ដោយ ថុល ស្រីលក្ខណ៍ និង អ៊ឹង ប៊ុនថន
ថ្ងៃច័ន្ទ ទី23
មេសា ឆ្នាំ2012/ VOD
ស្នងការនគរបាលខេត្តកោះកុង អះអាងថា
ប៉ូលីសបានសាកសួរជំនួយការផ្ទាល់ម្នាក់របស់លោកនាយករដ្ឋមន្ត្រី
ហ៊ុន សែន ពាក់ព័ន្ធនឹងការបង្ករបួសស្នាម ដោយប្រើកាំភ្លើង ដំបងឆក់
និងខ្នោះដៃ វាយមនុស្ស ៤នាក់ឲ្យរបួស កាលពីយប់ថ្ងៃអាទិត្យ។
ស្នងការនគរបាលខេត្តកោះកុង លោក សំ ឃិតវៀន
មានប្រសាសន៍នៅរសៀលថ្ងៃច័ន្ទនេះថា លោកកំពុងសាកសួរ
អំពីមូលហេតុនៃការបង្កររបួសស្នាមនេះ។ លោកបន្តថា
បញ្ហានេះអាចជាការភ័ន្តច្រឡំ ថាជាករណីលួចគាស់បន្ទប់
ដោយសារជនរងគ្រោះដែលអះអាងថា
បានភ្លេចសំភារៈនៅក្នុងបន្ទប់សណ្ឋាគារនោះ
នាំគ្នាទៅគោះបន្ទប់របស់ជនដៃដល់នៅម៉ោងប្រហែល១១យប់ ៖”
ជនរងគ្រោះពេលថ្ងៃគាត់សំរាកក្នុងបន្ទប់ហ្នឹង អញ្ចឹងដល់ម៉ោង
១២ថ្ងៃត្រង់ គាត់ចេញទៅ គាត់បានបង់លុយបង់កាក់រួចហើយ
គាត់ភ្លេចយកសម្ភារៈមួយចំនួននៅក្នុងបន្ទប់ហ្នឹង
មិនទាន់មាននរណាយកចេញ។ ដឹងថា គាត់យកសម្ភារៈគាត់មិនទាន់អស់
ហើយគាត់បានប្រាប់ខាងសន្តិសុខ ខាង receptionist
អោយជួយបើកបន្ទប់ហ្នឹងគាត់យកឥវ៉ាន់គាត់
អញ្ចឹងទៅបានក្លាយជាមានបាតុភាពអញ្ចឹង”។
ស្តាប់សម្លេង៖
ទោះជាយ៉ាងណា លោក សំ ឃិតវៀន បញ្ជាក់ថា
លោកនឹងបញ្ជូនសំនុំរឿងនេះទៅតុលាការ
បន្ទាប់ពីបញ្ចប់ការសាកសួរ។
នៅរសៀលថ្ងៃច័ន្ទនេះ សំឡេងប្រជាធិបតេយ្យ
មិនអាចសុំការអធិប្បាយពីជនរងគ្រោះនិងជនដែលរងការចោទប្រកាន់នោះ
បាននៅឡើយទេ ដោយពួកគេកំពុងស្ថិតក្នុងការសាកសួរ។
តែប៉ូលីសបានឲ្យដឹងថា ជនបង្កហេតុនោះ
ជាជំនួយការផ្ទាល់លោកនាយករដ្ឋមន្ត្រី ហ៊ុន សែន ឈ្មោះ ប៊ុន សុខា
ឋានន្តរស័ក្តិ ផ្កាយពីរ និងអង្គរក្ស ៣-៤នាក់ទៀត
បានត្រូវសមត្ថកិច្ចនគរបាលខេត្តកោះកុង ឃាត់ខ្លួន
សាកសួរនៅការិយាល័យព្រហ្មទណ្ឌខេត្តកោះកុង នៅថ្ងៃទី២៣ ខែមេសា
ឆ្នាំ២០១២។ ចំនែកជនគ្រោះ គឺជាសន្តិសុខសណ្ឋាគារ
និងមន្រ្តីប៉េអឹម។
ករណីនេះមន្រ្តីស៊ើបអង្កេតនៅសមាគមអាដហុកប្រចាំខេត្តនេះ លោក នាង បូរាទីណូ លើកឡើងថា ប៉ូលីសកំពុងធ្វើការសម្របសម្រួលគ្នាទៅវិញ។ លោកបន្តថា ករណីនេះ ជាបទព្រហ្មទណ្ឌ គួរណាស់តែអនុវត្តន៍ទៅតាមផ្លូវច្បាប់ ៖” អញ្ចឹងប្រព័ន្ធផ្លូវច្បាប់គួរតែមានចំណាត់ការទៅលើ អ្នកមានអំណាចប្រើអំណាចលើប្រជាពលរដ្ឋរងគ្រោះទន់ខ្សោយ អញ្ចឹងអ្វីដែលខាងខ្ញុំសម្លឹងមើលឃើញ ចង់អោយមានការអនុវត្តច្បាប់របៀបនេះ ទោះបីជាមានការសម្របសម្រួលហើយក៏ដោយ”។
ករណីនេះមន្រ្តីស៊ើបអង្កេតនៅសមាគមអាដហុកប្រចាំខេត្តនេះ លោក នាង បូរាទីណូ លើកឡើងថា ប៉ូលីសកំពុងធ្វើការសម្របសម្រួលគ្នាទៅវិញ។ លោកបន្តថា ករណីនេះ ជាបទព្រហ្មទណ្ឌ គួរណាស់តែអនុវត្តន៍ទៅតាមផ្លូវច្បាប់ ៖” អញ្ចឹងប្រព័ន្ធផ្លូវច្បាប់គួរតែមានចំណាត់ការទៅលើ អ្នកមានអំណាចប្រើអំណាចលើប្រជាពលរដ្ឋរងគ្រោះទន់ខ្សោយ អញ្ចឹងអ្វីដែលខាងខ្ញុំសម្លឹងមើលឃើញ ចង់អោយមានការអនុវត្តច្បាប់របៀបនេះ ទោះបីជាមានការសម្របសម្រួលហើយក៏ដោយ”។
បើតាមប៉ូលីស បានឲ្យដឹងថា ករណីនោះ បានកើតឡើងនៅវេលាម៉ោងប្រហែលជាង
១១យប់ ថ្ងៃទី២២ ខែមេសា ឆ្នាំ២០១២ម្សិលមិញ នៅសណ្ឋាគារ កោះកុងស៊ីធី។
ក្នុងហេតុការណ៍នោះ មានប៉េអឹមម្នាក់ សន្តិសុខសណ្ឋាគារ ២នាក់
និងម្ចាស់សំភារៈ ម្នាក់រងរបួសធ្ងន់ ខណៈពួកគេបានសុំឲ្យលោក ប៊ុន សុខា
បើកទ្វារបន្ទប់សណ្ឋាគារ ដើម្បីរកខ្សែកដែលបានបាត់៕
0 comments:
Post a Comment