ភ្នំពេញៈ បើគិតមកដល់ពេលនេះវាមានរយៈពេលពីរឆ្នាំហើយ ដែលសែស្រឡាយរាជ្យវង្សព្រះមហាក្សត្រខ្មែរ អ្នកអង្គម្ចាស់ក្សត្រី នរោត្តម សោមា បានវិលត្រឡប់មកកាន់មាតុប្រទេសវិញ បន្ទាប់ពីបានធ្វើមាតុភូមិនិវត្តន៍ទៅរស់នៅលើទឹកដីសហរដ្ឋអាមេរិកកាលពីឆ្នាំ១៩៧៥មក។
នាពេលរាត្រីអ្នកអង្គម្ចាស់ក្សត្រីរូបនេះ តែងមានទម្លាប់ចេញកម្សាន្តនៅខាងក្រៅដូចកាលនៅរដ្ឋកាលីហ្វរនីញ៉ាដែរ ទោះបីជានៅក្នុងព្រះរាជាណាចក្រកម្ពុជាទ្រង់ជាសាច់ញ្ញាតិរាជ្យវង្សក៏ដោយ។ យ៉ាងណាមិញ ទ្រង់ចូលចិត្តទៅកម្សាន្តនៅបារ៍ Riverhouse ឬ ជូនកាលអាចនៅកន្លែងផ្សេងៗទៀត។
បច្ចុប្បន្នអ្នកអង្គម្ចាស់ក្សត្រីមានការមមាញឹកមួយអន្លើទៀត សម្រាប់ការងារនៅក្នុងក្រុមហ៊ុនសារព័ត៌មានឯកជនមួយឈ្មោះភ្នំពេញ ប៉ុស្តិ៍ តាមរយៈបទពិសោធន៍នៃការចូលរួមក្នុងបញ្ហាសង្គមនោះ។ អ្នកអង្គម្ចាស់នឹងចាប់ផ្តើមការងារដំបូង នៃការសរសេរអត្ថបទចេញផ្សាយថ្មីពិសេសៗប្រចាំសប្តាហ៍នាឱកាសថ្ងៃសុក្រសប្តាហ៍នេះ ទាំងអត្ថបទជាខេមរភាសា និងភាសាអង់គ្លេស។
អត្ថបទរបស់អ្នកអង្គម្ចាស់គឺមានភាពពាក់ព័ន្ធនឹងបញ្ហាសង្គមដូចជា ភាពខុសគ្នានៃសង្គមគ្រួសារត្រកូលអភិជន បញ្ហាសុខភាព ប្រព័ន្ធអប់រំ និងការជួញដូរមនុស្សជាដើម។
អ្នកអង្គម្ចាស់ក្សត្រី នរោត្តម សោមា បានបញ្ចប់ការសិក្សានៅសាកលវិទ្យាល័យកាលីហ្វនីញ៉ា នៅសហរដ្ឋអាមេរិក បានហៅខ្លួនឯងថាជា«អ្នកឧទ្ទាមរាជ្យវង្ស ឬ Royal Rebel» ។ អ្នកអង្គម្ចាស់បន្តថា៖ «ទ្រង់ចង់បង្កើតឲ្យមានលក្ខណៈថ្មីមួយ»ខណៈវាគឺជាអ្វីមួយ ដែលព្រះរាជ្យវង្សានុវង្សរបស់ទ្រង់នៅកម្ពុជារំពឹងចង់បាន និងចង់បរិយាយ។
អ្នកអង្គម្ចាស់ក្សត្រីបានបន្តថា៖ «ខ្ញុំនឹងសរសេរចេញនូវអ្វីដែលជាការហាមប្រាមទាំងឡាយ ដែលមនុស្សមួយចំនួនមិនចង់និយាយចេញព្រោះតែពួកគេមិនចង់បាត់បង់តំណែង ការងារ រថយន្ត និងផ្ទះវីឡាជាដើម»។
ឆ្នាំ២០១០ អ្នកអង្គម្ចាស់ នរោត្តម សោមា បានចាកចេញពីអាជីពខាងសារព័ត៌មាននៅសហរដ្ឋអាមេរិករបស់ខ្លួនដោយសារតែត្រូវបំពេញកាតព្វកិច្ចជាកូនល្អ ក្នុងការថែទាំព្រះបិតារបស់ទ្រង់ គឺព្រះអង្គម្ចាស់នរោតម្ត វ៉ាត់វណ្ណី ( Norodom Vatvani) អតីតជាមេបញ្ជាការកងទ័ពអាកាស។
0 comments:
Post a Comment