ថ្ងៃអង្គារ ទី២៤ ខែមេសា ឆ្នាំ២០១២
ដោយ ៖ ស្រីណា កោះ
ខេត្តស្ទឹងត្រែង ៖
ស្ត្រី៣នាក់បងប្អូនបង្កើតក្នុងចំណោម៨គ្រួសារដែលភាគ
ច្រើនជាស្ត្រីមេម៉ាយបាននាំគ្នាប្រវាយប្រតប់ជាមួយសមត្ថកិច្ច
ទាំងកំហឹងឈឺចាប់រហូតឈានដល់ការទាញប៊ីដុងសាំង
ស្ទុះទៅចាក់ដុតគ្រឿងចក្រ ដោយចោទថា
អាជ្ញាធរសង្កាត់ព្រះបាទ និងអាជ្ញាធរក្រុងស្ទឹងត្រែង
បញ្ជាឱ្យគ្រឿងចក្រចូលទៅឈូសឆាយកាយគាស់យកអាចម៍ដីក្នុងបរិ
វេណដីរបស់ពួកគាត់ទៅលក់ តែខាងអាជ្ញាធរបានចោទថា
ក្រុមស្ត្រីទាំងនេះរំលោភយកដីរដ្ឋ ។
ហេតុការណ៍នេះ
បង្កជាកំហឹងឈានដល់ការរត់ទៅទិញប្រេងសាំងជិត៥លីត្រ
ដើម្បីជះដុតគ្រឿងចក្រឱ្យបញ្ឈប់សកម្មភាពគាស់កាយលើ
បរិវេណដីនោះទៀត ។
រឿងរ៉ាវនេះបានកើតឡើងនៅវេលាម៉ោង៨និង២០នាទីព្រឺកថ្ងៃទី
២២ មេសា ស្ថិតនៅចំណុចទួលក្រួស ភូមិប៉ាចុង
សង្កាត់ព្រះបាទ ក្រុងស្ទឹងត្រែង ។ ក្នុងហេតុការណ៍នេះ
គេបានឃើញវត្តមានលោកស្រីជំទប់ឃុំទី១
នគរបាលប៉ុស្តិ៍សង្កាត់ព្រះបាទ
នគរបាលនៃអធិការដ្ឋានក្រុងស្ទឹងត្រែង
និងសង្គមស៊ីវិលយ៉ាងព្រោងព្រាត ។
ស្ត្រីឈ្មោះ ម៉ែន ផូផង់
រួមនឹងស្ត្រីៗទាំងនោះបានស្រែកតវ៉ាថា
ពួកគាត់មានបងប្អូនដែលជាស្ត្រីច្រើនណាស់
ហើយមានតែដីប៉ុណ្ណឹងសម្រាប់ចែកគ្នារស់នៅ
តើមូលហេតុអ្វីក៏មកធ្វើបាបពួកគាត់ ។
ក្រុមគ្រួសារស្ត្រីមេម៉ាយទាំងនេះ
បានយកឯកសារសំណើកាន់កាប់ប្រើប្រាស់ដីធ្លីមួយដែលបោះត្រា
ទទួលស្គាល់ដោយលោក សិត គឹមតេង ចៅសង្កាត់ បច្ចុប្បន្ន និងលោក
ឯក សុផល េមភូមិបានចុះហត្ថេលខានៅថ្ងៃទី២៥ កុម្ភៈ
ឆ្នាំ១៩៩៧
ដែលក្នុងឯកសារបាននិយាយច្បាស់ទទួលស្គាល់ឱ្យលោក ម៉ែន
សារ៉េន ភេទប្រុស អាយុ៥៦ឆ្នាំ (ស្លាប់)
ត្រូវជាឪពុកក្រុមស្ត្រីទាំងនេះ
បានកាន់កាប់ប្រើប្រាស់លើផ្ទៃដីទទឹង២២០ម៉ែត្រ
បណ្តោយប្រវែង៦៥០ម៉ែត្រ
ចាប់តាំងពីឆ្នាំ១៩៨៦មកទល់នឹងបច្ចុប្បន្ន ។
ក្រុមគ្រួសារនេះ បញ្ជាក់ថា
កាលពីជំនាន់សុំធ្វើលិខិតកាន់កាប់ប្រើប្រាស់ដីធ្លី
លោកមេភូមិ និងមេឃុំបានប្រាប់ថា
ស៊ីញ៉េត្រឹមឃុំបានហើយមិនបាច់ទៅដល់ស្រុកទេ ។
លោក សិត គឹមតេង បានបញ្ជាក់ថា
ការចុះហត្ថលេខាលើការសុំកាន់កាប់ប្រើប្រាស់ដីធ្លីនោះ
គាត់ពិតជាបានស៊ីញ៉េពិតមែន តែដីទាំងនោះជាដីរបស់រដ្ឋ
ហើយដីនោះជាដីទួលសុវត្ថិភាពឃុំ ។ មានសំណួរចោទសួរថា
បើលោកមេឃុំដឹងថា ដីរដ្ឋ
និងជាដីសម្រាប់ទួលសុវត្ថិភាពឃុំចុះមូលហេតុអ្វីបានជាព្រម
ចុះហត្ថលេខាទទួលស្គាល់ឱ្យប្រជាពលរដ្ឋប្រើប្រាស់តាំងពី
ឆ្នាំ១៩៩៧ រហូតមក ។ លោកបន្តថា ការចុះអនុវត្តនេះ
គឹលោកបានចាត់តាំងឱ្យក្រុមប្រឹក្សាសង្កាត់ចុះទៅដោយយោង
តាមបញ្ជារបស់លោកអភិបាលក្រុង ។
ទាក់ទិននឹងបញ្ហាដីមួយប្លង់នេះ
គេសង្កេតឃើញមានបង្កាន់ដៃ៣សន្លឹកផ្សេងទៀតដែលលោកមេឃុំ
និងមេភូមិស៊ីញ៉េជាន់គ្នា ក្នុងនោះ
មានមន្ត្រីនគរបាលប៉ុស្តិ៍សង្កាត់ព្រះបាទមានលិខិតកាន់
កាប់ប្រើប្រាស់ដីធ្លីដែលមានទទឹងទំហំ២០ម៉ែត្រ
បណ្តោយ៥០ម៉ែត្ររួមជាមួយស្រ្តីម្នាក់ទៀតកាន់កាប់ទទឹងទំ
ហំ២០ម៉ែត្រ បណ្តោយ៥០ម៉ែត្រ
និងអតីតមន្ត្រីពន្ធនាគារខេត្តម្នាក់ទៀត
ក៏មានលិខិតកាន់កាប់ក្នុងផ្ទៃដីនេះដែរ
មានបណ្តោយ៥០ម៉ែត្រ ក្បាលដីប្រវែង២៧ម៉ែត្រ ។ លោកស្រី
ខាវ ចន្ទ្រា
ក្រុមប្រឹក្សាសង្កាត់ព្រះបាទបានឱ្យដឹងនៅកន្លែងកើតហេតុថា
លោកស្រីបញ្ជាឱ្យគ្រឿងចក្រកាយដីនេះតាមបញ្ជារបស់ខេត្ត
និងក្រុងដោយតម្រូវឱ្យឈូសឆាយសម្រាប់ធ្វើស្នាក់ការបក្ស
ប្រចាំសង្កាត់ព្រះបាទ
។ប្រជាជនក្នុងខេត្តជាច្រើនបាននិយាយថា លោកឡូយ សុផាត
អភិបាលខេត្តស្ទឹងត្រែងមិនដែលបញ្ជាឱ្យមន្ត្រីក្រោមឱវាទ
ទៅរុះរើដេញប្រជាពលរដ្ឋរបស់លោកមិនឱ្យរស់នៅលើដីខ្មែ
រទេ មានតែសង្គ្រោះប្រជាពលរដ្ឋដែលជួបគ្រោះថ្នាក់ ។ មិនដឹងថា
លោកស្រីក្រុមប្រឹក្សាបញ្ជាឱ្យគ្រឿងចក្រកាយយកអាចម៍ដីទៅ
ចាក់លប់អូរត្រពាំងរបស់ឯកជនតាមផ្ទះនេះធ្វើឡើងទាំង
បង្ខំឬយ៉ាងណាទេ ។
លោកផឹក សុបិន
អភិបាលក្រុងស្ទឹងត្រែងមិនបានបកស្រាយបំភ្លឺជុំវិញបញ្ហា
ទាំងនេះតាមទូរស័ព្ទបានទេព្រោះជាប់ប្រជុំ ។
ដោយសារតែមានការតវ៉ាយ៉ាងខ្លាំងក្លាពីស្ត្រី៣នាក់បងប្អូន
អាជ្ញាធរ និងសមត្ថកិច្ចបានដកថយទៅវិញមិនធ្វើសកម្មភាព ៕
0 comments:
Post a Comment