Tuesday, 31 July 2012 Reuters
Source: VOA/Khmer
 |
| បុគ្គលិកសន្តិសុខថៃ ពិនិត្យកន្លែងវាយប្រហាររបស់ក្រុមសកម្មប្រយុទ្ធ លើការល្បាតរបស់ទាហាន នៅខេត្តប៉ាតានី កាលពីថ្ងៃសៅរ៍។ Reuters |
ក្រុងបាងកកៈ ប៉ូលិស ទាហាន និងមន្រ្តីស៊ីវិលថៃរាប់រយនាក់ ត្រូវបានគេដាក់ពង្រាយ បន្ទាប់ពីជនសកម្មប្រយុទ្ធប្រដាប់អាវុធ១៣នាក់ដែលនៅពុំទាន់ ចាប់ខ្លួនបាន បន្ទាប់ពីបាញ់ប្រហារលើទាហាន៦នាក់ ដែលកំពុងល្បាតតាមម៉ូតូនៅស្រុកម៉ាយូ ខេត្តប៉ាតានី កាលពីព្រឹកថ្ងៃសៅរ៍សប្តាហ៍មុន។
អធិការប៉ូលិសស្រុកម៉ាយូលោក វរសេនីយ៍ឯក គុងអូត សុវណ្ណា ខាម បានប្រាប់កាសែតបាងកកប៉ុស្តិ៍ថា ភាគច្រើននៃក្រុមសកម្មប្រយុទ្ធទាំងនោះ ជាជនជាតិដើមម៉ាយ៉ូ ហើយការស៊ើបអង្កេតច្រើនទៀតបានរកឃើញថា ពួកគេនៅកំពុងលាក់ខ្លួននៅក្នុងស្រុកនេះ។
លោកវរសេនីយ៍ឯក គុង-អូត បាននិយាយថា សាក្សីជាច្រើន ដែលគេបានហៅមកសាកសួរកាលពីថ្ងៃអាទិត្យ បាននិយាយថា ពួកគេអាចបញ្ជាក់អត្តសញ្ញាណ ជនល្មើសភាគច្រើន តាមរយៈរូបភាពកាមេរ៉ាមួយដែលគេបានដាក់ក្បែរកន្លែងវាយប្រហារនោះ។
លោកអធិការរូបនេះ បានបញ្ជាក់ ថា៖ «យើងត្រូវការអ្នកភូមិច្រើនទៀតដែលបានឃើញហេតុការណ៍នេះ និងក៏បានស្គាល់ក្រុមសកម្មប្រយុទ្ធទាំងនេះដើម្បីជួយផ្តល់ ព័ត៌មានឲ្យយើងដែលអាចនាំទៅរកការចាប់ខ្លួនបន្ថែមទៀត នៅក្នុងពេលឆាប់ៗនេះ»។
លោកវរសេនីយ៍ឯកប៉ូលិស គុង-អូត បានបញ្ជាក់ថា លោក មានទំនុកចិត្តថា ជនសង្ស័យបីនាក់ដែលបានចាប់ខ្លួនបានពាក់ព័ន្ធនឹងការ សម្លាប់នេះបានចូលរួមក្នុងការវាយប្រហារដែលគេផ្សាយជាទូទៅកាល ពីថ្ងៃសៅរ៍ ដែលបានសម្លាប់ទាហាន៤នាក់ និងធ្វើឲ្យរបួសពីរនាក់ផ្សេងទៀត។
លោក បានទទូចថា ជនសង្ស័យទាំងនេះ មិនមែនត្រូវបានចាប់ខ្លួនព្រោះតែជាអ្នកជាន់ដានគេក្នុង ឧបទ្ទវហេតុនេះទេ។ មនុស្សបីនាក់ ត្រូវបានគេចាប់ខ្លួន បន្ទាប់ពីកម្លាំងចម្រុះមន្រ្តីយោធា ប៉ូលិស និងស៊ីវិល៥០នាក់ បានវាយឆ្មក់ផ្ទះពួកគេនៅក្នុងឃុំតាំប៊ុនណាមសៃ ស្រុកម៉យូ ខេត្តប៉ាតានី។
ការវាយប្រហារនេះ បានកើតមានប៉ុន្មានម៉ោងបន្ទាប់ពីជនសកម្មប្រយុទ្ធដែលមានអាវុធ គ្រប់ដៃ១៦នាក់បានបើកការវាយប្រហារលើទាហាន៦នាក់ ដែលកំពុង តែល្បាតនៅលើកំណាត់ផ្លូវម៉ាយូបានប៉ាឡាត នៅស្រុកម៉ាយូ កាល ពីព្រឹកថ្ងៃសៅរ៍។
រូបភាពកាមេរ៉ាបង្កប់ពីវីដេអូដែលបានថតមួយពីឧបទ្ទវហេតុនេះ ត្រូវបានគេផ្សព្វផ្សាយតាម បណ្តាញទូរទស្សន៍ភ្លាមៗបន្ទាប់ពីពេលនោះ។ ក្រុមមន្រ្តី បាននិយាយ ថា ជនសង្ស័យទាំងបី ដែលស្ថិតក្នុងមន្ទីរឃុំឃាំង ត្រូវបានគេពិនិត្យឃើញនៅក្នុងកាមេរ៉ាសន្តិសុខនៅកន្លែងផ្សេង៕ NR
0 comments:
Post a Comment