Tuesday, 31 July 2012
ម៉ៃ ទិត្យថារ៉ា ភ្នំពេញ ប៉ុស្ដិ៍
 |
| ប្រជាពលរដ្ឋលើកបដា សុំឲ្យអាជ្ញាធរដោះស្រាយដីធ្លី។រូបថត ហុង មិនា |
កណ្តាលៈពលរដ្ឋប្រមាណជា២០០នាក់តំណាងអោយពលរដ្ឋ២០០គ្រួសាររស់នៅក្នុងភូមិពាង ឃុំសំបួរមាស ស្រុកមុខកំពូល ខេត្តកណ្តាលបាននាំគ្នាមកធ្វើការតវ៉ានៅខាងមុខសាលាស្រុកមុខកំពូលដើម្បីស្នើរសុំអោយអាជ្ញាធរជួយអន្តរាគមន៍និងដោះស្រាយផ្តល់ដីកម្មសិទ្ធិកាន់កាប់ដីស្រែប្រាំងដល់ពួកគាត់។
ជម្លោះដីធ្លីដែលបានអូសបន្លាយតាំងពីឆ្នាំ២០០៦ ជាមួយពលរដ្ឋ២០០ គ្រួសារ លើផ្ទៃដីស្រែប្រាំង ៨៦ ហិក ជាមួយក្រុមហ៊ុន CT Mart រហូតមកដល់បច្ចប្បន្ននេះពុំទាន់មានដំណោះស្រាយពីអាជ្ញាធរនោះទេបើទោះបីជាពលរដ្ឋបាននាំគ្នាធ្វើការតវ៉ាជាច្រើនលើកច្រើនសារនៅខាងមុខសាលាស្រុកនិងភូមិគ្រឹះរបស់លោកនាយករដ្ឋមន្ត្រីក៍ដោយ។
លោកឆាយ ឆុន តំណាងពលរដ្ឋដែលធ្វើការតវ៉ានៅខាងមុខសាលាស្រុកមុខកំពូលបានអោយដឹងថា ពលរដ្ឋទាំងអស់បានបង្ករបង្កើនផលស្រែប្រាំងតាំងពីឆ្នាំ១៩៧៩ ស្រាប់តែនៅ ក្នុងឆ្នាំ២០០៦ មានក្រុមហ៊ុនឈ្មោះCT Mart company មកឈូសឆាយធ្វើក្រវ៉ាត់ ហើយហាមមិនអោយពលរដ្ឋធ្វើស្រែនៅក្នុងដីរបស់ពួកគេ។
លោកបានអោយដឹងទៀតថា ៖«ពួកខ្ញុំបានកាន់កាប់ដីនោះយូរហើយតែពួកយើងមិនបានធ្វើលិខិតកាន់កាប់ដី ស្រាប់តែក្រុមហ៊ុននោះមកគេបង្ហាញប្លង់ដីថាជាដីរបស់ពួកគេ។ ពួកយើងដើរតវ៉ាគ្រប់កន្លែងបានត្រឹមតែពាក្យសន្យាតែប៉ុណ្ណោះ»។
0 comments:
Post a Comment