហើយមករកការពិត។ ម្យ៉ាងទៀតមូលហេតុ ដែលខ្លួនមិនព្រមចេញមកសារភាព បន្ទាប់ពីរត់ចេញពីគុកព្រៃស កាលពីថ្ងៃទី១១ ខែមិថុនា ឆ្នាំ២០០៦ ដោយសារតែខ្លាចពីសុវត្ថិភាពផ្ទាល់ខ្លួន៕
0 comments:
Post a Comment