លោកកឹមសុខា និងលោកសមរង្ស៊ី ទៅអាមេរិក សហភាពអឺរ៉ុប និងជប៉ុនដើម្បីស្វែងរកការគាំទ្រ
Sam Rainsy and Kem Sokha to seek support in the US, Canada, the EU and Japan
ថ្ងៃទី 30 កក្កដា 2012 | ដោយ: រតនា
Cambodia Express News
Cambodia Express News
.jpg) |
ថ្នាក់ដឹកនាំគណបក្សសមរង្ស៊ី និងគណបក្សសិទ្ធិមនុស្ស ជួបសកម្មជនរួមគ្នា ដោយ មានការចូលរួមពីលោកសមរង្ស៊ី តាមរយៈវិដេអូខនហ្វឺរេន នាព្រឹកថ្ងៃទី៣០កក្កដាឆ្នាំ ២០១២ នៅទីស្នាក់ការកណ្តាលគណបក្សសិទ្ធិមនុស្ស ក្នុងរាជធានីភ្នំពេញ ( រូបថត៖ ស៊ីវ ចាន់ណា ) |
Synopsis: Sam Rainsy, SRP President, and Kem Sokha, HRP President, will depart on 31 July 2012 for North America, the EU and Japan to seek support from overseas opposition activists, as well as to meet with a number of important Superpower officials. The goal of their trip is to spread the merger of the opposition parties, to demand reform for the Cambodian National Election Committee (NEC) and to seek intervention for the return of opposition leader Sam Rainsy back to Cambodia. Both Kem Sokha and SRP MP Mu Sochua will depart from Cambodia on 31 July 2012 to head for the US where they will meet opposition leader Sam Rainsy.
ភ្នំពេញ: ប្រធានគណបក្សសមរង្ស៊ី និងគណបក្សសិទ្ធិមនុស្ស ដឹកនាំដោយលោក កឹមសុខា និងលោកសម រង្ស៊ី នឹងចេញដំណើរនាថ្ងៃទី៣១កក្កដា ឆ្នាំ២០១២ ទៅកាន់សហរដ្ឋអាមេរិក សហភាពអឺរ៉ុប និងប្រទេសជប៉ុន ដើម្បីស្វែងរកការគាំទ្រពីសកម្មជនគណបក្សប្រឆាំងទាំងពីរនៅក្រៅប្រទេស ព្រមទាំងជួបនឹងមន្ត្រីរដ្ឋាភិបាលប្រទេសមហាអំណាចសំខាន់ៗមួយចំនួន។ គោលបំណងនៃដំណើរទៅក្រៅប្រទេសនោះ ដើម្បីផ្សព្វផ្សាយពីការរួបរួមរបស់គណបក្សប្រឆាំង ការកែទម្រង់ គ.ជ.ប. និងស្វែងរកអន្តរាគមន៍ឲ្យលោកសមរង្ស៊ី បានវិលត្រឡប់មកកាន់ប្រទេសកម្ពុជាឡើងវិញ។
ក្នុងពិធីជួបជុំរួមគ្នារវាងថ្នាក់ដឹកនាំគណបក្សសមរង្ស៊ី និងគណបក្សសិទ្ធិមនុស្ស នាព្រឹកថ្ងៃទី៣០កក្កដា ឆ្នាំ២០១២ នៅទីស្នាក់ការកណ្តាលគណបក្សសិទ្ធិមនុស្ស ក្នុងរាជធានីភ្នំពេញ លោកសម រង្ស៊ី បានប្រកាសតាម Video Conference ពីក្រៅប្រទេសមកថា ថ្នាក់ដឹកនាំគណបក្សសមរង្ស៊ី និងគណបក្សសិទ្ធិមនុស្ស ដែលដឹកនាំដោយលោក កឹមសុខា និងលោកស្រី មូរ សុខហួរ នឹងធ្វើដំណើរចាកចេញពីភ្នំពេញ នាថ្ងៃទី៣១កក្កដា ឆ្នាំ២០១២ ដើម្បីឆ្ពោះទៅកាន់សហរដ្ឋអាមេរិក។ រូបលោក ( សមរង្ស៊ី ) ក៏នឹងទៅកាន់សហរដ្ឋអាមេរិកផងដែរ។
លោកសមរង្ស៊ី បានបន្ថែមថា នៅអាមេរិក ក្រៅពីជួបនឹងសកម្មជន អ្នកគាំទ្រគណបក្សសមរង្ស៊ី និងគណបក្សសិទ្ធិមនុស្ស ថ្នាក់ដឹកនាំទាំងពីរគណបក្សក៏នឹងជួបជាមួយនឹងមន្ត្រីរដ្ឋាភិបាលអាមេរិក មុននឹងបន្តដំណើរទៅកាន់ប្រទេសមួយចំនួននៅសហភាពអឺរ៉ុប និងជប៉ុន។
អំពីគោលបំណងនៅក្រៅប្រទេស ក្នុងដំណើររួមគ្នារវាងមេដឹកនាំគណបក្សប្រឆាំងទាំងពីរ ក៏ត្រូវបានលោកសម រង្ស៊ី លើកឡើងថា ដើម្បីឲ្យប្រទេសមហាអំណាចទាំងនោះអន្តរាគមន៍ឲ្យមានការកែទម្រង់គណៈកម្មាធិការជាតិរៀបចំការបោះឆ្នោត គ.ជ.ប. និងគោលបំណងទី២ គឺស្វែងរកផ្លូវឲ្យលោកសមរង្ស៊ី បានវិលមកចូលរួមការបោះឆ្នោតជាតិនៅឆ្នាំ២០១៣ ខាងមុខ។
មេដឹកនាំគណបក្សប្រឆាំង បានលើកឡើងពីការមិនឯករាជ្យក្នុងការរៀបចំការបោះឆ្នោត ដោយសារតែសមាសភាព គ.ជ.ប. នាពេលសព្វថ្ងៃជាដើម។ ម្យ៉ាងទៀត លោកសម រង្ស៊ី ក៏ត្រូវឈរជាបេក្ខជននាយករដ្ឋមន្ត្រីសម្រាប់ការបោះឆ្នោតជាតិនៅឆ្នាំ២០១៣ ដូច្នេះចាំបាច់ត្រូវតែមានវត្តមានរបស់លោកចូលរួមការបោះឆ្នោត ក្នុងនាមជាប្រធានគណបក្សថ្មី ដែលរួមគ្នាបង្កើតឡើងដោយលោកកឹមសុខា និងលោកសមរង្ស៊ី។
លោកសម រង្ស៊ី ក៏បានលើកឡើងថា សហរដ្ឋអាមេរិក មានឥទ្ធិពលក្នុងតំបន់ និងនៅលើពិភពលោក ដូចករណីជម្លោះនៅសមុទ្រចិនខាងត្បូង ជាដើម គឺវៀតណាម ត្រូវការអាមេរិក ដើម្បីទប់ទល់ជាមួយចិន ដូច្នេះអាមេរិកអាចនិយាយជាមួយវៀតណាម ហើយវៀតណាមអាចនិយាយជាមួយ នាយករដ្ឋមន្ត្រី ហ៊ុន សែន ក្នុងការសម្របសម្រួលឲ្យរូបលោកដែលត្រូវតុលាការកម្ពុជាកាត់ទោសកំបាំងមុខ អាចវិលត្រឡប់មកធ្វើនយោបាយនៅកម្ពុជាវិញបាន។
នៅមិនទាន់មានប្រតិកម្មបែបណាពី គ.ជ.ប. និងមន្ត្រីរដ្ឋាភិបាលកម្ពុជា ជុំវិញការលើកឡើងរបស់លោកសមរង្ស៊ី និងថ្នាក់ដឹកនាំគណបក្សប្រឆាំងនៅឡើយទេ
0 comments:
Post a Comment