 |
លោកឧកញ៉ា កឹកអាភៀន ហ៊ុន តូ ក្មួយប្រុសសម្តាចម៏ហ៊ុនសែន ពេលវិលត្រឡប់មកពីប្រទេសអូស្ត្រាលី កាលពីព្រឹកថ្ងៃទី២២ ខែមិថុនា ឆ្នាំ២០១២ ( រូបថត៖ ស៊ីវ ចាន់ណា ) |
 |
| លោកឧកញ៉ា កឹកអាភៀន ហ៊ុន តូ ក្មួយប្រុសសម្តាចម៏ហ៊ុនសែន ពេលវិលត្រឡប់មកពីប្រទេសអូស្ត្រាលី កាលពីព្រឹកថ្ងៃទី២២ ខែមិថុនា ឆ្នាំ២០១២បឹតមាត់ធ្វើផ្នែកស្លឹងខំសម្លឹងឆ្កែព្រុស ( រូបថត៖ ស៊ីវ ចាន់ណា ) |
ថ្ងៃទី 22 មិថុនា 2012
ដោយ: រតនា
Cambodia Express News
មន្ត្រីជាន់ខ្ពស់រាជរដ្ឋាភិបាល ជា អ្នកព្រុសការពារ ឧកញ៉ោចោរ។ មកដល់ស្រុក ហ៊ុនតូ អួតថា ពិចារណាដាក់ពាក្យប្តឹងកាសែតអូស្ត្រាលី តែនៅអូស្ត្រាលី ប្រាប់គេថាឈប់ ប្តឹងកាសែតហើយ។ ចំជាកំសាក មែនណ៎ មនុស្សនេះ!
ភ្នំពេញ: លោកឧកញ៉ា ហ៊ុន តូ ក្មួយប្រុសសម្តេចហ៊ុន សែន បានវិលត្រឡប់មកពីប្រទេសអូស្ត្រាលី ដល់ព្រលានយន្តហោះអន្តរជាតិភ្នំពេញ កាលពីវេលាម៉ោង ៩ និង ៣៥ នាទីព្រឹក ថ្ងៃទី២២ ខែមិថុនា ឆ្នាំ២០១២។ លោកឧកញ៉ា ហ៊ុន តូ ដែលទុកពុកមាត់ គួរឲ្យខ្លាច អមដោយមន្ត្រីជាន់ខ្ពស់រាជរដ្ឋាភិបាលកម្ពុជា បានប្រកាសក្នុងសន្និសីទកាសែតថា លោកនឹងដាក់ពាក្យប្តឹងកាសែតអូស្ត្រាលីមួយ ដែលផ្សព្វផ្សាយរឿងលោកជាប់ពាក់ព័ន្ធនឹងការជួញដូរគ្រឿងញៀនដ៏ធំក្នុងពេលកន្លងមក។
លោក ផៃ ស៊ីផាន រដ្ឋលេខាធិការទីស្តីការគណៈរដ្ឋមន្ត្រី ដែលបានអមដំណើរលោកឧកញ៉ា ហ៊ុន តូ នៅពេលវិលត្រឡប់មកដល់ព្រលានយន្តហោះ បានឲ្យដឹងថា ក្នុងដំណើរទៅប្រទេសអូស្ត្រាលីរយៈពេលបីសប្តាហ៍របស់លោក ហ៊ុន តូ ពុំមានការឃាត់ខ្លួនសួរនាំអ្វីពីសំណាក់អាជ្ញាធរប្រទេសអូស្ត្រាលីទេ។
លោក ផៃ ស៊ីផាន បានបញ្ជាក់ថា លោកឧកញ៉ា ហ៊ុន តូ នឹងពិចារណាដាក់ពាក្យប្តឹងកាសែតអូស្ត្រាលីមួយ ដែលចុះផ្សាយថា លោកឧកញ៉ា ហ៊ុន តូ ជាប់ពាក់ព័ន្ធនឹងការជួញដូរគ្រឿងញៀនពីកម្ពុជាទៅកាន់ប្រទេសអូស្ត្រាលី។ ក៏ប៉ុន្តែលោកផៃស៊ីផាន មិនបានប្រាប់អ្នកកាសែតថា នឹងត្រូវប្តឹងកាសែតអូស្ត្រាលីពីបទចោទប្រកាន់អ្វីទេតែលោកថា នឹងប្តឹងយោងតាមច្បាប់ប្រទេសអូស្ត្រាលី។
ក្នុងពេលបង្ហាញមុខដល់អ្នកកាសែតនោះ លោកឧកញ៉ា ហ៊ុន តូ មិនបាននិយាយស្តីអ្វីមួយម៉ាត់ជាមួយអ្នកកាសែតឡើយដោយទុកឲ្យលោក ផៃ ស៊ីផាន ជាអ្នកបកស្រាយ។
ជាមួយគ្នានោះ លោក ផៃស៊ីផាន ក៏បានអះអាងថា វត្តមានរបស់លោកក្នុងសន្និសីទកាសែតពេលនេះ ក្នុងនាមជាអ្នកសម្របសម្រួលឲ្យលោកឧកញ៉ា ហ៊ុនតូ ជាមួយអ្នកកាសែត និងបង្ហាញមុខលោកក្នុងពេលវិលត្រឡប់មកពីប្រទេសអូស្ត្រាលីប៉ុណ្ណោះ៕
0 comments:
Post a Comment